1 дүгээр цэцэрлэгийн 2015 оны санхүү аж ахуйн үйл ажиллагаанд хийсэн хяналт шалгалт

    Орхон аймгийн Баян-Өндөр сумын Бүрэнбүст багт байрших  1 дүгээр цэцэрлэгийн  санхүү аж ахуйн үйл ажиллагаанд 2015 онуудын  санхүүгийн хяналт шалгалт хийж, дүгнэлт   өгөх, илэрсэн зөрчил дутагдлыг арилгуулах, цаашид үүсэх эрсдэлээс урьдчилан сэргийлж, мэргэжил арга зүйн зөвлөгөө өгөх зорилгоор хяналт шалгалтыг 2015 оны 02 дугаар 22-нээс ажлын 15 хоногийн хугацаанд санхүүгийн хяналт шалгалтын улсын байцаагч Ц. Тэгшжаргал хийж гүйцэтгэлээ.

Байгууллагын товч мэдээлэл
 
    Тус цэцэрлэг нь анх 1975 онд ашиглалтад орсон ба Бүрэнбүст багт 42 багш ажилтантай 280 хүүхдийн хүчин чадалтай байгуулагдсан байна. Эдүүгээ тус цэцэрлэг нь 12 бүлэгтэй 400 орчим хүүхдэд  сургуулийн өмнөх боловсрол олгох үйлчилгээг амжилттай зохион байгуулж ирсэн байна. Тус цэцэрлэг 2009  онд “Улсын тэргүүний үйл ажиллагаатай  цэцэрлэг”-ээр  шалгарч  байсан ба 1999, 2008, онуудад аймгийн тэргүүний цэцэрлэгээр шалгарч амжилттай ажиллаж ирсэн байна.
 
   Шалгалтад  хамрагдсан  хугацааны  санхүүгийн баримтад 1-р гарын үсгийг   цэцэрлэгийн   эрхлэгч  Д.Хишигжаргал 1-3 сар,  Д.Нямсүрэн 4-12  саруудад,  2-р гарын үсгийг  нягтлан  бодогч  Ш.Ганзориг  нар тус   тус   зурж төсөвт  хөрөнгийг  захиран   зарцуулж  иржээ.  Төрийн сан банкинд төсвийн 210015201  тоот төгрөгийн,  нэмэлт  санхүүжилтийн  210015434  тоот  харилцах дансаар  орлого  зарлагын  гүйлгээ  хийж  ажил   үйлчилгээгээ  явуулж  байна.
 
   2015 онд улсын төсвөөс 513,844,30 мянган төгрөгийн санхүүжилт  батлагдаж,  гүйцэтгэлээр  511,875,90  мянган  төгрөгийн  санхүүжилт, нэмэлт  санхүүжилтээр   БШУЯамнаас  ном,  тоглоом  7,082,6  мянган  төгрөг, эцэг эхчүүдээс  орсон орлого 7,309,4  мянган төгрөг, НДСангаас ХЧТАТэтгэмжинд бусад орлого  2526,36  мянган  төгрөг авч нийт 467,556,97 мянган төгрөгийг зарцуулсан байна.
 
Шалгалтаар илэрсэн зөрчил дутагдал:
 
   Монгол Улсын  Засгийн  газрын  2011  оны  311 тоот тогтоолоор батлагдсан дотоод хяналт тавих нэгж /ажилтан/-ны  хийх ажлын төлөвлөгөөг  чиглэл чиглэлээр  тодорхой  болгож,  хийсэн  ажлын тайланг хамт олны хуралд танилцуулж,  тайлагнаж  байх. Дотоод  хяналт  шалгалтыг  сайжруулах шаардлагатай гэж үзэж байна.
 
Мэргэжлийн туслалцаа, зөвлөгөө өгсөн байдал
 
   Цаашид өр авлага үүсгэхгүй байх, анхан шатны баримтыг бүрдлийг хангуулах, хүнсний бараа материал худалдан авч бэлтгэхдээ ”Төрийн болон орон нутгийн өмч хөрөнгөөр бараа, ажил үйлчилгээ худалдан авах тухай хууль” уг хуульд нийцүүлэн гаргасан дүрэм, журмаар батлагдсан маягт зааврын дагуу тендерийн баримт бичгийн боловсруулан баталж, тендер шалгаруулалтын баримтын бүрдлийг хангаж ажиллах, иргэн АА-н нэгжүүдээс бараа, материал худалдан авахдаа ажил үйлчилгээ хувиараа эрхлэгч иргэний орлогын албан татвар төлсөн баримтыг тодорхой гаргац сайтай байлгах байх талаар зөвлөмж өгч ажиллаа. 
 
Цаашид авах арга хэмжээний санал
 
    Дээрхи зөрчил дутагдлуудыг дахин давтан гаргахгүй байх.НББүртгэлийн болон бусад хууль, эрхийн актын хэрэгжилтийг хангаж ажиллах, санхүүгийн холбогдолтой шинэчлэгдэн гарч буй хууль тогтоомж, тушаал, заавар журмыг үйл ажиллагаандаа хэрэгжүүлж ажиллах шаардлагатай гэж үзлээ.
 
Шалгалтын дүн, авсан арга хэмжээ
 
   Байгууллагын санхүүгийн үйл ажиллагаанд нягтлан бодох бүртгэлийг заавар журмын дагуу хөтөлсөн, анхан шатны баримтыг зохих хэмжээнд бүрдүүлсэн, санхүүгийн тайланг заавар журмын дагуу бэлтгэж, хугацаанд нь холбогдох байгууллагуудад хүргүүлэн ажилласан тул санхүүгийн үйл ажиллагааг хангалттай гэж дүгнэв. 

 

 

Холбоотой мэдээлэл

2021-01-21 1461
Аймгийн 2021 оны төсөв батлах тухай

Аймгийн 2021 оны төсөв батлах тухай

2015-10-01 2915
Шилэн дансанд мэдээлэл байршуулсан тухай улирлын тайлангийн маягт шинэчлэгдлээ.

Монгол улсын Засгийн газрын 2015 оны 03 сарын 02-ны өдрийн хуралдаанаар Шилэн дансны хууль тогтоомжийн ...

2015-06-17 1687
Байгаль орчныг хамгаалах, нөхөн сэргээх зардлаас зарцуулах хөрөнгө оруулалт, засварын зардлын тодотгосон жагсаалт

Байгаль орчныг хамгаалах, нөхөн сэргээх зардлаас зарцуулах хөрөнгө оруулалт, засварын зардлын тодотгосон ...

Ангилал

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 34.207.247.69
2021-01-03-ний өдрөөс хойш.
  • 15 Онлайн
  • 73 Өнөөдөр
  • 1828 Өчигдөр
  • 14301 Долоо хоногт
  • 66292 Сүүлийн сард
  • 6433427 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1048

Facebook

Цаг агаар