ОРХОН АЙМГИЙН ЗАСАГ ДАРГЫН ТАМГЫН ГАЗРЫН ХУУЛЬ ЗҮЙН ХЭЛТСИЙН АРХИВЫН ТАСГИЙН ДАРГЫН АЛБАН ТУШААЛД ТОМИЛОГДОХ АЖИЛТНЫ СОНГОН ШАЛГАРУУЛАЛТЫГ ЗАРЛАЖ БАЙНА.

Нэг.Сонгон шалгаруулалтын  зорилго

1.Төрийн албан тушаалд тавигдах шаардлагыг хангасан,  төрийн албаны зорилт, чиг үүргийг мэргэшлийн өндөр түвшинд хэрэгжүүлэх удирдах ажилтныг шилж сонгоход оршино. Улсын Их Хурлын 2003 оны 13 дугаар тогтоолоор батлагдсан “Төрийн жинхэнэ албаны удирдах албан тушаалд томилогдох ажилтныг сонгон шалгаруулах журам”, Төрийн албаны зөвлөлийн 2013 оны 14 дүгээр тогтоолоор батлагдсан “Төрийн жинхэнэ албаны удирдах албан тушаалд томилогдох ажилтны сонгон шалгаруулалтын үнэлгээ, дүгнэлт гаргах заавар”-ыг Төрийн албаны зөвлөлийн www.csc.gov.mn гэсэн цахим хуудсанд тавьсан бөгөөд бүртгүүлэх иргэд энэхүү журам, заавартай заавал танилцсан байна. 

Хоёр. Сонгон шалгаруулалтын тухай

а.Сонгон шалгаруулалтыг Монгол улсын Төрийн албаны тухай хуулийн 17 дугаар зүйл,  35 дугаар зүйлийн 35.1.6 дэх  хэсгийг баримтлан Улсын Их Хурлын 2003 оны 13 дугаар тогтоолоор баталсан ”Төрийн жинхэнэ албаны удирдах албан тушаалд томилогдох ажилтныг сонгон шалгаруулах журам”-ын дагуу  2016  оны  6 дугаар  сарын 06- ний  өдөр доорхи  байдлаар  зохион байгуулна.

1.Ерөнхий шаардлага /Анкет, диплом, гэрчилгээ, нийгмийн даатгалын болон хөдөлмөрийн дэвтэр/
2.Удирдах ур чадварын түвшингийн шалгалт /Хууль эрх зүйн чиглэлийн сорилын 60 хувьд зөв хариулж, босго оноог хангасан иргэн дараагийн шалгалтанд орно/
 3.Ярилцлагын шалгалт /Мэдлэг, хандлага, зан үйлийг тодорхойлох/

б. Сонгон шалгаруулалтад орох иргэд  нь Төрийн албаны тухай хуулийн 10.1-д заасан ерөнхий шаардлага  болон томилох эрх бүхий этгээдийн баталсан ажлын байранд тавигдах дараах шаардлагыг хангасан байна.
Үүнд:

Ажлын байранд тавигдах  шаардлага

Боловсрол

Мэргэжил

Туршлага

Ур чадвар

Дээд боловсролтой, баклавр болон түүнээс дээш зэрэгтэй байх

Архив, түүх, нийгмийн салбарын мэргэжилтэй байх

Мэргэжлээрээ 1-ээс доошгүй жил ажилласан байх

Багаар ажиллах, оновчтой шийдвэр гаргах, Манлайлах, төлөвлөх, зохион байгуулах, хянан зохицуулах чадвартай байх, Компьютерийн хэрэглээний программ ашиглах

 

