Нийгмийн хөгжлийн хэлтсийн 7 хоногийн мэдээ /2015.10.19-10.23/

ИРЭХ 7 ХОНОГТ ХИЙГДЭХ АЖИЛ
 
2015 оны 10 дугаар сард цэргээс халагдсан залуучуудад ажил мэргэжлийн чиг баримжаа олгох сургалт зохион байгуулах
СӨБ, ЕБС-ийн багш нарын дунд “Багш ажлын байрандаа хөгжих нь” сэдвээр “Шилдэг илтгэл” шалгаруулах уралдаан зохион байгуулах
Залуучуудын хөгжлийн төвөөс “Хөгжлийн хөтөч” гарын авлагын хэлэлцүүлэг зохион байгуулах
“Багийн амжилт-Тусламжийн чанарт” ажил мэргэжлийн уралдааныг эмч, эмнэлгийн ажилтнуудын дунд зарлах
Эрүүл мэндийн салбарын гамшиг эрсдэлийн үеийн авах арга хэмжээ, тамхины хортой хэрэглээнээс татгалзах, эрсдэлийг бууруулах  чиглэлээр Нийгмийн эрүүл мэндийн хүрээлэнтэй хамтарсан сургалт зохион байгуулах
 
НИЙГМИЙН ХӨГЖЛИЙН ХЭЛТСИЙН 2015 ОНЫ  10  ДҮГЭЭР САРЫН
19-НӨӨС ДУГААР САРЫН 23-НИЙ  ӨДРҮҮДЭД ХИЙГДСЭН АЖЛЫН МЭДЭЭЛЭЛ
 
1.    Бүжинхэн, Унага, 15-р цэцэрлэгүүдийн өргөтгөлийн болон засварын үйл явцтай газар дээр нь очиж танилцлаа. Мөн эдгээр цэцэрлэгийн эрхлэгчийн сонгон шалгаруулалт зарлагдсан.
 
2.    15-р сургууль дээр нээгдсэн цэцэрлэгийн бэлтгэл бүлгийн нээлтийн үйл ажиллагаа 10-р сарын 23-ны өдөр боллоо. Тус цэцэрлэгт 90 хүүхэд хамрагдахаар төлөвлөгдсөн, одоогоор 80 гаруй хүүхэд хамрагдаж байна.
 
3.    Монголын Пара-Олимпийн холбооноос зохион байгуулагдсан насанд хүрэгчдийн цомын аварга шалгаруулах тэмцээнд Орхон аймгаас хөнгөн атлетикийн төрөлд 8 тамирчин оролцсоноос: Алтан медаль-1, Мөнгөн медаль-1, Хүрэл медаль-2, Тусгай байр-3-ыг эзэлсэн амжилт үзүүллээ.
 
     ХАРЪЯА АГЕНТЛАГУУДААС ИРСЭН МЭДЭЭЛЭЛ
 
Хөдөлмөрийн хэлтэс
 
1.    Малжуулах хөтөлбөрт хамрагдсан 4 өрхийн өвөлжилтийн бэлтгэл байдал, тоног төхөөрөмжийн бүлэгт хамрагдсан 2 бүлгийн ахлагчтай уулзаж ажил байдалтай танилцлаа.
 
2.    ХАА-н МСҮТ-ийн 55 оюутанд ажил мэргэжлийн чиг баримжаа олгох зөвлөгөө мэдээллийг өглөө.
 
Биеийн тамир, спортын газар
 
1.  “Аялал жуулчлалын маршрут”, Ахмадын сар “Эрүүл наслалтыг дэмжих” ажлын хүрээнд “Өглөөний алхалт”-ыг Эрүүл мэндийн газар, Ахмадын хороотой хамтран 10-р сарын 21-нд Амарын талбайгаас Бурхан багшийн сэрэг дүр маршрутаар зохион байгуулж 100 гаруй хүн оролцлоо.
 
2.   10-р сарын 17-18-ны өдрүүдэд Ирээдүй Одод спортын дунд сургуулийн зааланд хүчний 3 төрөлтийн бүсийн аварга шалгаруулах тэмцээнд Улаанбаатар, Дархан-Уул, Налайх, Орхон, Хөвсгөл,  Төв аймгуудын 8 багийн 70 гаруй тамирчин 9 жинд өрсөлдөн аваргуудаа шалгарууллаа.
 
