ХЕПАТИТИЙН С ВИРУСТ ХАЛДВАРЫН ЭМЧИЛГЭЭ, ОНОШЛОГООНЫ ТАЛААРХ МЭДЭЭЛЭЛ

      АНУ-ын Gilead Sciences компани нь элэгний С вирусийг эмчлэх ХАРВОНИ (Ледипасвир 90мг/Софосбувир 400мг) шахмал эмийг Канад улсын Patheon үйлдвэрт гэрээгээр үйлдвэрлүүлэн Монгол Улсад “Аccess” буюу “Хүртээмж” хөтөлбөрийн хүрээнд импортлох, улсын эмийн бүртгэлд бүртгүүлэх асуудлыг ЭМСЯ-ны дэргэдэх Хүний эмийн зөвлөлийн 2015 оны 05 дугаар сарын хурлаар хэлэлцүүлж, Монгол Улсын эмийн жагсаалтад бүртгэсэн билээ. Энэхүү эмийг хэзээ Монгол Улсад орж ирэх талаар болон хаанаас хэрхэн худалдаж авах талаарх мэдээллийг хүргэж байна.
-Хепатитийн С вируст халдвартай бол аль эмнэлэгт хандаж эмчлүүлэх вэ?
 -Юуны түрүүнд өөрийн харьяа аймаг, дүүргийн сум, өрхийн эрүүл мэндийн төвөөс хепатитийн С вируст халдварын талаар мэдээлэл, зөвлөгөөг авч болно.
Хэрвээ та өмнө хийлгэсэн лабораторийн шинжилгээгээр С вирусийн халдвартай гэж тогтоогдож байсан, эсвэл та өөрийгөө тус халдварт өртсөн байж болзошгүй гэж үзэж байгаа бол ө
өрийн харьяа аймаг, дүүргийн нэгдсэн эмнэлэг, эрүүл мэндийн төв, Халдварт өвчин судлалын үндэсний төв, улсын нэг, хоёр, гуравдугаар төв эмнэлэгт хандаарай. Одоогийн байдлаар эдгээр эмнэлгийн дотор, халдвартын тус тус 1 эмчийг “Хепатитийн С вируст халдварын эрт илрүүлэг, оношилгоо, эмчилгээний заавар”-ыг танилцуулах сургалтад хамруулаад байна. Төрийн өмчит эмнэлэгт эмчийн үзлэг, зөвлөгөө төлбөргүй, харин лабораторийн зарим өндөр өртөгтэй шинжилгээ төлбөртэй байдгийг анхаараарай.
Хэрвээ та өөрөө хүсвэл хувийн эмнэлэгт хандаж болно. Ингэхдээ хувийн эмнэлгийн үзлэг, оношилгоо төлбөртэй бөгөөд төлбөрийн хэмжээгээ өөрсдөө тогтоодог тул харилцан адилгүй байдгийг анхаарна уу. Одоогийн байдлаар “Хепатитийн С вируст халдварын эрт илрүүлэг, оношилгоо, эмчилгээний заавар”-ыг танилцуулах сургалтад нийслэл Улаанбаатар хот дахь дараах хувийн эмнэлгийн эмч нар хамрагдаад байна.


-Хепатитийн С вируст халдварыг эмчлэх ямар эмийг Монгол Улсад хэрэглэж байна вэ?

-Хүчин төгөлдөр холбогдох хууль, журмын дагуу Монгол Улсад бүртгэгдсэн эмийг л хэрэглэх боломжтой. Хепатитийн С вируст халдварыг эмчлэх рибавирин, интерференц эмүүд бүртгэгдсэн байдаг. Сүүлийн үед дэлхийн зах зээлд шинээр нийлүүлэгдэж буй, эмчилгээний 90 гаруй хувийн өндөр үр дүнтэй эмүүдээс АНУ-ын Гилеад Сайнс компанийн хепатит С вирусийн халдварыг эмчлэх Совалди® (Софосбувир 400мг), Харвони® (Софосбувир 400мг/Ледипасвир 90мг) эмийг 2015 онд Монгол Улсад бүртгээд байна.

-Хепатит С вирусийн халдварыг эмчлэх ямар эмийг сонгох вэ?

-Дээр дурдсан эмнэлэгт зөвхөн мэргэшсэн эмч хийсэн үзлэг, лабораторийн болон бусад шинжилгээг үндэслэн таныг хепатитийн С вирусийн халдвартай эсэхийг, мөн эмчилгээ хийлгэх шаардлагатай эсэхийг тогтоохыг анхааруулж байна. Эмчийн дүгнэлтийг үндэслэн эмчилгээ хийлгэх эсэхийг зөвхөн өвчтөн та өөрөө шийдвэрлэх эрхтэй. Гэхдээ хепатитийн С вирусийн халдварыг эмчлээгүй тохиолдолд элэгний хатуурал, хорт хавдар зэрэг амь насанд аюултай өвчин үүсэх магадлалтайг санах хэрэгтэй.

