Орхон аймгийн засаг даргын тамгын газрын 2015 оны 4 дүгээр сарын товч мэдээ

1. Удирдлага, зохион байгуулалтын ажлын хүрээнд:
 
Төрийн үйлчилгээг хөнгөн шуурхай болгох, иргэдэд ойртуулах, тэдний санал гомдлыг хүлээн авах, тулгамдаж байгаа асуудлыг шийдвэрлэх зорилгоор аймгийн ЗДТГ-ын “Нэг цонхны үйлчилгээ”-нд ажиллуулж буй “Иргэн таныг сонсож байна” 70353511 утсаар иргэдээс ирүүлсэн санал, гомдлыг хүлээн авч, шийдвэрлэлтийн дүн мэдээг олон нийтэд болон аймгийн Засаг даргын шуурхай зөвлөгөөнд мэдээлж ажиллаж байна. Тус төвд 313 гомдол, санал, хүсэлт ирснээс 234-ийг шийдвэрлэж, 79 гомдол, саналыг холбогдох байгууллага, албан тушаалтанд уламжилсан байна.  
4 дүгээр сард Орхон аймаг, Эрдэнэт хот болон БНХАУ-ын Өвөр Монголын өөртөө засах орны Манжуур хотын хооронд хамтын ажиллагаа тогтоох санамж бичигт гарын  үсэг зурлаа. Монгол улс, БНХАУ-ын хооронд 1994 онд байгуулсан “Найрсаг харилцаа, хамтын ажиллагааны тухай гэрээ”, 2013 онд үзэглэсэн “Монгол Хятадын стратегийн түншлэлийн харилцааг хөгжүүлэх дунд, урт хугацааны хөтөлбөр”-ийг тус тус үндэслэн Эрдэнэт хот болон Манжуур хотын хооронд найрсаг харилцаа, хамтын ажиллагааг тогтоон, өргөжүүлэн хөгжүүлэх зорилгоор энэхүү Санамж бичгийг үйлдсэн бөгөөд уг санамж бичигт: 
1. Талуудын албан ёсны төлөөлөгчдийг тогтмол солилцох, нутгийн удирдлага, захиргааны байгууллагуудын харилцан туршлага судлахад дэмжлэг үзүүлэх
2. Эдийн засаг, худалдааны хамтын ажиллагааг бүх талаар хөгжүүлэх, хамтын хөрөнгө оруулалт хийх аж ахуйн нэгж байгууллагыг дэмжих
3. Талуудын харилцан тохиролцсоны үндсэн дээр хот байгуулалт, хот тохижилт, цэцэрлэгжүүлэлт, ногоон байгууламжийн талаар хамтарч ажиллах
4. Хоёр хотын хооронд соёл урлаг, боловсрол, эрүүл мэнд, аялал жуулчлалын салбарт хамтын ажиллагааг тогтоох үүднээс байгууллага, иргэдийн хооронд хамтын ажиллагааг бүхий л талаар дэмжлэг үзүүлэх гэсэн гэсэн асуудлуудыг тусгажээ.
Төрийн захиргааны байгууллагуудын 2014 оны үйл ажиллагаанд хяналт-шинжилгээ хийх, үнэлгээ өгөх ажлыг зохион байгуулж, үйл ажиллагааны үр дүнгээр өндөр үнэлгээ авсан Нийгмийн халамж, үйлчилгээний хэлтэс, Цагдаагийн газар, Стандартчилал, хэмжилзүйн хэлтэс, Татварын хэлтэс, Хотын захирагчийн албыг холбогдох журмын дагуу шагнаж урамшуулахаар шийдвэрлэлээ.
Төрийн жинхэнэ албан хаагчийн сул ажлын байрны сонгон шалгаруулалтыг зохион байгуулсан ба 2 ажлын байранд 6 иргэн тэнцлээ.
Аймгийн ИТХ-тай хамтран “Орхон аймгийн нийтийн эзэмшлийн газар, эд аж ахуйг арчлан хамгаалах талаар нийтээр дагаж мөрдөх журам”-ын хэрэгжилт сэдвээр Баян-Өндөр, Жаргалант сумын багийн иргэдийн дунд форум арга хэмжээг зохион байгуулж, иргэдээс гаргасан санал хүсэлтийг хэрэгжүүлэх зорилгоор төлөвлөгөө гарган ажиллаж байна.
Улсын Их Хурлын гишүүн, Аюулгүй байдал, гадаад бодлогын байнгын хорооны дарга Ж.Энхбаяр, УИХ-ын гишүүн, Батлан хамгаалахын сайд Ц.Цолмон тэргүүтэй албаны хүмүүс манай аймагт ажилласан ба аймгийн Цэргийн штаб, Зэвсэгт хүчний 186 дугаар ангийн үйл ажиллагаатай танилцав.
Орхон аймгийн хэмжээнд төвлөрсөн болон орон нутгийн төсвийн байгууллага,  орон нутгийн төсвийн хөрөнгөөр хөрөнгө төсөл хөтөлбөр, арга хэмжээ ажил үйлчилгээ гүйцэтгэж байгаа аж ахуйн нэгжийн санхүүжилтийг ил тод байлгах зорилгоор төрийн сангаас гарч байгаа зарлагын гүйлгээг цахим хуудсанд байршуулан иргэдийг түргэн шуурхай, ил тод мэдээллээр хангаж ажиллаж байна.

