Орхон аймаг дахь төрийн албаны зөвлөлийн салбар зөвлөлийн зөвлөмж

 ОРХОН АЙМАГ ДАХЬ ТӨРИЙН АЛБАНЫ ЗӨВЛӨЛИЙН

САЛБАР ЗӨВЛӨЛИЙН ЗӨВЛӨМЖ

 

2016 оны 04 дүгээр сарын 15-ны өдөр         Дугаар 01                                                Эрдэнэт

 

Аймаг дахь Төрийн албаны зөвлөлийн Салбар зөвлөлийн 2016 оны 04 дүгээр сарын 15-ны өдрийн хуралдаанаар нутгийн захиргааны байгууллагуудын үйл ажиллагаанд хийсэн хяналт-шинжилгээ, үнэлгээний дүнг хэлэлцээд дараахь зөвлөмжийг хүргүүлж байна.Үүнд:

1.Байгууллагын хүний нөөцийн хөтөлбөр, Төрийн албан хаагчдын ажиллах нөхцөл, баталгааг хангах хөтөлбөр, Төрийн албан хаагчдын сургалтын хөтөлбөр тэдгээрийг хэрэгжүүлэх тухайн оны төлөвлөгөө зэрэг баримт бичгийн  хэрэгжилтийг зохион байгуулах, үр дүнг тооцон  ажиллах,

 2.Эрүүл мэндийн газар, Хөдөлмөрийн хэлтэс зэрэг төрийн байгууллагууд төрийн жинхэнэ албан тушаалын сул орон тоонд төрийн жинхэнэ албанд анх орох иргэний мэргэшлийн шалгалт өгөөгүй иргэнийг ажиллуулж байгаа зөрчлийг арилган сул орон тоог холбогдох хууль тогтоомжийн хүрээнд нөхөх арга хэмжээ авах,

3. Баян-өндөр сумын ЗДТГ  төрийн албан хаагчдын хувийн хэрэгт үзлэг хийн зөрчлийг арилгах арга хэмжээ авах, Төрийн жинхэнэ албан хаагчдын албан тушаалын ангилал, зэрэглэлийг тогтоохдоо Засгийн газрын 2007 оны 354 дүгээр тогтоолыг хатуу баримтлах,

4. Төрийн албан хаагч бүрийн хувийн хэргийн бүрдлийг хангаж, баяжилт хөдөлгөөнийг тухай бүрт нь хийж хэвших,

5.Төрийн жинхэнэ албан тушаалд томилогдохоор нэр дэвшсэн иргэдийг томилохын өмнө   Төрийн албаны тухай хуулийн 16 дугаар зүйлийн 16.2.1, Эрүүл  мэндийн сайдын “Төрийн жинхэнэ албанд анх орох мэргэшлийн шалгалтанд тэнцсэн иргэний эрүүл мэндийн байдлыг тодорхойлох журам”-д заасан шаардлагыг тус тус баримтлан  томилох, холбогдох материалыг хувийн хэрэгт хадгалах,

6.Ажлын байрны тодорхойлолтыг тухайн байгууллага болон  албан тушаалын онцлогыг сайн мэддэг ажилтнуудыг  оролцуулах замаар ажлын хэсэг томилон боловсруулах, байгууллагын даргын гарын үсэг, тамга, тэмдэг дарж баталгаажуулахаас гадна тушаалаар батлах, батлагдсан ажлын байрны тодорхойлолтыг        аймгийн ЗДТГ-ын www.erdenet.mn сайт болон байгууллагын цахим хуудсанд байршуулан ил  тод байдлыг хангах,

7.Төрийн албан хаагчдын ёс зүйг төлөвшүүлэх, албан хаагчдын сахилга хариуцлагыг дээшлүүлэх чиглэлээр санаачлагатай ажиллах,

8.Мэдээллийн ил тод байдал ба мэдээлэл авах эрхийн тухай хууль тогтоомжийн хэрэгжилтийг зохион байгуулах, байгууллагын цахим хуудсыг тогтмол мэдээ мэдээллээр хангах

Дээрх зөвлөмжийн хэрэгжилтийг зохион байгуулан 2016 оны 07 сарын 01-ний дотор дүн мэдээг илтгэх хуудас болон нотлох баримтын хамт ирүүлэх.

                       

ОРХОН АЙМАГ ДАХЬ ТӨРИЙН АЛБАНЫ ЗӨВЛӨЛИЙН САЛБАР ЗӨВЛӨЛ

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

Ангилал

Сурталчилгаа

 

 

 

Веб статистик

Таны IP хаяг: 3.227.240.143
2017-11-30-ний өдрөөс хойш.
  • 5 Онлайн
  • 131 Өнөөдөр
  • 1788 Өчигдөр
  • 1919 Долоо хоногт
  • 43412 Сүүлийн сард
  • 1990644 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  743

Facebook

Цаг агаар