Монгол Улсад бүртгэлтэй Совалди® (Софосбувир 400мг), Харвони® (Софосбувир 400мг/Ледипасвир 90мг) эмийн талаарх харьцуулсан танилцуулгыг дараах хүснэгтээр хүргэж байна.


Эмнэлэгт зөвхөн эмчийн үзлэг, лабораторийн болон бусад шинжилгээ хийгдэж, эмчилгээний талаар зөвлөгөө өгч, хяналтыг тавих ба аливаа эмч, эмнэлэг хепатитийн С вируст халдварыг эмчлэх эмийг олгож, худалдахгүйг анхаарна уу.

-Хепатитийн С вируст халдварыг илрүүлэх шинжилгээг хаана хийлгэх вэ?

-Дээр дурдсан эмнэлгүүдийн лабораториудад шинжилгээг хийлгэж болно. Гэвч зарим төрийн болон хувийн хэвшлийн эмнэлгийн лабораторид шинжилгээг хийх тоног төхөөрөмж байхгүй байгаа болно. Халдварт өвчин судлалын үндэсний төвөөс хепатитийн С вируст халдварыг илрүүлэх, эмчилгээний явцад хийх шаардлагатай шинжилгээг хийх чадавх бүхий лабораторийн талаарх бүрэн мэдээллийг олон нийтэд хүргэх болно.
Тайлбар: Дээрх тооцооллыг Монгол банкны 2015 оны 07 дугаар сарын 08-ны өдрийн Долларын ханшаар /1ам доллар=1967 төгрөг/ гаргав. Эмчилгээнд хамрагдах үеийн долларын ханшнаас хамаарч монгол төгрөгөөр тооцсон үнэд зөрүү гарч болохыг анхаарна уу.
-Эмийг хэзээнээс, хаанаас авч болох вэ?
-АНУ-ын Гилеад Сайнс компанийн албан ёсны борлуулагч “Омбол” ХХК эм хангах нийлүүлэх байгууллага нь нь Совалди, Харвони эмийг өөрийн эмийн сангуудаар болон улсын эмнэлгүүдийн эмийн сангуудаар дамжуулан олгохоор төлөвлөж байгаа ба сургалтад сууж гэрчилгээ авсан төрийн өмчит болон хувийн эмнэлгийн эмч нарын бичсэн цахим жорын дагуу эмийг олгоно. Эдгээр эмүүд нь “Хүртээмж” хөтөлбөрийн хүрээнд дэлхийн зах зээл дахь үнээс маш хөнгөлөлттэй үнээр нийлүүлэгдэж байгаа тул эм олголт, тараалт, нийлүүлэлт нь тусгай горимын дагуу явагдана.
-Совалди (Софосбувир 400мг) шахмал эмийг 6 дугаар сарын 15-ны өдрөөс эхлэн Улаанбаатар хотын Чингэлтэй дүүргийн 3 дугаар хороо, худалдааны гудамж, Монфа төвийн 3 давхарт байрлах Омбол ХХК-ийн “Календула” эмийн сангаар борлуулж байна.
-Харвони (Ледипасвир 90мг/Софосбувир 400мг) шахмал эм нь Монгол улсад 2015 оны 10 дугаар сарын төгсгөлд нийлүүлэгдэх урьдчилсан төлөвлөгөөтэй байна. Тус эмийг манай улсад нийлүүлэгдэхээс өмнө Улаанбаатар хот, орон нутагт ямар эмийн сангаас авч болохыг Омбол ХХК-аас тусгайлан мэдээлнэ.
-Мөн Совалди (Софосбувир 400мг), Харвони (Ледипасвир 90мг/Софосбувир 400мг) эмийг борлуулахтай холбоотой мэдээллийг Омбол ХХК-аас авна уу. Холбогдох утас: 11-316428, 99090732, 99817738
-Хепатитийн С вирүст халдварын оношилгоо, эмчилгээний талаарх лавлагааг хаанаас авч болох вэ?
-Халдварт өвчин судлалын үндэсний төв нь улсын хэмжээнд эмч, мэргэжилтнийг мэргэжил арга зүйгээр хангах, оношилгоо, эмчилгээг хянах, мэдээллийн нэгдсэн сан үүсгэх эрх, үүрэг бүхий байгууллага бөгөөд цаашид дээрх бүх үйл ажиллагааг гардан хариуцах болно. Тиймээс элэгний С вируст халдварын эмчилгээ, оношлогооны талаар лавлаж тодруулах зүйлээ Халдварт өвчин судлалын үндэсний төвийн 454921, 99150594 дугаарын утсанд холбогдож асууна уу.