2. Хууль, эрх зүйн бодлогын хүрээнд:  
 
Хууль зүйн туслалцааны төв нь 4 дүгээр сарын байдлаар төлбөрийн чадваргүй эмзэг бүлгийн нийт 41 иргэнд өмгөөллийн үйлчилгээ үзүүлж, 85 хүнд зөвлөгөө өгч үйлчиллээ.
Аймгийн Иргэдийн Төлөөлөгчдийн хурлын Ажлын алба, Засаг даргын Тамгын газар, Тагнуулын газар, Цагдаагийн газар, Мэргэжлийн хяналтын газар, Татварын хэлтэстэй хамтран Орхон аймагт байрлах Будда, Христ, Бөө мөргөл, Исламын шашнуудын сүм хийдэд хяналт, шалгалт хийв.
Аймгийн хэмжээнд Цагдаагийн газраас “Тамхи”, “Шаг” болон замын хөдөлгөөний аюулгүй байдлыг хангуулах нэгдсэн арга хэмжээнүүдийг зохион байгуулан ажиллаж байна.
 
3. Боловсрол, эрүүл мэнд, урлаг, спорт, нийгмийн хамгааллын бодлогын хүрээнд:
 
Боловсрол, соёлын газар болон Эрүүл мэндийн газар, ХЭАХ нийгэмлэгтэй хамтран Монголын мастер тогоочдын холбооноос санаачлан Ерөнхий боловсролын сургууль, сургуулийн өмнөх боловсролын байгууллагын эмч нар, ерөнхий боловсролын сургуулийн эрүүл мэндийн багш нарт "Эрүүл хооллолтыг хэвшүүлье" сэдэвт сургалт зохион байгуулж, 15 сургууль, 23 цэцэрлэг болон хувийн хэвшлийн сургууль цэцэрлэгийн нийт 60 гаруй эмч, багш нар хамрагдлаа.
Мэргэжлийн хяналтын газрын байцаагчид “Эмнэлгийн үйл ажиллагааг шалгах хяналтын хуудас”- ыг таниулах, сурталчилах сургалтыг Өрхийн эрүүл мэндийн төв, хувийн хэвшлийн ортой эмнэлэг, амбулаторын 24 эмнэлгийн эмч, мэргэжилтнүүдийн дунд зохион байгуулав.
Хүүхэд залуучуудын театр “Илбэчин тогоруу” шинэ уран бүтээл хийж 4 сарын 21-ний өдрөөс эхлэн тусгай хуваарийн дагуу хүүхэд залуучууддаа тоглолтоо толилуулж  одоогийн байдлаар нийт 1800 гаруй хүүхдүүд үзэж сонирхсон байна.  
Хүүхдийн авъяасыг нээн хөгжүүлэх зорилгоор урлагийн “Яргуй” наадам явагдаж тус наадамд 800 гаруй хүүхэд хамрагдлаа.
Хүүхэд хамгааллын хамтарсан багийн гишүүд Жаргалант сумын Ерөнхий боловсролын дунд сургуулийн дотуур байрны сурагчидтай хамтран “Бүгдээрээ хамтдаа” өдөрлөгийг зохион байгууллаа. 
