Орхон аймаг дахь нутгийн захиргааны байгууллагын Шалгалтын салбар комисс

 

ОРХОН АЙМАГ ДАХЬ НУТГИЙН ЗАХИРГААНЫ БАЙГУУЛЛАГЫН
ШАЛГАЛТЫН САЛБАР КОМИСС
 
2016.04.08                                                                                                                    Эрдэнэт хот
        
              ИЛТГЭХ ХУУДАС
 
 
Төрийн жинхэнэ  албан тушаалд анх орох иргэдээс авах  мэргэшлийн шалгалтын  дүнгийн тухай
 
Монгол улсын Төрийн албаны тухай хууль, Төрийн албаны зөвлөлийн  2013 оны  86 дугаар тогтоолоор батлагдсан “Төрийн жинхэнэ албан тушаалд анх ороход мэргэшлийн шалгалт авах журам”, Төрийн жинхэнэ албан тушаалд анх ороход авах  мэргэшлийн шалгалтын үнэлгээ, дүн гаргах заавар”-ын  дагуу  2016 оны  04 дүгээр сарын 07-ны өдөр   Төрийн жинхэнэ албан тушаалд анх орох иргэдээс авах  мэргэшлийн шалгалтыг зохион байгуулан явууллаа.
 
1.Бүртгэл
 
Аймаг дахь Төрийн албаны зөвлөлийн салбар зөвлөлөөс  нутгийн захиргааны  байгууллагын шалгалтын салбар комиссыг 7  хүний бүрэлдэхүүнтэйгээр баталсан ба салбар комиссын дэргэд бүртгэлийн болон сорилын шалгалт, ярилцлагын гэсэн 3  ажлын хэсгийг томилон ажиллууллаа. 
Бүртгэлийн ажлын хэсэг 2016 оны 04 дүгээр сарын 04,05-ны өдрүүдэд  мэргэшлийн шалгалтанд орохыг хүссэн  иргэдийн бүртгэлийг хийсэн ба зарлагдсан дэс түшмэлийн 11 ажлын байранд 12, туслах түшмэлийн 2 ажлын байранд 74 бүгд  84 иргэн бүртгүүлсэн.
2.Ерөнхий мэдлэгийн түвшин тогтоох шалгалт
 
Ш.Отгонбилэгийн нэрэмжит Технологийн сургуулийн Мэдээллийн технологийн төвд онлайн шалгалтыг  8.00 цагаас эхэлсэн.
 
Ерөнхий мэдлэгийн түвшин тогтоох шалгалтад 84 иргэн орохоос 81 иргэн орсон ба 26 иргэн 36 ба түүнээс дээш оноо авч тэнцсэн байна. Шалгалтын явцад ямар нэгэн хүндрэл  гараагүй болно.3 иргэн мэргэшлийн шалгалтад ирээгүй.
 
3.Монгол хэл бичгийн мэдлэгийн болон албан хэрэг хөтлөх ур чадварын түвшин тогтоох шалгалт
 
Ерөнхий мэдлэгийн түвшин тогтоох шалгалтад тэнцсэн 26  иргэн шалгалтад  орсон ба 21 иргэн 9 ба түүнээс дээш оноо авч тэнцсэн. Шалгалтын явцад ямар нэгэн хүндрэл  гараагүй болно. 
 
4.Мэдээллийн технологийн ур чадварын түвшин тогтоох шалгалт
 
Монгол хэл бичгийн мэдлэгийн болон албан хэрэг хөтлөх ур чадварын түвшин тогтоох шалгалтад тэнцсэн 21 иргэнээс дээрх шалгалтыг авлаа. Ямар нэгэн хүндрэл бэрхшээл гараагүй болно.  
5.Мэдлэг хандлага, зан үйлийг тодорхойлох шалгалт
 
Мэдлэг хандлага, зан үйлийг тодорхойлох комисс  дээрх 21 иргэнтэй ганцаарчилсан хэлбэрээр ярилцлага зохион байгуулсан ба дүнг тухайн үед нь танилцуулан гарын үсэг зуран баталгаажуулсан.
 