 ЭРҮҮЛ МЭНД, СПОРТЫН ЯАМ

 ХАЛДВАРТ ӨВЧИН СУДЛАЛЫН ҮНДЭСНИЙ ТӨВ
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2017-01-02 2916
БОЭТ-ИЙН ХҮҮХДИЙН ТАСАГТ ШААРДЛАГАТАЙ ТОНОГ ТӨХӨӨРӨМЖ ОЛГОЛОО

БОЭТ-ийн Хүүхдийн тасгийн ачаалал өндөр байгаа тул аймгийн Засаг дарга захирамж гаргаж тус тасагт шаардлагатай ...

2014-10-06 1438
Удирдлагын академийн элсэлтийн шалгалт явагдлаа

Удирдлагын академийн төрийн удирдлагын менежерийн сургалтад элсэхээр 20 хүн, бизнесийн удирдлагын менежерийн ...

2016-02-29 1000
Иргэдэд гэр бүлийн боловсрол олгох сургагч багш бэлтгэгдлээ

Сум, багийн болон ЕБС-ийн нийгмийн ажилтан 45 хүнийг 3 үе шаттай сургалтад хамруулж сургагч багшийн гэрчилгээ ...

Цахим төрийн үйлчилгээ


Сурталчилгаа

 

 

 

 

📝Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн тухай хуулийн төслийг Улсын Их Хурлын 2020 оны 01 дүгээр сарын 30-ны өдрийн чуулганы нэгдсэн хуралдаанаар хэлэлцэн баталсан билээ. 📜Аймаг, нийслэл, сум, дүүргийн иргэдийн Төлөөлөгчдийн Хурлын сонгуули

2020-09-15 955

ЭМНЭЛЭГ, ЦАГДАА, ОНЦГОЙ БАЙДЛЫН ГАЗРЫН АЛБАН ХЭРЭГЦЭЭНД ТОНОГ ТӨХӨӨРӨМЖ ГАРДУУЛАН ӨГЛӨӨ

2020-09-15 485

ЧАНАРЫН УДИРДЛАГЫН ТОГТОЛЦООНЫ ISO 9001:2015 ОЛОН УЛСЫН СТАНДАРТЫГ НЭВТРҮҮЛСЭН БАЙГУУЛЛАГЫГ ШАЛГАРУУЛЛАА

2020-09-24 358

ГАМШГААС ХАМГААЛАХ КОМАНД ШТАБЫН СУРГУУЛЬ ЗОХИОН БАЙГУУЛАГДЛАА

2020-09-14 285

АЖИЛ ГҮЙЦЭТГЭГЧ КОМПАНИЙН ТӨЛӨӨЛЛҮҮДТЭЙ УУЛЗЛАА

2020-09-15 244

КАНАД УЛСЫН ЭЛЧИН САЙД ЭРДЭНЭТ ХОТОД АЖИЛЛАЛАА

2020-09-15 162

УРЬДЧИЛАН СЭРГИЙЛЭХ ҮЗЛЭГТ ОДООГИЙН БАЙДЛААР 2014 ИРГЭН ХАМРАГДААД БАЙНА

2020-09-14 159

УИХ-ЫН ГИШҮҮН Д.БАТЛУТЫН ИРГЭДТЭЙ ХИЙХ УУЛЗАЛТ ҮРГЭЛЖИЛЖ БАЙНА

2020-09-16 141

УИХ-ЫН ГИШҮҮН Д.БАТЛУТ ЖАРГАЛАНТ СУМЫН ИРГЭДТЭЙ УУЛЗАЛТ ХИЙЛЭЭ

2020-09-18 134

ХАВДРЫН ӨВЧНИЙГ ЭРТ ИЛРҮҮЛЭХ ҮНЭ ТӨЛБӨРГҮЙ ҮЗЛЭГ ОНОШИЛГОО ХИЙГДЭНЭ

2020-09-18 118

Веб статистик

Таны IP хаяг: 3.92.74.105
2017-11-30-ний өдрөөс хойш.
  • 26 Онлайн
  • 2719 Өнөөдөр
  • 3084 Өчигдөр
  • 2719 Долоо хоногт
  • 96741 Сүүлийн сард
  • 2743419 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  787

Facebook

Цаг агаар