Залуучуудын хөгжлийн төвөөс: НҮБ-ийн ХАС, Иргэний боловсрол төвтэй хамтран залуучуудын байгууллагын гишүүдийг чадавхижуулах зорилгоор “Ухуулга нөлөөллийн ур чадвар” семинарыг зохион байгуулж 50 гаруй залуучуудыг хамруулав.
Самбо бөхийн залуучуудын улсын аварга шалгаруулах тэмцээн Орхон аймагт амжилттай болж тэмцээнд 20 байгууллагын 247 тамирчин эрэгтэй 10, эмэгтэй 10 жинд 80 багц медалийн төлөө өрсөлдлөө.
Спортын Y их наадмын хүрээнд Бадминтоны өсвөр үеийн аймгийн аварга шалгаруулах тэмцээн болж нийт 7 багийн 135 тамирчин оролцов. 
 “Хүн амын бие бялдрын хөгжилт, чийрэгжилтийн түвшин тогтоох сорил”-ын ажлыг эрчимжүүлэх 1 сарын аян явагдаж байна.  
Хөгжлийн бэрхшээлтэй иргэдийн байгууллагуудын үндэсний холбооны Орхон аймгийн зөвлөлөөс “Хөгжлийн бэрхшээлтэй иргэдийн эрхийг хамгаалах, хангах нь” сэдэвт сургалтыг зохион байгуулж холбогдох байгууллагуудын 30 хүнийг хамруулсан ба аймгийн “Тэгш дүүрэн” хөтөлбөрөөс 30 иргэнд 8.9 сая төгрөгийн зээл олгохоор шийдвэрлэв. 
“Хөдөлмөрийн аюулгүй байдал, эрүүл ахуйн соёлыг ажлын байранд нэвтрүүлье” сэдэвт аймгийн зөвлөлгөөнийг зохион байгуулж 60 гаруй байгууллагын 200 гаруй төлөөлөл оролцсон бөгөөд хөдөлмөрийн аюулгүй байдал, эрүүл ахуйн чиглэлээр холбогдох байгууллагуудын илтгэл, сайн туршлагын талаарх мэдээллийг хэлэлцэж санал бодлоо солилцлоо. Уг арга хэмжээний үеэр  ажлын хувцас, хамгаалах хэрэгсэл, хор саармагжуулах бүтээгдэхүүн үйлдвэрлэдэг байгууллагуудын үзэсгэлэн гаргаж иргэдэд сурталчиллаа. Хөдөлмөр эрхлэлтийн үндэсний хөтөлбөрүүдийг иргэдэд танилцуулах, сурталчлах зорилгоор нээлттэй хаалганы өдрийг зохион байгуулав.
Ажил олгогчдын дунд “Хөдөлмөр эрхлэлт ба ажил олгогчийн түншлэл” сэдэвт сургалтыг зохион байгуулж 50 аж ахуйн нэгж, байгууллагын захирал хүний нөөцийн менежерүүд оролцлоо.
 “Хөдөлмөрийн аюулгүй ажиллагаа, эрүүл ахуйн дэлхийн өдөр”-ийг угтан сарын аяныг “Хөдөлмөрийн аюулгүй байдал эрүүл ахуйн соёлыг ажлын байранд нэвтрүүлье” уриан дор зохион байгуулж  байгаа бөгөөд "Үйлдвэрлэлийн ослын улмаас бэртэж гэмтсэн болон амь үрэгдсэн ажилчдын дурсгалыг хүндэтгэх өдөр"-өөр аймгийн Худагт ламын хийдэд 108 зул өргөж хүндэтгэл үзүүллээ.
 
