Баян-Өндөр сумын Амьжиргааг дэмжих зөвлөлийн 2015 онд хийсэн ажлууд

        Баян-Өндөр сумын Амьжиргааг дэмжих зөвлөл / АДЗ / нь Нийгмийн халамжийн тухай хуулийн 27.2, 27.3 дахь заалтын дагуу 7 хүний бүрэлдэхүүнтэй томилогдон ажиллаж байна. 2015 оныг Байнгын асаргааны тэтгэмж авч буй иргэдийн асран хамгаалагчдад хяналт тавих жил болгон ажиллаж нийт 26 удаа хуралдаж 103 асуудал хэлэлцсэн. Амьжиргааг дэмжих зөвлөл нь нийгмийн халамжийн тухай хуулийн 16 нэр төрлийн тэтгэвэр, тэтгэмж, үйлчилгээ, хөнгөлөлт, тусламж хүссэн иргэдийн өргөдлийг судлан шийдвэрлүүлэх үүрэгтэй бөгөөд 2015 онд Баян-Өндөр сумын ЗДТГ-т нийгмийн халамж үйлчилгээний чиглэлээр 2124 өргөдөл ирснээс Ахмад настны хөнгөлөлт, тусламж 47%, халамжийн тэтгэмж 23 % Олон нийтийн оролцоотой халамжийн үйлчилгээтэй холбогдох 5%, ХБИ-нд олгох хөнгөлөлт тусламж хүссэн өргөдөл 3% -ийг эзэлж байна. Мөн Нийгмийн халамжийн тухай хуульд заагаагүй ч аймаг, сумын засаг даргад хандаж орон гэр, эм тарианы хөнгөлөлт, буцалтгүй тусламж хүссэн өргөдлүүдийг зөвлөлийн гишүүд судлан нөхцөл байдлыг тодорхойлон хурлаар хэлэлцэж холбогдох байгууллагуудад саналыг хүргүүлж ажилласан байна. Нийгмийн халамжийн тэтгэвэр буюу тэжээгчээ алдсаны тэтгэвэр 32 иргэнд, халамжийн тэтгэмж 717 иргэнд, үүнээс асаргааны тэтгэмж 553 иргэнд, онцгой тохиолдлын болон амьжиргааг дэмжих мөнгөн тэтгэмж 164 иргэнд олгуулан ажилласан. Мөн нийгмийн халамжийн тухай хуулийН 18.1.9 дэх заалтыг хэрэгжүүлэх ажлын хүрээнд сумын АДЗ-д хандаж ирсэн 24 бүлгийн төслийг судлан хэлэлцэж НХҮХ-т уламжилснаас 11 төсөл дэмжигдэн 15 сая төгрөгийн санхүүжилт олгогдсон. Олон нийтийн оролцоонд түшиглэсэн халамжийн үйлчилгээг гэрээгээр гүйцэтгэх ТББ-ын үйлчилгээнд хамрагдах өрх, иргэнийг тодорхойлох нь АДЗ-ийн нэг чухал асуудал байдаг. Өнгөрсөн онд 3 төрлийн үйлчилгээнд нийт 191 иргэнийг Сургалт, зөвлөгөө, гэрийн болон өдрийн үйлчилгээ, нийгэмшүүлэх, түр байрлуулах, хооллох үйлчилгээнд хамруулаад байна.

Нийгмийн халамжийн тухай хуульд заагаагүй ч засаг даргад хандаж ирүүлсэн өргөдлийг судлан шийдвэрлэсэн байдлыг танилцуулъя.

•         АБТДО буцалтгүй тусламж хүссэн 60 иргэнд 9 сая төгрөг

•         Эм, тарианы үнийн хөнгөлөлт хүссэн хорт хавдартай 57 иргэнд 19 сая төгрөг

•         Гэр хүссэн 85 иргэнд нийт 150 сая төгрөгийн монгол гэр

•         70 ба түүнээс дээш настай 2345 ахмад настанд 24 сая төгрөгийн хүндэтгэлийн зүйлс олгууллаа.

Сумын АДЗ өрх иргэний амьжиргааг дэмжих чиглэлээр мөн дараах ажлуудыг хийж гүйцэтгэсэн байна. Үүнд:

·         Өрхийн хөгжлийг дэмжих үндэсний хөтөлбөрт  378 өрх, Орхон аймгийн Засаг даргын нэрэмжит “Ирээдүйн төлөө хамтдаа” аянд 70 өрх, “Гэр бүлийн хөгжил дэвшил” 40 өрх нийт 488 өрхийг амьжиргааг дэмжих төрөл бүрийн арга хэмжээг зохион байгуулж байна. Мөн малчдыг дэмжих хөтөлбөрт төсөл ирүүлсэн 6 иргэний өргөдлийг судлан сумын Амьжиргааг дэмжих зөвлөлөөр хэлэлцүүлэн саналыг Хөдөлмөрийн хэлтэст уламжлан  тугалтай 14 үнээ, хургатай 27 хонь, ишигтэй 51 ямаа олгуулж малжуулсан.

·         2015 онд сумын нийт өрхийн мэдээллийн нэгдсэн санд дахин тодотгол хийж 21 багийн амьжиргааг дэмжих зөвлөлийн хурлаар баталгаажуулах ажлыг зохион байгууллаа.

·         Хөдөлмөрийн хэлтэстэй хамтран хэрэгжүүлдэг Эзэнтэй Монгол хөтөлбөрийн хүрээнд 2015 онд нийт 616  иргэнийг хамруулан 1-5 өдрийн 24 ажлыг зохион байгуулж 15 сая төгрөгийн урамшууллыг олгуулсан.

·         Орон нутгийн 5 төрийн бус байгууллагуудтай хамтарч 500 өрх иргэнд хөнгөлттэй үнээр гэр, гэрийн дулаалга, дулаан баригч, хүлэмж, сайжруулсан зуух,  шинэ жилийн бэлэг гардуулах зэрэг арга хэмжээг зохион байгууллаа. 

 

Холбоотой мэдээлэл

2015-12-12 3415
Стандартчилал хэмжилзүйн хэлтсийн мэдээ.

Долоо хоногийн тайлан мэдээ.

2015-11-01 4724
Орхон аймгийн улсын бүртгэлийн хэлтсийн 2015.10.26-наас 30-нд хийгдсэн 7 хоногийн ажлын мэдээ

Гадаад паспортын сунгалт 31-ийг хийж эздэд нь гадаад паспорт авах хүсэлт гаргасан 28 иргэний материалыг ...

2016-08-22 1610
АЙМГИЙН ЗАСАГ ДАРГЫН ШУУРХАЙ ЗӨВЛӨГӨӨНИЙ ҮҮРЭГ ДААЛГАВРЫН БИЕЛЭЛТ

АЙМГИЙН ЗАСАГ ДАРГЫН ШУУРХАЙ ЗӨВЛӨГӨӨНИЙ ҮҮРЭГ ДААЛГАВРЫН БИЕЛЭЛТ

Ангилал

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 52.90.49.108
2021-01-03-ний өдрөөс хойш.
  • 12 Онлайн
  • 744 Өнөөдөр
  • 1638 Өчигдөр
  • 2382 Долоо хоногт
  • 69792 Сүүлийн сард
  • 6436927 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1049

Facebook

Цаг агаар