Баян-Өндөр сумын 7 хоногийн мэдээ

Нутгийн захиргааны байгууллагаас өнгөрсөн 7 хоногт хийж хэрэгжүүлсэн онцлох ажлын  мэдээ:

Орон нутгийн хөгжлийн сангийн хөрөнгө оруулалтаар 2016 онд хийгдэх ажлын саналыг  21  багийн нийт 10 000 өрхөөс санал асуулга авсан.Айл өрхөөс авсан санал асуулгыг эрэмбэлэх ажлыг зохион байгуулж байна. Орон сууцны байруудын зоорийн давхрын  хортон шавжийн устгалын ажлыг Хөх билэгт ХХК, Үст бүрд ХХК 4 цэцэрлэг, 4 сургууль, 544 орцны зоорийн давхрын 124579 м2 талбайн хортон шавьжийг устгасан байна.

     

Газар зохион байгуулалтын чиглэлээр:

Шинээр гэр бүлийн хэрэгцээнд зориулан газар эзэмших хүсэлт гаргасан 5 иргэн, газар эзэмшүүлэх эрхээ шилжүүлэхийг хүссэн 3 иргэний хүсэлтийг хүлээн авсан, Сумын Засаг даргын А/236, А/345 тоот захирамжаар гэр бүлийн хэрэгцээнд зориулан газар эзэмшсэн 4 иргэнтэй  захирамжийн дагуу  газар эзэмшүүлэх гэрээ байгуулж, гэрчилгээ олголоо.

Мал эмнэлэг үржлийн тасгийн мэдээлэл

Тариалан эрхлэлтийг дэмжих сангаас бага оврын 23 трактор авахаар захиалга өгсөн иргэдэд зээлийн гэрээ хийж хүлээн өгсөн. Сумын хэмжээнд одоогийн байдлаар 960 тн хадлан бэлтгэсэн байна. Хонины ноос бэлтгэн үндэсний үйлдвэрт тушаасан 34 малчин мал бүхий иргэдийн 5814 хонины 6079кг ноосны баримтад бүртэл хийж Хүнс хөдөө аж ахуйн газарт хүргүүлсэн.

Нийгмийн халамжийн чиглэлээр:

Байнгын асаргааны тэтгэмж тогтоолгохыг хүссэн 13 иргэн, Рашаан сувиллын хөнгөлөлтөд хамрагдахыг хүссэн 8 иргэн, Түлээ, орон сууцны үнийн хөнгөлөлтөд хамрагдахыг хүссэн 21, өдрийн үйлчилгээнд хамрагдахыг хүссэн 12 иргэний  өргөдлийг судлан шийдвэрлэв.

Өргөдөл хүсэлт шийдвэрлэлтийн талаар:

Тус сумын Засаг даргын Тамгын газарт дээд шатны болон бусад байгууллагуудаас 26 албан бичиг ирүүлсэн. Үүнээс хариутай албан бичиг 2. Иргэдээс ирүүлсэн өргөдөл, гомдол, санал хүсэлт нийт 42 ирснээс нийгмийн халамж үйлчилгээтэй холбоотой 34, газрын асуудлаар 5, худалдаа эрхлэх түр зөвшөөрөл шинээр авах, сунгахыг хүссэн 1, Тамхины зөвшөөрөл хүссэн тухай 1, бусад 1 тус тус ирсэн ба хуулийн хугацаанд шийдвэрлэгдэж байна. Аймгийн ЗДТГ-ын 7035-3511 утсаар авто машины зогсоолтой холбоотой 1, орон сууцны байрын гадаа машин угааж байгаатай холбоотой 1, хүүхдийн тоглоомын талбайтай холбоотой 1, ил задгай худалдаатай холбоотой 1, тохижилттой холбоотой 1 тус тус ирснээс хариу өгч шийдвэрлэсэн 1, судлагдах шатандаа явж байгаа 4 санал хүсэлт байна.

Багийн төвшинд хийж хэрэгжүүлсэн ажлын чиглэлээр:

Цагаанчулуут багийн ажлын албанаас санаачлан залуучуудын зөвлөлтэй хамтран 47-48-р гудамжинд байрлах хүүхдийн тоглоомын талбайг засаж тохижуулсан байна.Мөн Онцгой байдлын газар, Улаан загалмайн хороо, Дэлхийн Зөн байгууллагуудтай хамтран “Гамшгийн үед өрхийн бэлэн байдал” сэдэвт сургалт зохион байгуулж тус сургалтад багийн 20 гаруй иргэд хамрагдсан байна.