4. Хүнс, хөдөө аж ахуй, байгаль орчны бодлогын хүрээнд:
 
Хаврын тариалалтын чиглэлээр:
Орхон аймаг нийт 5100 га эргэлтийн талбайтай бөгөөд энэ онд аймгийн хэмжээнд 3200 га-д үр тариа үүнээс 3200 га-д улаанбуудай, 343,4 га-д төмс, 385 га-д хүнсний ногоо, 200 га-д тэжээлийн ургамал нийт 4128,4 га-д тариалалт хийж 5440 тонн үр тариа үүнээс 5440 тонн улаанбуудай, 4116 тонн төмс, 3415 тонн хүнсний ногоо, 500 тонн малын тэжээл тус тус хураан авах зорилттой ажиллаж байна. Энэхүү зорилтын хүрээнд Баян-Өндөр, Жаргалант сумын 10 гаруй аж ахуй нэгж, 900 гаруй өрх газар тариалангийн үйлдвэрлэл эрхлэхээр бэлтгэлээ хангаж мөн 10 аж ахуй нэгж, 2 иргэн нийт 3200 га-д улаанбуудай тариалахад нийт 652,5 тонн үр шаардлагатай байна. Аймгийн хэмжээнд 6 аж ахуйн нэгж 744,5 тонн улаанбуудайн үрийн нөөцтэй. Бусад 4 аж ахуй нэгж, 2 иргэний 80 тонн улаанбуудайн үр, 9 аж ахуй нэгж, 1 иргэний  нийт 13,5 тонн ургамал хамгааллын бодисын /раундап 12900 л, Фенизан 595 л, бусад төрлийн бодис 0,5 тонн/   захиалгыг ХХААЯ-д хүргүүлсэн бөгөөд одоогийн байдлаар ТЭДС 6 аж ахуй нэгж, 2 иргэнд 39,8 тонн шатахуун, 4 аж ахуй нэгж 1 иргэнд 73,5 тонн улаанбуудайн үр, 4 аж ахуйн нэгжид 150 л тебутин, 6,5 кг алмазис тус тус гэрээ хийж олгоод байна.  
Тариалалтад зүтгэх хүчний трактор 90, үр тарианы үрлүүр 42, хөрс боловсруулах техник 102, төмс, хүнсний ногооны үрлүүр 15 ажиллах бөгөөд техник засварын ажил 90,0 хувьтай байна. 
Мал аж ахуйн чиглэлээр:
Аймгийн хэмжээнд 2014-2015 оны өвөлжилтийн бэлтгэл 97,8 хувиар хангагдсан бөгөөд 2 сумын 1039 малчин, мал бүхий  өрхөд 123,2 мянган малыг өвөлжүүлж, хаваржуулж байна. Үүнд: тэмээ-61 толгой, адуу-9,1 мян.толгой, үхэр-18,1 мян.толгой, хонь-51,2 мян.толгой, ямаа-44,6 мян. толгой байна.
Энэ жил 54,8 мянган эх мал төллөхөөс 4-р сарын 30-ны байдлаар 36,7 мянган толгой эх мал төллөж , нийт төллөх насны эх малын 66,9 хувь буюу бод малын 42 хувь, бог малын 72,8 хувь нь төллөж төл бойжилт 99,0 хувьтай байна. Нийт малын 0,2 хувь буюу 262 толгой мал зүй бусаар хорогдож, мал онд оролт 99,8 хувьтай байна. 
Улсын Их хурлаас баталсан  “Монгол мал”  үндэсний хөтөлбөр, аймгийн эдийн засаг, нийгмийг 2015 онд хөгжүүлэх үндсэн чиглэлд мал сүргийг өвөлжүүлж, хаваржуулах, малчдад төрийн үйлчилгээ үзүүлэх талаар дэвшүүлсэн зорилтыг хэрэгжүүлэхээр томилогдсон аймаг, сумдын удирдах ажилтан, малын эмч, хүний эмч,  мал аж ахуйн мэргэжилтэн, зэрэг давхардсан тоогоор 98 хүний бүрэлдэхүүнтэй  ажлын хэсэг Баян-Өндөр сумын 5 чиглэлд, Жаргалант сумын 4 чиглэлд ажиллан хөдөөгийн 346 өрхөөр орж, хүн, малын эрүүл мэндийн үйлчилгээг үзүүлж, цаг үеийн байдалтай танилцаж улсын болон аймгийн бодлого шийдвэр, цаг агаарын мэдээг танилцуулан малчдын тулгамдсан асуудал, санал хүсэлтийг авч  холбогдох газруудад хүргүүлж шийдвэрлэлтийг ханган ажиллалаа.
Аймгийн хэмжээнд сүүний үхрийн чиглэлээр 23 иргэн, гахайн фермерийг 40 иргэн, тахианы аж ахуйг 71 иргэн, аж ахуйн нэгжүүд үйл ажиллагаагаа явуулж байна.
Манай аймаг нийт 39,6 мянган га бэлчээрийн талбайтай. Усан хангамжийн хувьд инженерийн хийцтэй 70, энгийн уурхай 7, ашиглахад бэлэн 59 худагтай бөгөөд нийт 77 бэлчээрийн худгийн 76,6 хувийг ашиглаж байна.  
2014 онд  улсын төсвийн хөрөнгөөр Баян-Өндөр суманд 3, Жаргалант суманд 2, аймгийн хэмжээнд   нийт 5 бэлчээрийн худаг шинээр гарган ажлыг 100 хувь гүйцэтгэж  дуусгасан. Үүний үр дүнд 2 сумын 67 өрхийн 234 хүн ам, 28,1 мянган мал усаар хангагдах боломж бүрдсэн. 
Мал эмнэлгийн урьдчилан сэргийлэх арга хэмжээний хүрээнд:
Малын халдварт өвчнөөс урьдчилан сэргийлэх 8 төрлийн 107,1 мянган малд тарих 345 литр вакцин тарилгыг зохих журмын дагуу хүлээн авч, малын халдварт өвчнөөс урьдчилан сэргийлэх 2 төрлийн вакцин тарилга, “Гахайн цусан халдварт”, “Гахайн мялзан”, “Шөвөг яр” өвчнөөс урьдчилан сэргийлэх вакцин хийгдэж байна. 
Вакцинжуулалт төлөвлөгөөний дагуу 5,0 хувийн гүйцэтгэлтэй байна. Мал эмнэлгийн урьдчилан сэргийлэх арга хэмжээний хүрээнд 8 мал эмнэлэгт үйлчилгээний урьдчилгаа хөлс 5,0 сая төгрөг олгоод байна.
 
