Нийгмийн хөгжлийн хэлтсийн өмнөх долоо хонгийн үүрэг даалгаврын биелэлт.

 

Үүрэг даалгавар

Биелэлт

1

Засаг даргын мөрийн хөтөлбөрийн биелэлтийг гаргаж ИТХ-д оруулах

Аймгийн Засаг даргын 2013-2016 оны үйл ажиллагааны хөтөлбөрийн 34 зорилт, 105 үйл ажиллагааны хэрэгжилтийг гаргаж биелэлтийг тооцож ИТХ-д орууллаа.

2

12 сарын 29-ний өдрийг ач холбогдол өгч тэмдэглэн өнгөрүүлэх

1.Үндэсний эрх чөлөө тусгаар тогтнолоо сэргээсний баярын өдрийг угтаж  ЕБС-ын түүхийн  багш нарын дунд “Эрх чөлөө тусгаар тогтнол” сэдвийн хүрээнд эссэ бичвэрийн уралдааныг  зохион явууллаа. ЕБС-дад хүргүүлсэн чиглэлийн дагуу ажил явагдаж байна. Номын төв болон музейд үзэсгэлэн гарч байгаа.

 

ИРЭХ 7 ХОНОГТ ХИЙГДЭХ АЖИЛ

  1. Засаг даргын Захирамжаар ажлын хэсэг байгуулагдан бэлтгэл ажлын төлөвлөгөө гарч  2016  оны 01 дүгээр сарын 7-10-ны өдрүүдэд  Орхон аймаг Эрдэнэт хотод зохион байгуулагдах Жү-догийн УАШТ-ний бэлтгэл ажлууд хийгдэж байна. 
  2. ЕБС-ын түүхийн  багш нарын дунд “Эрх чөлөө тусгаар тогтнол” сэдвийн хүрээнд  теле ярилцлага зохиох , “Монголчууд” цахим  түүх номыг ЕБС-дад  хүлээлгэн өгөх ажлуудыг зохион байгуулахаар бэлтгэл ажил хангагдаж байна.
  3. Сургалтанд хамрагдсан баг бүрэлдэхүүн Хүүхэд харах үйлчилгээ эрхлэхээр хүсэлт гаргасан иргэдэд 5 хоногийн сургалтыг тусгай хөтөлбөрийн дагуу зохион байгуулна.

НИЙГМИЙН ХӨГЖЛИЙН ХЭЛТСИЙН 2015 ОНЫ 12 ДУГААР САРЫН 21-НЭЭС 12-Р САРЫН 25-НЫ  ӨДРҮҮДЭД ХИЙГДСЭН АЖЛЫН МЭДЭЭЛЭЛ

  1. Хүүхдийн  сүлд модны наадам болж , Хүүхдийн байгууллагын 90 жилийн ойн хүрээнд зохион байгуулагдсан сайн үйлсийн аянаа дүгнэж ,Оны шилдэг хүүхэд анги хамт олон хүүхдийн оролцооны байгууллагуудаа  шалгаруулж урамшууллаа.
  2. Аймгийн Нийгмийн халамжийн зөвлөл хуралдаж 17 хүнд 1,9 сая төгрөгийн тусламж олголоо.
  3. Найдвар төвийн хүүхдүүдийн  шинэ жилийн баяр, төвийн нээлтийн арга хэмжээг нь тохиолдуулан гарын бэлэг 26 хүүхдэд гардууллаа.
  4. Хөгжлийн бэрхшээлтэй иргэдийн дунд гар бөмбөгийн тэмцээн зохион байгуулж, байр эзлүүлэн өргөмжлөл, мөнгөн шагналаар урамшууллаа. Тэмцээнд нийтдээ 5 багийн 40 гаруй тамирчид оролцлоо.
  5. Хөдөлмөр нийгмийн зөвшлийн 3-н талт хамтын хэлэлцээрийн 5,8-д заасны дагуу хөдөлмөрийн харилцаа, хөдөлмөрийн аюулгүй байдал, эрүүл ахуйн ажлаараа тэргүүлсэн АЗДТГ, БОЭТ, 15-р цэцэрлэг, Орхон цогцолбор сургууль, Эрдмин компаниудыг аймгийн Ёслол хүндэтгэлийн өргөөнд хүлээн авч өргөмжлөл, мөнгөн шагналаар урамшууллаа.
  6. Хүүхэд харах үйлчилгээний хууль батлагдсантай холбогдон  Хүүхдийн төлөө үндэсний газраас ирсэн бичгийн дагуу 5 ажилтан 3 хоногийн Хүүхэд харах үйлчилгээний нийтлэг шаардлага, хүүхэд харагчийг бэлтгэх жишиг хөтөлбөрийн сургалтанд хамрагдаад ирлээ.