Наран багийн ажлын албанаас цагдаагийн хэсэгтэй хамтран “Замын хөдөлгөөний тухай дүрэм” сэдвээр багийн иргэдэд дунд сургалт мэдээлэл зохион байгуулсан байна.Сургалтад багийн 23 иргэн хамрагдсан байна.

Их-залуу багийн ажлын албанаас ДЗОУБ, УЗХ, ОБГ-тай хамтран өрхийн бэлэн байдлын сургалтыг зохион байгуулж сургалтад багийн 15 иргэнийг хамруулсан байна.

Зэст, Хүрэнбулаг, Их-залуу, Яргуйт багийн ажлын албанаас багийн хэмжээнд үйл ажиллагаа явуулж буй аж ахуй нэгж байгууллага, айл өрхүүдийн дунд өвөлд бэлэн үү хэлэлцүүлгийг зохион байгуулсан байна.

Оюут багийн ажлын албанаас эрх зүйн хөтөчтэй хамтран багийн нутаг дэвсгэрт үйл ажиллагаа явуулдаг архи согтууруулах ундаагаар үйлчилдэг аж ахуй нэгжийн үйл ажиллагаанд хяналт шалгалт зохион байгуулсан.

Уурхайчин багийн ажлын албанаас багийн ажлын албаны албан хаагчдын дунд замын хөдөлгөөний аюулгүй байдал, эвлэрүүлэн зуучлах хуулийн хүрээнд сургалт мэдээлэл хийж мэдээллийг багийн иргэдэд түгээх ажлыг зохион байгуулах талаар үүрэг өгсөн байна.  

Хэвлэл мэдээллийн чиглэлээр:

Орон нутгийн хөгжлийн сангийн хөрөнгө оруулалтаар БОЭТ-ийн дотрын тасагт тоног төхөөрөмж нийлүүлэх ажлыг хүлээлгэн өгч буй мэдээ, Мөн орон нутгийн хөгжлийн сангийн хөрөнгө оруулалтаар санхүүжүүлсэн Наран цогцолбор сургуулийн биеийн тамирын талбайн нээлтийн мэдээлэл, хөнгөлттэй үнээр нийлүүлэгдэж буй  тракторыг зээлийн хэлбэрээр малчид, тариаланчдад олгож буй мэдээлэл, санал асуулгын явцын талаарх мэдээллүүдийг  телевиз болон сайтаар мэдээллээ.

 

  

 

Холбоотой мэдээлэл

2014-04-08 61295
ОРХОН АЙМАГ, "ЭРДЭНЭТ ҮЙЛДВЭР" ХХК -ИЙН ХАМТЫН АЖИЛЛАГААНЫ ХҮРЭЭНД 2014 ОНД ЭРДЭНЭТ ҮЙЛДВЭРИЙН САНХҮҮЖИЛТЭЭР ХИЙГДЭХ АЖЛЫН ТӨЛӨВЛӨГӨӨ

ОРХОН АЙМАГ, "ЭРДЭНЭТ ҮЙЛДВЭР" ХХК -ИЙН ХАМТЫН АЖИЛЛАГААНЫ ХҮРЭЭНД 2014 ОНД ЭРДЭНЭТ ҮЙЛДВЭРИЙН ...

2017-06-13 1046
СТАНДАРТ, ХЭМЖИЛЗҮЙН ХЭЛТСИЙН 7 ХОНОГИЙН МЭДЭЭ

Орхон аймгийн Стандарт, хэмжилзүйн хэлтэс өнгөрөгч 7 хоногт цахилгаан хэмжих хэрэгсэл ашиглан “Эрдэнэт ...

2015-11-01 4724
Орхон аймгийн улсын бүртгэлийн хэлтсийн 2015.10.26-наас 30-нд хийгдсэн 7 хоногийн ажлын мэдээ

Гадаад паспортын сунгалт 31-ийг хийж эздэд нь гадаад паспорт авах хүсэлт гаргасан 28 иргэний материалыг ...

Ангилал

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 52.90.49.108
2021-01-03-ний өдрөөс хойш.
  • 18 Онлайн
  • 664 Өнөөдөр
  • 1638 Өчигдөр
  • 2302 Долоо хоногт
  • 69712 Сүүлийн сард
  • 6436847 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1049

Facebook

Цаг агаар