5. Үйлдвэрлэл үйлчилгээ, дэд бүтцийн салбарын бодлогын хүрээнд:
 
Монгол улсын Засгийн газрын жижиг, дунд үйлдвэрлэлийг дэмжих бодлогын хүрээнд “Монгол маск Эрдэнэт” ХХК-ийн амны хаалтны үйлдвэр үйл ажиллагаагаа эхлүүллээ. Тус үйлдвэр нь “Эрдэнэт” үйлдвэрийг түшиглэн нээгдэж буй хамгаалах хэрэгслийн гурав дахь үйлдвэр юм. “Монгол маск Эрдэнэт” ХХК-ийн амны хаалтны үйлдвэр нь өдөрт 5000 ширхэг бүтээгдэхүүн үйлдвэрлэж, улсын болон орон нутгийн төсөвт жилд 50-60 сая төгрөгийг төвлөрүүлнэ. Тус үйлдвэр нээгдсэнээр 15 иргэн ажлын байртай болсон. 
2015 онд Баян-Өндөр сумын Засаг даргын Тамгын газрын сум хөгжүүлэх сангаас 400 сая төгрөгийн зээл олгогдох бөгөөд тус сангаас зээл хүссэн 83 иргэний өргөдлийг хүлээн авч зээл олгох ажлыг зохион байгуулж эхлээд байна. 2014 онд тус сум хөгжүүлэх сангаас олгосон зээлийн үр дүнд 50 гаруй ажлыг байр бий болжээ. 
Хот тохижуулах газраас санаачлан “Би хотдоо хайртай” хөдөлгөөн өрнүүлж хотоо хоггүй цэвэр байлгахад иргэн бүрийн үүргийг дээшлүүлэх, хариуцлагагүй хандаж байгаа иргэдийг нийтийн цахим сүлжээг ашиглан олон нийтэд хүргэх, сэрэмжүүлэх /Facebook/ ажлыг зохион байгуулж эхлээд байна.
 