3.    Тайланд улсын Бангког хотод зохиогдсон жудо бөхийн залуучуудын Азийн аварга шалгаруулах тэмцээнд Ирээдүйн Одод сургуулийн сурагч З.Золжаргал 60 кг-н жинд оролцож хүрэл медаль хүртсэн.
 
Боловсрол соёлын газар
 
1.    Говил багт байрлах холбооны байрыг цэцэрлэгийн зориулалтаар ашиглалтанд оруулахаар Этнано ХХК 2015 оны 11 сарын 2-ны өдөр улсын комисст хүлээлгэж өгөхөөр гэрээ хийсний дагуу засварын ажлыг гүйцэтгэж байгаатай танилцлаа. Засварын ажил 90%-ийн гүйцэтгэлтэй байна.
 
2.      СӨБ-ын Цөм хөтөлбөрийг хэрэгжүүлэх ажлын хүрээнд “Арга зүйч солилцоо”-г 5 хоногийн хугацаатай  явуулж 8 цэцэрлэгийн арга зүйч нарыг солилцуулан ажиллалаа.
 
3.     Эрдэнэт цогцолбор сургууль дээр  “Мэдлэгт суурилсан Эрдэнэт” хөтөлбөрийн хүрээнд хэрэгжүүлж буй “Бүтээлч багшаас бүтээлч хүүхэд” аяны хүрээнд ЕБС-ийн багш, сурагчдаас ирүүлсэн бүтээлээр үзэсгэлэн гаргаж шилдэг бүтээл болон  бүтээлч багш, сурагчдыг шалгарууллаа. Үзэсгэлэнд 12 сургуулийн 14 багш, 15 сурагч бүтээл оролцсон.
 
4.    “МИНИ ДРОМ” сургалтын талбайд замын хөдөлгөөний анхан шатны мэдлэг олгох зорилгоор 1-5 ангид  үзүүлэх хичээлийг дадлага ажлаар явууллж, зөвлөмж тараасан.
 
5.    “Эрдэнэт үйлдвэр”-ийн хөрөнгө оруулалтаар тус үйлдвэрийн хаягдлын аж ахуйн хашаан доторх  Түрэгийн үед холбогдох  1 булш, 9 тахилын онгон  зэл чулууг малтан судлах ажлыг Монголын үндэсний музейн Архелоги антропологийн секторын эрхлэгч Ц.Одбаатар ахлагчтай 27 хүний бүрэлдэхүүнтэй хээрийн шинжилгээний баг 10/4-10/20 дотор малтан судлах ажлыг хийж гүйцэтгэлээ. Малтлагын үр дүнд 3-4 настай хүүхдийн оршуулга, адууны эрүүний яс, шүд, гал түлж байсан ул мөр олдсон байна. Нэг тахилын байгууламжаас модон шон гарсан. Уг газар нь чулуурхаг газар байсан тул булш үйлдэх боломж муутай, тахилын байгууламж үйлдэн орхисон. Малтлагын ажлын тайланг 12 сард эцэслэн гарна.
 
6.    “Хүүхэд залуучуудын театр”-ын XXIV удаагийн өвөл цагийн үзвэрийн нээлтийн ажиллагаа амжилттай болж өнгөрлөө. Нээлтийн ажиллагаанд: Өвөл цагийн нээлтийн ажиллагааны уран бүтээлийн цомирлог, ОУ-ын “Гэгээн муза-12” наадмын алтан цомын эзэн зураач Б.Сайханбаярын “Цагаас цагт” уран зургийн үзэсгэлэн, ОУ-ын “Ялагчдын цуваа” моно драм наадмын шилдэг дүрийн эзэн Г.Мишээл “Би гэдэг ард түмэн”-эгоизм шүлгүүд”-ийн номын нээлтийг тус тус зохион байгууллаа.
 
7.    Орхон аймгийн музей УЗХ-ны дэргэдэх зорилтот бүлгийн 20 гаруй ахмадад музей үзүүлэн дэлгэрэнгүй тайлбар хийж, Монгол үндэсний "Хорол" тоглоомыг заан тоглуулж, оролцогчдод хорол тоглоомын зааврыг  тараалаа. Мө зорилтот бүлгийн хүүхдүүдэд музейн үйл ажиллагааг танилцуулж, үзмэрийг цахимаар үзүүлж сурталчиллаа.
 