Шалгалтын салбар комисс нь  шалгалтын дүнг хуралдаанаараа хэлэлцэн шалгалтанд 60 ба түүнээс дээш оноо авч тэнцсэн 5 иргэнийг төрийн жинхэнэ албанд анх орох иргэний дэс түшмэлийн нөөцөд бүртгүүлэх, “Дэс түшмэлийн ангиллын төрийн жинхэнэ албан тушаалд анх орох иргэний нөөц”-д бүртгэгдсэн иргэдээс хамгийн өндөр оноо авсан нэр бүхий 2  иргэнийг Сэлэнгэ голын сав газрын 2 албан тушаалд, 60 ба түүнээс дээш оноо авч тэнцсэн 16 иргэнийг төрийн жинхэнэ албанд анх орох иргэний туслах түшмэлийн нөөцөд бүртгүүлэх,  “Туслах түшмэлийн ангиллын төрийн жинхэнэ албан тушаалд анх орох иргэний нөөц”-д бүртгэгдсэн иргэдээс хамгийн өндөр оноо авсан нэр бүхий 2 иргэнийг Жаргалант сумын Засаг даргын Тамгын газрын 2  албан тушаалд  томилуулах саналыг Төрийн албаны мэргэшлийн шалгалтын  төв комисст хүргүүлэхээр санал нэгтэй шийдвэрлэв.
6.Дүгнэлт
 
2016 оны 04 дүгээр сарын 07-ны өдөр зохион байгуулагдсан  Төрийн жинхэнэ албаны  мэргэшлийн шалгалт цахим хэлбэрээр зохион байгуулагдаж холбогдох  журам, үнэлгээний зааврын дагуу графикт хугацаанд амжилттай  явагдлаа.
Төрийн жинхэнэ  албаны мэргэшлийн шалгалтын  үеэр болон  бэлтгэл ажилтай холбоотой ямар нэгэн зөрчил дутагдал гараагүй. 
 
Мөн түүнчлэн төрийн жинхэнэ албаны мэргэшлийн шалгалтын  үйл явцыг  сонирхсон этгээдэд  дэлгэцээр ажиглан харах боломжийг бүрдүүлж үйл ажиллагааны ил тод байдлыг ханган ажиллалаа. Шалгалтын үйл явц бүрийн бичлэгийг хийн архивласан.
7.Хураамж
 
84 иргэний шалгалтын хураамж 504000 төгрөгийг шалгалтын үйл ажиллагаанд зарцуулан аймгийн Засаг даргын Тамгын газрын санхүүд тайлагнасан ба санхүүгийн тайланг аймгийн Засаг даргын Тамгын газрын www.erdenet.mn  цахим хуудсын Хүний нөөцийн ил тод байдал –Салбар зөвлөлийн үйл ажиллагаа хэсэгт энэхүү илтгэх хуудсын хамт байршуулсан.
 
КОМИССЫН ДАРГА Д.МӨНХ-ЭРДЭНЭ
НАРИЙН БИЧГИЙН ДАРГА Ч.БАЯНЖАРГАЛ
 
 
 

 

Холбоотой мэдээлэл

2018-04-06 1365
ТӨРИЙН ЗАХИРГААНЫ УДИРДАХ АЛБАН ТУШААЛД ТОМИЛОГДОХ АЖИЛТНЫ СОНГОН ШАЛГАРУУЛАЛТЫН ЗАР

Орхон аймгийн Засаг даргын Тамгын газрын Хөрөнгө оруулалт, хөгжлийн бодлого, төлөвлөлтийн хэлтсийн ...

2021-09-14 63
ХУВИЙН АШИГ СОНИРХЛЫН УРЬДЧИЛСАН МЭДҮҮЛЭГ ХЯНАСАН ТУХАЙ

Хүнс, хөдөө аж ахуйн газрын ахлах нягтлан бодогч

2020-05-13 1781
УДИРДАХ АЛБАН ТУШААЛЫН СОНГОН ШАЛГАРУУЛАЛТЫН ЗАР

Орхон аймгийн Баян-Өндөр сумын ерөнхий боловсролын 17 дугаар сургуулийн захирлын албан тушаалын сонгон ...

Ангилал

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.16.13
2021-06-10-ний өдрөөс хойш.
  • 23 Онлайн
  • 1045 Өнөөдөр
  • 4048 Өчигдөр
  • 27250 Долоо хоногт
  • 204444 Сүүлийн сард
  • 6243664 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1000

Facebook

Цаг агаар