 
 
АЙМГИЙН ЗАСАГ ДАРГЫН ТАМГЫН ГАЗАР
 
 

 

 

Холбоотой мэдээлэл

2018-01-08 8385
2017 ОНД УЛСЫН БАТАЛГААЖУУЛАЛТАД ХАМРУУЛСАН ХЭМЖИХ ХЭРЭГСЛИЙН МЭДЭЭ

Орхон аймгийн Стандарт, хэмжил зүйн хэлтсийн хэмжил зүйн лаборатори нь “Хэмжлийн нэгдмэл байдлыг ...

2016-02-22 1305
Хөдөлмөр зуучлал, мэдээллийн төвийн 7 хоногийн мэдээ

Химийн мэргэжилтэн-1, Механик инженер-1, Нягтлан бодогч-1, Програмисст-1, Тоног төхөөрөмжийн засварчин-1, ...

Ангилал

Цахим төрийн үйлчилгээ


Сурталчилгаа

 

 

 

“ЭРДЭНЭТ ХӨГЖИЛ 2021” ЭДИЙН ЗАСГИЙН ФОРУМ ЭХЭЛЛЭЭ

2021-10-19 9723

“НИЙТИЙН ТЭЭВРИЙН ПАРК ШИНЭЧЛЭЛТ”-ИЙН ТӨСӨЛ ТАНИЛЦУУЛАГДЛАА /Эдийн засгийн форум/

2021-10-19 8326

ЭДИЙН ЗАСГИЙН ФОРУМААС ГАРСАН ОНЦЛОХ ҮР ДҮНГҮҮДИЙГ ТАНИЛЦУУЛЖ БАЙНА

2021-10-20 6117

ЭДИЙН ЗАСГИЙН ФОРУМ ӨНДӨРЛӨЛӨӨ

2021-10-20 6107

ШАТАХУУН ТҮГЭЭГҮҮРИЙН КОМПАНИУДААС ШАТАХУУНЫ ХОМСТЛЫН ШАЛТГААНЫГ ТОДРУУЛЛАА

2021-10-22 659

БАРИЛГА ИНЖЕНЕРИЙН БАЙГУУЛАМЖИЙН АЖЛЫН ГҮЙЦЭТГЭЛИЙН ЯВЦ, ЧАНАРТ ХЯНАЛТ ТАВИХ АЖЛЫН ХЭСГИЙН ТӨЛӨӨЛЛИЙГ ХҮЛЭЭН АВЧ УУЛЗЛАА

2021-10-12 585

“ХОТЫН СОЁЛ- ХАМТЫН СОЁЛ” УРИАН ДОР ЗОХИОН БАЙГУУЛАГДАЖ БУЙ “СОЁЛЫГ ТҮГЭЭЕ” АЯНЫ НЭЭЛТ БОЛЛОО

2021-10-11 428

ДЭД БҮТЦИЙН АЖЛУУД УДААШРАЛТАЙ БАЙГАА ГАЗРУУДАД ХОЛБОГДОХ БАЙГУУЛЛАГУУД АЖИЛТНАА ЗОГСООЖ ХЯНАЛТ ТАВИУЛАХ ҮҮРЭГ ӨГӨВ

2021-10-11 327

ЗАСАГ ДАРГЫН ЗӨВЛӨЛИЙН XXI ХУРАЛДААН ХУРАЛДЛАА

2021-10-21 241

БАРИЛГЫН САЛБАРЫН ХӨРӨНГӨ ОРУУЛАЛТЫН АЖЛЫГ ГҮЙЦЭТГЭЖ БУЙ КОМПАНИУДТАЙ УУЛЗАЛТ ХИЙЛЭЭ

2021-10-17 193

Веб статистик

Таны IP хаяг: 3.214.224.207
2021-06-10-ний өдрөөс хойш.
  • 10 Онлайн
  • 6673 Өнөөдөр
  • 2434 Өчигдөр
  • 23307 Долоо хоногт
  • 92219 Сүүлийн сард
  • 6350195 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1024

Facebook

Цаг агаар