8.    Номын төвийн-Нийтийн уншлагын танхимаас 3 дахь жилдээ зохион явуулж буй “Өнөөдрийн уншигч-Маргаашийн лидер” сэдэвт илтгэлийн уралдаан 2015.10.21-нд Орхон аймгийн номын төвд зохион байгуулагдаж  23 хүүхдийн илтгэл тавьсан.
 
Нийгмийн халамж үйлчилгээний хэлтэс:
 
1.    Хөгжлийн бэрхшээлтэй иргэдийн “нөхөн үржихүйн асуудал”-ын талаарх уулзалт, ярилцлагыг 16-49 насны зорилтот бүлгийн иргэд болон холбогдох байгууллагын төлөөллийг оролцуулан зохион байгууллаа.
 
Хүүхэд гэр бүл хөгжлийн хэлтэс:
 
Монгол улсыг тунхагласны өдөр ЕБС-ын 38 сурагчдад иргэний үнэмлэх гардуулж, иргэний андгай өргөх ёслолын үйл ажиллагааг зохин байгууллаа.
“Авьяасыг нээхүй” хүүхдийн чуулганыг Орхон цогцолбор сургуультай хамтран зохион байгуулж, 210 хүүхэд хамрагдлаа.
Гэр бүлийн хөгжил дэвшил хөтөлбөрийн хүрээнд төсөлд хамрагдсан 50 өрхийн дунд “Гэр бүлийн харилцаа,хувь хүний соёл” сэдвээр сургалт зохион байгуулж, 73 хүн хамрагдсан.
Залуучуудын хөгжлийн төслийг дэмжих удирдлагын багийн хурлыг зохион байгуулж, ЗХТ-ийн 1-3-р улирлын үйл ажиллагааны тайланг хэлэлцэж, 2016 онд хамтран хийх ажлын саналыг холбогдох газруудад хүргүүлэв.
 
Нийгмийн даатгалын хэлтэс:
 
1.    2015 онд 71222.6 сая төгрөгийг Нийгмийн даатгалын санд төвлөрүүлж орлого бүрдүүлэхээс өнөөдрийн байдлаар 47247.0 сая төгрөг бүрдээд байна.   
 
2.    Эрүүл мэндийн даатгалын шимтгэлд 4,7 сая төгрөг төвлөрч өссөн дүнгээр 127,6 сая төгрөг бөгөөд 74,6  хувийн биелэлттэй байна.
 
3.    10 сарын тэтгэврээ банкуудаар олгогдож байна.  
 
Эрүүл мэндийн газар
 
1.     “Эмийн үл нийцэл болон антибиотикийн зохистой хэрэглээ” сэдэвт сургалтыг зохион байгуулсан.
 
2.    “Түлэгдлийн үед үзүүлэх тусламж үйлчилгээ” сэдэвт сургалтыг зохион байгуулсан.
 

  

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2017-05-29 687
3452 ШОО МЕТР ХОГ АЧИЖ ТЭЭВЭРЛЭВ

Орхон аймгийн Хот тохижуулах газраас өнгөрөгч 7 хоногт Баянцагаан, Уртын гол, Баянбулаг багуудаас болон ...

2016-09-05 659
Аймгийн засаг даргын шуурхай зөвлөгөөний үүрэг даалгаврын биелэлт

Аймгийн засаг даргын шуурхай зөвлөгөөний үүрэг даалгаврын биелэлт

2017-11-14 998
СУРГУУЛЬ, ЦЭЦЭРЛЭГТ ТУСГАЙ ЗӨВШӨӨРӨЛ ОЛГОХ ТУХАЙ ХУУЛЬ ТОГТООМЖИЙН ЗААЛТУУД

Сургууль, цэцэрлэгт тусгай зөвшөөрөл олгох тухай хууль тогтоомжийн заалтууд

Ангилал

Сурталчилгаа

 

 

 

Веб статистик

Таны IP хаяг: 3.226.243.36
2017-11-30-ний өдрөөс хойш.
  • 12 Онлайн
  • 471 Өнөөдөр
  • 4818 Өчигдөр
  • 10758 Долоо хоногт
  • 6889 Сүүлийн сард
  • 2216518 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  756

Facebook

Цаг агаар