“Нийцэл ЗБН” ӨЭМТ-ийн 2015 оны санхүүгийн хяналт шалгалтын тайлан

 Шалгалтын ерөнхий мэдээлэл:

     Орхон аймгийн Баян-Өндөр сумын Нийцэл ӨЭМТөвийн 2015 оны санхүү аж ахуйн үйл ажиллагаанд санхүүгийн хяналт шалгалтыг 2016 оны  01 дугаар сарын 05-ны өдрөөс эхлэн ажлын 10 хоногийн хугацаанд СХААлбаны дарга Ц. Алтанхуяг ахлан, шинжээч Д. Эрдэнэсувд гүйцэтгэв.

 Байгууллагын товч мэдээлэл:

        Орхон аймгийн Баян-Өндөр сумын Булаг багт байрших “Нийцэл ЗБН” өрхийн эрүүл мэндийн төв нь 2001 оны 01 дүгээр сарын 01-ний өдрөөс эхлэн ХХ-ийн ЭМБ-аар төрийн гүйцэтгэх үүргийг гэрээний үндсэн дээр гүйцэтгүүлэн төсвөөс нэг иргэнээр тооцсон зардлын нормативаар санхүүжиж нөхөрлөлийн хэлбэрээр ажиллаж ирсэн.  Тус өрхийн эрүүл мэндийн төв нь бүрэн хариуцлагатай 3 эмч, Бүрэн хариуцлагатай бус 3 сувилагч, нягтлан бодогч, үйлчлэгч нарын бүрэлдэхүүнтэйгээр Орхон аймгийн Цагаан чулуут 27-53, 7а, 7б хороолол, Булаг 1-8 хэсэг, Баянбулаг 1, 2, 3 хэсэг, Евро эко хорооллын нийт 6789 / Тодруулбал 0-5 нас хүртэл 748, 5-16 нас хүртэл 1100, 16-49 насны эмэгтэй 2130, 60-с дээш насны 454, бусад 2357/  хүн амд Эрүүл мэндийн анхан шатны тусламж үйлчилгээг үзүүлж байна.

Шалгалтаар илэрсэн зөрчил, дутагдал:

·         Ажилчдын цалингийн сангийн гүйцэтгэл нийт санхүүжилтийн 93 хувийг эзэлж байгаа нь ӨЭМТөвийн хөдөлмөрийн дотоод журамд заасан тогтоосон хэмжээнээс 5-13 хувиар хэтрүүлсэн.

·         ӨЭМТөвийн дотоод журмын дагуу дадлагажигч эмчид гэр хорооллын нөхцөлд 550.0 мянган төгрөгийн цалин олгоно гэсэн заалтыг зөрчиж дадлагажигч эмч Б. Хуланд 650.0 мянган төгрөгийн буюу 100.0 мянган төгрөгийн цалин илүү тогтоон олгосон.

·         Засгийн газрын 2010 оны 108 дугаар тогтоолыг зөрчин зэргийн нэмэгдлийн доод хувь хэмжээ 5% илүү буюу 15%-ийн нэмэгдлийг сувилагч Р.Оюунчимэгт олгосон.

·         Ээлжийн амралттай, өвчтэй, ажлын хоног дутуу ажилласан албан хаагч нарт зэргийн нэмэгдлийг бүтэн тооцож олгосон

·         Шинжилгээний тест, бараа материал, шатахууны  дэлгэрэнгүй тайлан гаргалгүй, журналын  бичилтээр  тайланд тусгасан,  бараа материалын орлого зарлагын журнал хөтлөөгүй, данс бүртгэлд бүрэн тусгаагүй, үлдэгдлийг   баталгаажуулаагүй  зэрэг  зөрчил илэрлээ.

·         Засгийн газрын 1995 оны 218 дугаар тогтоолоор батлагдсан “Төрийн албан  хаагчид нөхөн төлбөр олгох журам”-ын дагуу албан томилолтын зардлын зарим баримтыг бүрдүүлээгүй.

·         Шинжилгээний төлбөрийн орлогыг данс бүртгэлд дутуу тусгасан

 Шалгалтын дүн, авсан арга хэмжээ

        Өрхийн эрүүл мэндийн төвийн төсөв санхүүгийн үйл ажиллагаанд хийсэн шалгалтаар НББ-ын анхан шатны баримтын бүрдүүлэлт хангалтгүй, шинжилгээний орлого, бараа материалын орлогыг данс бүртгэлд бүрэн тусгаагүй, цалингийн зардлын гүйцэтгэлээс үзэхэд дотоод журманд тогтоосон хувь хэмжээнээс хэтрүүлэн зарцуулсан, ажиллагсадын цалинг холбогдох хууль, тогтоомжоос илүү тогтоосон, батлагдсан төсвийн  зардлын эдийн засгийн ангилал, хуваарыг мөрдөж ажлаагүй зэрэг зөрчил дутагдал илэрсэн тул санхүүгийн үйл ажиллагааг хангалтгүй гэж дүгнэв.

Санхүүгийн хяналт шалгалтаар илэрсэн зөрчил дутагдалыг арилгуулах 2 заалт бүхий улсын байцаагчийн албан шаардлага хүргүүлж, 821.4 мянган төгрөгийн 2 нөхөн төлбөрийг акт тогтоож хариуцлага тооцов. 

 

Холбоотой мэдээлэл

2014-06-09 2176
ОРХОН АЙМГИЙН 2013 ОНЫ САНХҮҮГИЙН БАЙДЛЫН НЭГТГЭСЭН ТАЙЛАН

Орхон аймгийн 2013 оны санхүүгийн байдлын нэгтгэсэн тайлан Орхон аймгийн 2013 оны санхүүгийн гүйцэтгэлийн ...

2015-05-31 1675
2011 оны 12 сарын 23 өдөр ТӨСВИЙН ТУХАЙ /Шинэчилсэн найруулга/

1.1.Энэ хуулийн зорилт нь төсөв, түүний зарчим, тогтолцоо, бүрэлдэхүүн, ангиллыг тогтоож, төсвийн тусгай ...

Ангилал

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 52.23.219.12
2021-01-03-ний өдрөөс хойш.
  • 20 Онлайн
  • 685 Өнөөдөр
  • 1356 Өчигдөр
  • 2041 Долоо хоногт
  • 12744 Сүүлийн сард
  • 6451018 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1054

Facebook

Цаг агаар