“ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ АХУЙ-ТАНЫ ОРОЛЦОО” НЭЭЛТТЭЙ ӨДӨРЛӨГ ЗОХИОН БАЙГУУЛЛАА

   Олон улсын хөдөлмөрийн байгууллагаас санаачлан жил бүрийн дөрөвдүгээр сарын 28-ныг “Хөдөлмөрийн аюулгүй байдал, эрүүл ахуйн дэлхийн өдөр” болгон тэмдэглэж байхаар 2003 онд шийдвэрлэсэн бөгөөд үүнийг дэмжиж Манай улс 2012 оноос хойш Хөдөлмөрийн аюулгүй байдал, эрүүл ахуйн сарын аяныг зохион байгуулж байна.  Улсын хэмжээнд 2016 оны ХАБЭА-н дэлхийн өдрийг угтан “Ажлын байрны хөдөлмөрийн эрүүл мэндийг сайжруулъя” уриа дэвшүүлж, үйлдвэрлэлийн ослыг бууруулах, мэргэжлээс шалтгаалсан өвчнөөс урьдчилан сэргийлэх, ажлын байрны соёлыг сайжруулах олон хэлбэрийн арга хэмжээг зохион байгуулж  байна. Орхон аймгийн Хөдөлмөрийн аюулгүй байдал эрүүл ахуйн салбар хорооноос Аж ахуй нэгж байгууллагуудад хийх ажлын чиглэл хүргүүлж арга зүйн удирдлагаар ханган ажиллаж байна. 

Хөдөлмөрийн аюулгүй байдал эрүүл ахуйн хуулийн нэмэлт өөрчлөлттэй холбогдсон ҮОХХСБК-ын дүрэм, ХАБЭА-н зөвлөлийн журам зэргээр зурагт хуудас хэвлүүлэн мэдээлэл түгээж байна.
 Хууль тогтоомжийн болон стандартын шинэчлэлийг сурталчлах, Хөдөлмөрийн аюулгүй байдал эрүүл ахуйн зөвлөл, Үйлдвэрлэлийн осол, хурц хордлогыг судлан бүртгэх комиссын дарга нарыг чадваржуулах сургалт зохион байгууллаа.
 “Ажлын байрны эрүүл аюулгүй орчинг бий болгоё”, “Ажлын байрны зохион байгуулалтыг сайжруулж ажилтны оролцоог нэмэгдүүлье”, “Нэг бүрийн хамгаалах хэрэгслийн ач холбогдол”, “Аюулгүй байдлаа хангаж, үйлдвэрлэлийн ослоос сэргийлцгээе” сэдвээр 4 төрлийн шторк бэлтгэн орон нутгийн телевизүүдээр сурталчилж  иргэд, хөдөлмөрчдийн хөдөлмөрийн аюулгүй байдал эрүүл ахуйн талаарх мэдлэгийг дээшлүүлж байна.
“Хөдөлмөрийн аюулгүй байдал, эрүүл ахуй-Таны оролцоо” сэдэвт нээлттэй өдөрлөгт 2014, 2015 онд хөдөлмөрийн аюулгүй байдал, эрүүл ахуйн нөхцөлийг сайжруулж, хамтын гэрээний ач холбогдол, үр нөлөөг дээшлүүлж Улс, аймагт шалгарч байсан Эрдэнэт үйлдвэр ХХК, ЭБЦТС ТӨХК, 5 дугаар цэцэрлэг, “Эрдэнэт-Ус ДТС” ОНӨХК, Эрдмин ХХК, ТБЦДС ТӨХК, ЭДЦС ТӨХК, ХАА-н МСҮТ, Орхон цогцолбор сургууль, 15, 16 дугаар цэцэрлэгүүд оролцож үйл ажиллагаагаа танилцуулж туршлагаа түгээн дэлгэрүүлэх нээлттэй өдөрлөгийг өнөөдөр зохион байгууллаа. Мөн Үйлдвэрлэлийн ослын улмаас бэртэж гэмтсэн болон амиа алдагсдын дурсгалыг хүндэтгэх үйл ажиллагааг Хутагт ламын хийдтэй хамтран зохион байгуулсны зэрэгцээ үйлдвэр ААНБ-ууд 1 минут дуугүй зогсох, 108 зул өргөх, дуут дохио дуугаргах зэрэг олон ажлууд явууллаа.
 
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2016-03-22 1834
Ирэх XI сард 50 ортой хүүхдийн эмнэлэг ажиллаж эхэлнэ

Эмнэлгийг барихад улсын төсвөөс 4.2 тэрбум төгрөг зарцуулна

2014-09-16 1073
Он гарснаас хойш 429 иргэнийг Засаг дарга хүлээн авч уулзжээ

Орхон аймгийн Засаг Дарга, Засаг даргын Тамгын газар нь иргэдийнхээ дуу хоолойг сонсох чиглэлээр олон ...

2015-04-25 1175
Байгаль орчны газрын долоо хоногийн мэдээ 2015.04.20-04.24

Нутгийн захиргааны байгууллагуудаас иргэдэд үзүүлэх төрийн үйлчилгээг түргэн шуурхай болгох талаар авч ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 35.153.39.7
2017-11-30-ний өдрөөс хойш.
  • 26 Онлайн
  • 1687 Өнөөдөр
  • 4903 Өчигдөр
  • 19582 Долоо хоногт
  • 15749 Сүүлийн сард
  • 3008653 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  812

Facebook

Цаг агаар