ХАРЪЯА АГЕНТЛАГУУДААС ИРСЭН МЭДЭЭЛЭЛ

Хөдөлмөрийн хэлтэс

  1. Цагаанчулуут, баянцагаан, булаг, дэнж, эрдэнэ, говил, жаргалант, уртын гол, наран багуудад нийтийг хамарсан ажлын хүрээнд 211 хүнийг 5 өдөр ажиллуулж 27,329,000 төгрөгийн урамшуулалтай ажиллуулсан.
  2. Хувиараа хөдөлмөр эрхлэгч, нөхөрлөл хоршоо байгуулах иргэнийг дэмжих хөтөлбөрийн хүрээнд 23 иргэнд 41 сая төгрөгийн санхүүгийн дэмжлэг олголоо.

Биеийн тамир, спортын газар

  1.  Орхон аймгийн сагсан бөмбөгийн холбооноос нийтэд үйлчлэх ТББ-ийн 2015 оны төлөвлөгөөт ажлын хүрээнд зохион байгуулж буй  Ахмадын сагсан бөмбөгийн аймгийн аварга шалгаруулах тэмцээн 12-р сарын 19-нд БТСГ-ын “Б” зааланд болж нийт 6 багийн 60-иад тамирчин хурд хүчээ сорьсоноос 1-р байр Д.Баттөгс ахлагчтай Бат-Монгол хийц компани, 2-р байр Л.Эрдэнэбат ахлагчтай Эрдэнэт үйлдвэрийн ХМТАЦ-н баг , 3-р байр О.Ганбаатар ахлагчтай ЭДЦС- н баг шалгарсан. 

Боловсрол соёлын газар

  1. Монгол улсын хүн амын хөгжил, нийгмийн хамгааллын сайдын А/152 тоот  “Хүүхэд харах үйлчилгээг зохион байгуулах журам”-ын дагуу “Хүүхэд харах үйлчилгээ”  аймаг, нийслэлийн үндэсний сургагч багш нарыг бэлтгэх сургалт Улаанбаатар хотноо  2015 оны 12 дугаар сарын 21-23-ны өдрүүдэд зохион байгуулагдав. Тус сургалтанд  Орхон аймгаас  “Тэгш дүүрэн” хороо, ХГБХХ, ЭМГ, МХГ, БСГ-ын мэргэжилтнүүд хамрагдлаа.
  2. Шинэ жилийн номын үзэсгэлэнг номоор мод засаж, хоолны 37 номоор үзэсгэлэн гаргалаа. 

Нийгмийн халамж үйлчилгээний хэлтэс:

  1. Өрхийн амжиргааний түвшингийн үнэлгээг сонирхсон иргэдэд харж өгөх үйлчилгээг үзүүлж 18-20 дугаар түвшингийн үнэлгээтэйгээ санал нийлэхгүй байгаа 300 гаруй иргэдийн өргөдлийг хүлээн авсан бөгөөд өргөдөл өгөх иргэдийн тоо улам өсөх хандлагатай байна.

Хүүхэд гэр бүл хөгжлийн хэлтэс:

  • Аймгийн 2015 оны шилдэг хүүхдийн  "Мөрөөдлийн шинэ жил"сүлд модны наадмыг зохион байгууллаа.
  • Хүүхдийн ордны хүүхдүүдийн шинэ жилийг зохион байгуулж, "Хүүхдийн ордны 2015 оны шилдэг багш"-аар 4 багш,"Хүүхдийн ордны 2015 оны шилдэг хүүхэд"-ээр 6 хүүхэд шалгарлаа. Мөн тус наадамд хөгжлийн хөтөлбөрийн 180 гаруй хүүхэд хамрагдлаа.
  • "Хүүхэд харах үйлчилгээний тухай хууль"-ийн сургалт 2015.12.21-23-ний өдрүүдэд Улаанбаатар хотноо зохион байгуулагдлаа. Тус сургалтанд төрийн захиргааны 5 байгууллагын 5 мэргэжилтэн хамрагдлаа.

Нийгмийн даатгалын хэлтэс

 

  • 2015 онд 62956.6 сая төгрөгийг Нийгмийн даатгалын санд төвлөрүүлж орлого бүрдүүлэхээс өнөөдрийн байдлаар 55103.5 сая төгрөгийн орлого орсон байна.     

 

 

 

Холбоотой мэдээлэл

Ангилал

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.81.62.78
2021-01-03-ний өдрөөс хойш.
  • 21 Онлайн
  • 453 Өнөөдөр
  • 1344 Өчигдөр
  • 6636 Долоо хоногт
  • 27249 Сүүлийн сард
  • 6522635 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1084

Facebook

Цаг агаар