Баян-Өндөр сумын 7 хоногийн мэдээ


    Нутгийн захиргааны байгууллагаас өнгөрсөн 7 хоногт хийж хэрэгжүүлсэн онцлох ажлын мэдээ:      

      Сум хөгжүүлэх сангаас 2015 онд нийт 38 иргэн, ААН-д 333,2 сая төгрөгийн зээл олгосон байна. “Сум хөгжүүлэх сан”-гийн 2016 онд баримтлах тэргүүлэх чиглэл, бусад үйл ажиллагааны талаар иргэдтэй санал солилцох хэлэлцүүлгийг 2015.11.13-ний өдөр сумын Иргэний тахимд зохион байгууллаа.Тус хэлэлцүүлэгт нийт 10 гаруй иргэн, Сум хөгжүүлэх сангийн хяналтын зөвлөл, Төр иргэн түншлэл ТББ-ын төлөөлөл, Хөдөлмөрийн хэлтсийн мэргэжилтэн, Жаргалант сумын ЖДҮхариуцсан ажилтан нар оролцсон.2016 онд Орон нутгийн хөгжлийн сангийн хөрөнгө оруулалтаар хийгдэх ажлуудын эрэмбийг Сумын Иргэдийн төлөөлөгчдийн 17 дугаар хурлын хуралдаанаар хэлэлцүүлэн батлууллаа.2015 онд орон нутгийн хөгжлийн сангийн хөрөнгө оруулалтаар хийгдсэн ажлуудын хаалтын үйл ажиллагааны хүрээнд хийгдсэн ажлуудын талаар Номин телевизтэй хамтран телевизийн нэвтрүүлэг бэлтгэж байна.   Хаалтын үйл ажиллагааг 2015.11.21-ны өдөр зохион байгуулахаар төлөвлөн ажиллаж байна.
 МЭҮТ-гийн мэдээлэл:                                                                                                                  
      Сумын хэмжээнд ургац хураалт жилийн эцсийн байдлаар төмс 1072 тн, хүнсний ногоо 539,6 тн, үр тариа 721,4 тн, ногоон тэжээл 92,6 тн, тосны ургамал 25тн-ыг  хураасан байна. Засварласан болон шинээр барьсан зоорь хүлэмж эрчимжсэн МАА-н урамшууллын шалгаруулалтад хамрагдах 14 иргэдийн зоорь хүлэмж, фермерийн аж ахуйг аймгийн ХХААГ-тай хамтран шалгаруулж 5 зоорь, 1 хүлэмж, 2 фермерийн аж ахуйг урамшуулалд хамруулахаар материалыг ХХААГ-т хүргүүлсэн.
 Нийгмийн халамжийн чиглэлээр:
    Сумын амьжиргаа дэмжих зөвлөлийн хурлаар олон нийтийноролцоонд түшгэлсэн “Тэнэмэл иргэдийг нийгэмшүүлэх, халуун хоол, цай, хоноглох байраар хангах” үйлчилгээг гүйцэтгэхээр төслөө ирүүлсэн 2 аж ахуй нэгжийн материалыг хэлэлцэн саналыг Нийгмийн халамж үйлчилгээний хэлтэст хүргүүлсэн.
Боловсрол эрүүл мэндийн чиглэлээр:                                                                                     
  Монгол бахархлын өдрийг угтаж сумын ЗДТГ, 8 дугаар цэцэрлэгтэй хамтран “Монгол наадгай”, 23 дугаар цэцэрлэгтэй хамтран “Монгол зан үйл” сэдвээр үзүүлэх сургууль хийж эцэг, эхчүүд болон хэвлэл мэдээллийн хэрэгслээр сурталчиллаа. Говил багийн 2 дугаар сургуулийн хүүхдийн автобусны явах чиглэлийг шинээр тогтоож маршрут гаргасан.
Багийн түвшинд хийж хэрэгжүүлсэн ажил:
    Говил багийн ажлын алба “Эрдэнэт үйлдвэр” ХХК-ны удирдлагуудтай хамтран “Байгаль орчны эрүүл ахуй-цагаан тоосжилт”-сэдвээр уулзалт зохион байгууллаа.Тус уулзалтад багийн 90 гаруй иргэд хамрагдаж санал бодлоо солилцсон байна. Согоот багийн ажлын албанаас Монгол бахархлын өдрийг тохиолдуулан эрх зүйн хөтөчтэй хамтран 4 дүгээр цэцэрлэгийн хүүхдүүдийн дунд танин мэдэхүйн АХА тэмцээнийг зохион байгуулж шагнаж урамшуулсан. Мөн тус өдрийг тохиолдуулан Наран багийн ажлын албанаас багийн нэгдсэн байранд үйл ажиллагаа явуулах багууд, өрхийн эрүүл мэндийн төвийн ажилтан ажиллагсдын дунд АХА тэмцээнийг зохион байгуулсан. Цагаанчулуут багийн ажлын алба 95349477 дугаарын нээлттэй утсыг ажиллуулж иргэдийн санал хүсэлтийг авч ажиллаж байна.Тус утсанд өнгөрсөн 7 хоногт 21 өргөдөл, санал хүсэлт ирснээс нүүрстэй холбоотой 8, зуух авахыг хүссэн 13 санал хүсэлт ирснийг хуулийн хугацаанд хариу мэдэгдсэн.
Бусад ажил:  
    2015.11.11-нд Улаанбаатар хотод зохион байгуулсан "Чанарын удирдлагын тогтолцооны олон улсын стандартын шинэчлэл ISO 9001:2015" сургалтад сумын ЗДТГ-аас 3 албан хаагч оролцож стандартын шинэчилсэн хувилбарын агуулга, онцлог, давуу тал, шинэчлэх болсон шалтгаан, хэрэгжүүлэхэд анхаарах асуудлуудын талаар ойлголт өгсөн. Сургалтаар эзэмшсэн мэдлэгээ байгууллагад ЧУТ-г нэвтрүүлэх, гарын авлага болон холбогдох журмууд боловсруулах ажилд тусгаж ажиллах ач холбогдолтой сургалт болсон. 2016 оны 01 дүгээр сарын 01-нээс хэрэгжиж эхлэх Эрүүл мэндийн даатгалын тухай хуулийн шинэчилсэн найруулгын талаар Нийгмийн даатгалын хэлтэстэй хамтран 21 багийн Засаг дарга нарт сургалт мэдээлэл хийсэн.

 

Холбоотой мэдээлэл

Ангилал

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.92.164.9
2021-01-03-ний өдрөөс хойш.
  • 7 Онлайн
  • 201 Өнөөдөр
  • 823 Өчигдөр
  • 2877 Долоо хоногт
  • 33097 Сүүлийн сард
  • 6528483 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1086

Facebook

Цаг агаар