Баян-Өндөр сумын ЗДТГазарт санхүү аж ахуйн үйл ажиллагаанд хяналт шалгалт хийсэн тухай мэдээлэл

        Шалгалтанд хамрагдсан хугацааны санхүү аж ахуйн үйл ажиллагааны баримтанд 1-р гарын үсгийг Тамгын газрын дарга М.Эрдэнэчимэг, 2-р гарын үсгийг нягтлан бодогч А.Адьяадолжин нар зурж төсөвт хөрөнгийг захиран  зарцуулж иржээ.  Төрийн сан банкинд төсвийн 210155001, нэмэлт санхүүжилтийн 210155402 тоот  харилцах дансаар орлого зарлагын гүйлгээ хийж ажил  үйлчилгээгээ явуулж  байна.
                         
Баян-Өндөр сумын ЗДТГ-т 2014 онд орон нутгийн төсвөөс урсгал санхүүжилтийн 386,856.88 мянган төгрөг, багуудын үйл ажиллагаанд 765,634.75 мянган төгрөгийн төсөв батлагдаж, гүйцэтгэлээр орон нутгийн төсвийн санхүүжилтээ бүрэн авч санхүүгийн тайланд үнэн зөв тайлагнасан байна.

Орхон аймгийн Баян-өндөр сумын ЗДТГ-ын төсвийн захирагч нь 2014 онд орон нутгийн төсвөөс урсгал зардалд 1151604,9 мянган төгрөгийн санхүүжилт авч, цалин хөлс болон нэмэгдэл урамшууллын зардалд 668951,3 мянган төгрөг, бараа үйлчилгээний урсгал зардалд 409955,9 мянган төгрөгийг зарцуулсан байна. Нэмэлт санхүүжилтийн дансанд 118294,4 мянган төгрөгийн санхүүжилт авч 20 жилийн ойн арга хэмжээний зардалд 92635,3 мянган төгрөг, бараа үйлчилгээний урсгал зардалд 5796,9 мянган төгрөг, өвс тэжээлийн нөөцийн зардалд 20000,0 мянган төгрөгийг зарцуулсан байна. Жилийн эцэст 2,4 мянган төгрөгийн хэмнэлтийг буцаан төвлөрүүлсэн байна.

Шалгалтаар илэрсэн зөрчил, дутагдал, шалтгаан, түүнээс гарч болзошгүй буюу гарсан хохирол, зөрчигдсөн хууль, тогтоомж
Тус байгууллагын санхүү аж ахуйн үйл ажиллагааны санхүүжилт, үндсэн үйл ажиллагааны орлогын бүрдүүлэлт, зарцуулалтын ажил гүйлгээг “СТS-5.0” программ ашиглан нягтлан бодох бүртгэлийн заавар журмын дагуу ерөнхий, туслах журнал хөтлөн,  анхан шатны баримтыг бүрдүүлэн, санхүүгийн тайлан гаргаж ажилласан байна. Шалгалтаар  дараах зөрчил илэрлээ.Үүнд:
-    Кассын тайлангийн анхан шатны баримтын бүрдэл дутуу
-    Томилолтын зардлыг ЗГ-ын 1995 оны 218-р тогтоолоор батлагдсан журмын дагуу тооцож олгоогүй
-    Ажилчдад олгосон нэг удаагийн тэтгэмж, тээврийн зардалд олгосон орлогоос ХХОАТ-ын татвар суутгаагүй
Авсан арга хэмжээ, мэргэжлийн туслалцаа, зөвлөгөө өгсөн байдал
Байгууллагын удирдлага, нягтлан бодогч нарт томилолтын зардал олгох журам, кассын анхан шатны баримтын бүрдүүлэлтэд анхаарах асуудал, ХХОАТ-ын суутгал хийх шинэ журмын талаар мэргэжил арга зүйн зөвлөгөө өгсөн.

Дүгнэлт, шийдвэрлэвэл зохих асуудал
Байгууллагын санхүүгийн үйл ажиллагаанд нягтлан бодох бүртгэлийг заавар журмын дагуу хөтөлсөн, анхан шатны баримтыг зохих хэмжээнд бүрдүүлсэн, санхүүгийн тайланг заавар журмын дагуу бэлтгэж, хугацаанд нь холбогдох байгууллагуудад хүргүүлэн ажилласан боловч шалгалтаар албан томилолтын зардлыг олгох журам зөрчсөн, кассын тайлангийн анхан шатны баримтын бүрдэл дутуу, ажилчдад олгосон нэг удаагийн тэтгэмжээс татвар суутгаагүй зэрэг зөрчил гаргасан байна.

Санхүүгийн хяналт шалгалтын дүнд үндэслэн төсвийн шууд захирагч болон нягтлан бодогчид илэрсэн зөрчил дутагдлыг давтан гаргахгүй байх мөн 4 заалт бүхий зөвлөмжийг хүргүүллээ.
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

Ангилал

Сурталчилгаа

 

 

 

Веб статистик

Таны IP хаяг: 100.26.176.182
2017-11-30-ний өдрөөс хойш.
  • 23 Онлайн
  • 1779 Өнөөдөр
  • 2057 Өчигдөр
  • 1779 Долоо хоногт
  • 17180 Сүүлийн сард
  • 1898819 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  736

Facebook

Цаг агаар