Монгол улсын Ерөнхийлөгчийн Тамгын газар, Шинжлэх Ухааны Академийн Хэл уран зохиолын хүрээлэнгээс Төсвийн тухай хууль, Шилэн дансны тухай хуулиудад иргэдийн оролцоог хэрхэн хангах, иргэдийн оролцоог нэмэгдүүлэх, хууль хэрэгжүүлэхэд үүсч байгаа нөхцөл байдлыг судлах,Монгол хэлний тайлбар толь бүтээхэд орон нутгийн иргэдийг хэрхэн татан оролцуулах, иргэний оролцоог эх хэл соёлтой холбон идэвхжүүлэх зорилгоор аймаг, сумын ИТХ-ын Ажлын алба, ЗДТГ-ын төрийн захиргааны албан хаагчид, багуудын зохион байгуулагч, төрийн байгууллага болон орон нутгийн болон төрийн өмчийн оролцоотой аж ахуйн нэгж, байгууллагын санхүүгийн ажилтнууд, Ерөнхий боловсролын сургуулийн Монгол хэл, уран зохиолын багш нарт 2015 оны 10 дугаар сарын 22-ны өдөр сургалт явууллаа.

 

Сургалтыг Монгол Улсын Ерөнхийлөгчийн Тамгын газраас томилогдсон баг-Ерөнхийлөгчийн Тамгын газрын ахлах референт Г.Баттогтох, ахлах шинжээч Г.Ганзориг, Шинжлэх Ухааны Академийн хэл зохиолын хүрээлэнгийн эрдэм шинжилгээний ажилтан доктор Т.Пүрэвсүрэн нар удирдан явуулсан байна.