Хүүхэд харах үйлчилгээнд тавих нийтлэг шаардлага MNS 6540:2015 стандарт батлагдлаа.

      Монгол улсын “Хүүхэд харах үйлчилгээний тухай” хууль 2015 оны 07 дугаар сарын 02-ны өдөр батлагдсан бөгөөд уг хуулийг 2016 оны 01 дүгээр сарын 01-ний өдрөөс даган мөрдөж байна.         

    Манай улсад 2-5 насны нийт 266.0 мянган хүүхэд байгаагаас цэцэрлэг хүрэлцээгүй, хөдөө алслагдсан газар, нутагт амьдарч байгаа зэрэг шалтгаанаар сургуулийн өмнөх боловсролын үйлчилгээнд хамрагдаж чадахгүй байгаа 59.0 мянган хүүхэд байна.
“Хүүхэд харах үйлчилгээний тухай” хуулийн 6.7-д “Хүүхэд харах үйлчилгээнд тавигдах нийтлэг шаардлага, стандартыг Засгийн газар батална” гэж заасны дагуу ХАХНХ-ын сайдын тушаалаар байгуулагдсан ажлын хэсэг стандартын төслийг боловсруулж, Сангийн яам, Хүүхдийн төлөө үндэсний газар, Монгол Улсын багшийн их сургууль, Хүүхэд хамгааллын үндэсний сүлжээ, Хүүхдийн сургалт судалгааны үндэсний хүрээлэн, Багшийн хөгжлийн Арука төв, Хувийн цэцэрлэгүүдийн холбоо, Эмэгтэйчүүдийн хөдөлмөрийг дэмжих холбоо зэрэг байгууллагаас стандартын төсөлд санал авч тусгасан байна.
                Хүүхэд харах үйлчилгээ гэдэг нь сургуулийн өмнөх боловсролд хамрагдахгүй байгаа, харах хүнгүйн улмаас гэртээ харгалзах хүнгүй үлдэж байгаа бага насны(2-6 нас) хүүхдийн аюулгүй байдлыг хангах, эцэг эх, асран хамгаалагчдын хөдөлмөр эрхлэх боломжийг бүрдүүлж, эрүүл, аюулгүй орчинд асран халамжлах, хамгаалах, хооллох, тоглуулах, амраах үйлчилгээ үзүүлэн нэг талаас хүүхдийн аюулгүй байдлыг хангах, өсөлт, хөгжлийг дэмжих нөгөө талаас эцэг эхчүүдийн ажил хөдөлмөр эрхлэх боломжийг бүрдүүлж байгаа нийгмийн үйлчилгээний шинэ хэлбэр юм.
             Энэхүү үйлчилгээний шаардлагыг тогтоосон “Хүүхэд харах үйлчилгээнд тавих нийтлэг шаардлага ” MNS 6540:2015 стандартыг Стандартчиллын үндэсний зөвлөлийн 2015 оны 11 дүгээр сарын 26-ны өдрийн 36 дугаар тогтоолоор батлав.
Уг стандартаар Хүүхэд харах үйлчилгээний тухай хуулийн хэрэгжилтийг хангахад чиглэсэн Хүүхэд харах үйлчилгээний үндсэн шаардлага, Хүүхэд харагчид тавих шаардлага, Хүүхдийн хоол хүнсэнд тавих шаардлага, Үйлчилгээний байрны дотоод орчинд тавих шаардлага, Үйлчилгээний байрны гадаад орчинд тавих шаардлага, Хүүхдийн эрүүл мэнд, эерэг харилцааг дэмжсэн асран хамгаалалтад тавих шаардлагын нарийвчлан тогтоосноос гадна 9-р зүйлд Хүүхэд харах үйлчилгээнд хориглох зүйлийг тогтоож тусгасан байна. Энэ стандартыг захиалан авч ашиглаж болох ба www.estandard.mn цахим хуудаснаас үнэ төлбөргүй унших боломжтой. 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-10-07 962
Өргөтгөлд дүгнэлт гаргуулна

Сүүлийн үед орон сууцны нэг давхарт зөвшөөрөлгүй өргөтгөл хийх явдал газар авч иргэдийн амгалан ...

2016-10-10 5560
Зарим хэлтэс албадын дарга, даргын үүрэг гүйцэтгэгч нарыг томилжээ

Эрүүл мэнд, Нийгмийн даатгалын Ерөнхий газрын даргын тушаалаар Б.Анарыг Орхон аймгийн Эрүүл мэнд, нийгмийн ...

2015-04-15 1094
НОМ УНШИХ АЯН ТӨРИЙН ЗАХИРГААНЫ БАЙГУУЛЛАГУУДААР ЯВАГДАЖ БАЙНА

Ном унших аян аймгийн Орхон аймгийн Баян-Өндөр сумын Засаг даргын Тамгын газар, Улсын бүртгэлийн хэлтэс,Байгаль ...

Сурталчилгаа

 

 

 

Веб статистик

Таны IP хаяг: 35.173.57.84
2017-11-30-ний өдрөөс хойш.
  • 22 Онлайн
  • 2295 Өнөөдөр
  • 5721 Өчигдөр
  • 22078 Долоо хоногт
  • 68497 Сүүлийн сард
  • 2066039 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  749

Facebook

Цаг агаар