Гурав.Бүртгэл.
 Сонгон шалгаруулалтад орохыг хүссэн иргэдийн материалыг 2016  оны 06 дугаар сарын 2,3 -ны  өдрүүдэд 9.00-12.00, 14.00 -17.00 цагийн хооронд аймгийн Засаг даргын Тамгын газарт хүлээн авч бүртгэнэ. Бүртгэхдээ шалгалтад орохыг хүссэн иргэний биеийн байцаалт, бусад холбогдох материалыг Төрийн албаны тухай  хууль, журамд заасан төрийн жинхэнэ албан тушаал эрхлэх болзол, тухайн албан  тушаалд тавигдах ерөнхий шаардлагатай  харьцуулан нягтлан шалгаж, уг болзол, шаардлагыг хангаж байгаа иргэдийг бүртгэнэ.
Төрийн албаны тухай хуулийн 10 дугаар зүйлд зааснаар тухайн зарлагдсан сул ажлын байранд тавигдсан 4 ерөнхий шаардлага (БОЛОВСРОЛ, МЭРГЭЖИЛ, МЭРГЭШИЛ, ТУРШЛАГА)-ыг бүгдийг нь хангасан иргэн л бүртгүүлэх боломжтой бөгөөд энэ нь тухайн иргэн “Баримт бичгийн шалгалт”-д “Тэнцсэн” гэсэн үнэлгээ авч байна гэсэн үг юм. Тухайлбал:
  ”Боловсролын шаардлага”: Бакалаврын боловсролын зэргийн шаардлага тавигдсан ажлын байранд бакалаврын дээд боловсролын зэрэгтэй иргэн бүртгүүлэх боломжтой гэдгийг санаарай.
  ”Мэргэжлийн шаардлага”: Их, дээд сургуульд суралцан эзэмшсэн үндсэн мэргэжлийг ойлгоно. Үүнд: Их эмч, нягтлан бодогч гэх мэт. /Их, дээд сургууль төгссөн диплом дээрх эзэмшсэн мэргэжлийн нэр нотолгоо болно/
  “Мэргэшлийн шаардлага”: Их, дээд сургуульд суралцан төгсөж, бакалаврын дээд боловсрол, тодорхой мэргэжил эзэмшсэний дараа үндсэн мэргэжлээрээ болон өөр чиглэлээр мэргэшүүлэх, мэргэжил дээшлүүлэх сургалтад хамрагдсан, үүний дотор тодорхой хугацаанд тухайн зарлагдсан чиглэлээр курст суралцсанаас эхлээд магистр, докторын зэрэг хамгаалсан гэх мэт сургалт, дадлагажилтад ямар нэг хэлбэрээр хамрагдсан байхыг ойлгоно. /Энэ тухай холбогдох диплом, гэрчилгээ/сертификат нотолгоо болно/
  ”Туршлагын шаардлага”: “Мэргэжлээрээ ажилласан байх” гэснийг тухайн мэргэжлээрээ улсын болон хувийн хэвшилд ажилласныг ойлгоно. Ажилласан жилийг Иргэний хуулийн 71 дүгээр зүйлд заасан хугацаа тооцох журмын дагуу хоногоор тооцдог. Жишээ нь, мэргэжлээрээ 1-ээс доошгүй жил ажилласан байх шаардлага тавигдсан байна гэвэл яг хоногоороо тооцоход 365 хоног гүйцсэн байх ёстой гэсэн үг. /Энэ хугацааг тооцохдоо Нийгмийн даатгалын дэвтрийн “Ажилд орсон, шилжсэн, чөлөөлсөн” гэсэн хүснэгтэд бичигдсэн ажилласан хугацааг баримтална/.
Хэрэв тухайн зарлагдсан сул ажлын байранд тавигдсан 4 ерөнхий шаардлага (боловсрол, мэргэжил, мэргэшил, туршлага)-ыг бүрэн хангаагүй иргэнийг бүртгэвэл, энэ нь Төрийн албаны тухай хуулийг зөрчсөн, ёс зүйгүй үйлдэл болох тул бүртгэл явуулж байгаа ажлын хэсэг ийм иргэнийг бүртгэх боломжгүй гэдгийг урьдчилан анхааруулж байна!!!
Иргэд  бүртгүүлэхдээ дараах бичиг баримтыг биедээ авч ирнэ.
 
1.Төрийн албан хаагчийн анкет
2.Иргэний үнэмлэхний эх хувийг хуулбарын хамт
3.Дээд боловсролын  дипломын  эх хувийг хуулбарын хамт /Хуулбар заавал нотариатаар баталгаажсан байх/
4.Ажил байдлын тодорхойлолт
            5.Ажилласан жилийг тооцох Хөдөлмөрийн болон нийгмийн даатгалын дэвтрийн эхний нүүр хуудсыг хөдөлмөрийн үйл ажиллагааны хөдөлгөөнийг баталгаажуулсан бусад хуудасны хуулбар, эх хувийн хамт /ажилласан жилийг тооцох тул хөдөлмөрийн үйл ажиллагаагаа хөдөлмөрийн болон нийгмийн даатгалын дэвтэрт бичигдсэн он, сар, өдрөөр нь нарийвчлан бичиж бэлтгэж ирэх/
    6.4х3-ийн хэмжээтэй 2 хувь цээж зураг. /1 ш нь анкет дээр наагдсан байх/

Дээрх материалыг дутуу бүрдүүлсэн иргэнийг бүртгэхгүй.

Сонгон шалгаруулалтанд орох иргэдийн уншиж судлах эрх зүйн баримт бичиг
Төрийн жинхэнэ албаны мэргэшлийн шалгалт, сонгон шалгаруулалтын хүрээнд бэлтгэсэн “Төрийн жинхэнэ албаны мэргэшлийн шалгалтын сорилгын хураамж” ном болон  дараах жагсаалтад байгаа хууль, журмаас бэлдэнэ үү. Үүнд:
1.     Монгол Улсын Үндсэн хууль,
2.     Монгол Улсын Үндсэн хуулийн цэцийн тухай хууль,
3.     Төрийн бэлэг тэмдгийн тухай хууль,
4.      Монгол Улсын Их Хурлын тухай хууль,
5.     Монгол Улсын Засгийн газрын тухай хууль,
6.     Монгол Улсын Ерөнхийлөгчийн тухай хууль,
7.     Монгол Улсын Засаг захиргаа, нутаг дэвсгэрийн нэгж, түүний удирдлагын тухай хууль,
8.     Төрийн албаны тухай хууль,
9.     Төрийн нууцын тухай хууль,
10.  Авлигын эсрэг хууль,
11.  Хөдөлмөр эрхлэлтийг дэмжих тухай хууль
12.  Захиргааны ерөнхий хууль
13.  Төрийн хяналт шалгалтын тухай хууль,
14.  Төрийн болон орон нутгийн өмчийн тухай хууль,
15.  Хөдөлмөрийн тухай хууль,
16.  Захиргааны хариуцлагын тухай хууль,
17.  Захиргааны хэрэг шүүхэд хянан шийдвэрлэх тухай хууль,
18.   Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай хууль,
19.  Байгууллагын нууцын тухай
20.  Татварын ерөнхий хууль,
21.  Хувь хүний орлогын албан татварын тухай хууль,
22.  Нийгмийн даатгалын тухай хууль,
23.  Нийгмийн халамжийн тухай хууль,
24.  Хувь хүний нууцын тухай
25.  Байгаль орчныг хамгаалах тухай хууль,
26.  Мэргэжлийн боловсрол, сургалтын тухай хууль
27.  Шилэн дансны тухай хууль,
28.  Архивын тухай хууль,
29.  Үндэсний аюулгүй байдлын үзэл баримтлал,
30.  Монгол Улсын Үндэсний хөгжлийн цогц бодлого,
31.  Жендэрийн тэгш байдлыг хангах тухай хууль
32.  Үндэсний аюулгүй байдлын Зөвлөлийн тухай
33.  Мэдээллийн ил тод байдал ба мэдээлэл авах эрхийн тухай
34.  Төсвийн тухай хууль
35.  Төсвийн тогтвортой байдлын тухай
36.  Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хууль.
37. Соёлын өвийн тухай хууль
38.Соёлын өвийг хамгаалах тухай хууль
39.   Нийтийн сонсголын тухай хууль
40.  Монгол Улсын Засгийн газрын 2012-2016 оны үйл ажиллагааны хөтөлбөр
41.  Албан хэрэг хөтлөлтийн үндсэн заавар
42.  Байгууллагын архивын ажлын үндсэн заавар
43  Төрийн захиргааны албан хаагчийн ёс зүйн дүрэм

Стандартчиллын үндэсний зөвлөлийн 2012 оны 12 дугаар сарын 20-ны өдрийн 37 дугаар тогтоолоор батлагдсан  MNS6355: 2012 стандарт болно.
Төрийн жинхэнэ албаны удирдах ажилтны сонгон шалгаруулалтанд орох иргэн Иргэний үнэмлэхтэйгээ ирнэ.
Харилцах хаяг: Орхон аймгийн Засаг даргын Тамгын газар, утас  70359194, 70350778
 

 

 


ОРХОН АЙМАГ ДАХЬ ТӨРИЙН АЛБАНЫ ЗӨВЛӨЛИЙН САЛБАР ЗӨВЛӨЛ
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2018-01-09 1206
ОРХОН АЙМГИЙН ЗАСАГ ДАРГЫН ДЭРГЭДЭХ САНХҮҮГИЙН ХЯНАЛТ, АУДИТЫН АЛБАНЫ ДАРГЫН АЛБАН ТУШААЛД ТОМИЛОГДОХ АЖИЛТНЫ СОНГОН ШАЛГАРУУЛАЛТЫН ЗАР

Орхон аймгийн Засаг даргын дэргэдэх Санхүүгийн хяналт, аудитын албаны даргын албан тушаалын сул орон ...

2015-04-05 5265
НУТГИЙН ЗАХИРГААНЫ БАЙГУУЛЛАГУУДЫН ҮЙЛ АЖИЛЛАГААНД ХЯНАЛТ-ШИНЖИЛГЭЭ, ҮНЭЛГЭЭ ХИЙСЭН ИЛТГЭХ ХУУДАС

НУТГИЙН ЗАХИРГААНЫ БАЙГУУЛЛАГУУДЫН ҮЙЛ АЖИЛЛАГААНД ХЯНАЛТ-ШИНЖИЛГЭЭ, ҮНЭЛГЭЭ ХИЙСЭН ИЛТГЭХ ХУУДАС

Ангилал

Сурталчилгаа

 

 

 

Веб статистик

Таны IP хаяг: 3.235.30.155
2017-11-30-ний өдрөөс хойш.
  • 18 Онлайн
  • 1662 Өнөөдөр
  • 4818 Өчигдөр
  • 11949 Долоо хоногт
  • 8080 Сүүлийн сард
  • 2217709 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  756

Facebook

Цаг агаар