Санхүүгийн хяналт, аудитын албаны санхүүгийн хяналт шалгалтын ажлын тайлан "24-р цэцэрлэг"

      Орхон аймгийн Баян-Өндөр сумын Баянцагаан багт байрших  24 дүгээр цэцэрлэгийн  2013, 2014 онуудын санхүү аж ахуйн үйл ажиллагаанд санхүүгийн хяналт шалгалт хийж, дүгнэлт   өгөх, илэрсэн зөрчил дутагдлыг арилгуулах, цаашид үүсэх эрсдэлээс урьдчилан сэргийлж, мэргэжил арга зүйн зөвлөлгөө өгөх зорилгоор хяналт шалгалтыг 2015 оны 05 дугаар 01-нээс ажлын 15 хоногийн хугацаанд санхүүгийн хяналт шалгалтын улсын байцаагч Ц. Тэгшжаргал хийж гүйцэтгэлээ. 

       24-р цэцэрлэг нь анх 2011 онд ашиглалтанд орсон ба Баянцагаан багт 31 багш ажилтантай 140 хүүхдийн хүчин чадалтай байгуулагдсан байна. Эдүгээ тус цэцэрлэг нь 12 бүлэгтэй 200 -аад хүүхэд сургуулийн өмнөх боловсрол олгох үйлчилгээг амжилттай зохион байгуулж ирсэн байна.  Шалгалтанд хамрагдсан хугацааны санхүүгийн баримтанд 1-р гарын үсгийг  цэцэрлэгийн  эрхлэгч Ж. Даваасүрэн , 2-р гарын үсгийг нягтлан бодогч Б.Оюунчимэг нар  зурж Төрийн сан банкинд төсвийн  210115201  тоот төгрөгийн, нэмэлт санхүүжилтийн   210015443  тоот  харилцах дансуудаар орлого зарлагын гүйлгээ хийж,  төсөвт хөрөнгийг захиран зарцуулж ирсэн байна.

Тус цэцэрлэг нь 2013 онд улсын төсвөөс 286,735,70 мянган төгрөгийн санхүүжилт батлагдаж, санхүүжилтийг 100 хувь авч, нэмэлт санхүүжилтээр БШУЯамнаас ном хөтөлбөрийн хүрээнд 2,212,41 мянган төгрөг, эцэг эхчүүдээс орсон хандивын орлого 1,941,50 мянган төгрөг, НДСангаас ХЧТАТэтгэмжинд 3,529,43 мянган төгрөг  бусад орлого 12,545,39  мянган төгрөг авч нийт 306,964,43 мянган төгрөг, 2014 онд улсын төсвөөс 303,285,0 мянган төгрөгийн санхүүжилт батлагдаж, санхүүжилтийг 100% хувь авч зарцуулсан ба Засаг даргын нөөц сангаас 1583,2 мянган төгрөг, ДЗОУБайгууллагаас 300,0 мянган төгрөгийн тоног төхөөрөмж, эцэг эхчүүдээс өгсөн хандив тусламжинд 4,439,0 мянган төгрөгийн тусгай зориулалтын материалыг тус тус  бүрдүүлж зарцуулсан байна. 

     Шалгалтаар  илэрсэн зөрчилтэй холбогдуулан дараах зөвлөмж, чиглэл өгсөн. Үүнд:  

1. Хүүхдийн хоолны материалыг бэлтгэхдээ сонгон шалгаруулалтанд ороогүй хувь хүн,  ААН-ээс худалдан авалт хийх  явдлыг таслан зогсоох.

2. Иргэн ААН-ээр ажил, үйлчилгээ гүйцэтгүүлэхдээ гэрээ хийж, гэрээг дүгнэж, хэвших.

3. МУ-ын Засгийн газрын 2011 оны 311 дугаар тогтоолын дагуу дотоод хяналтыг сар улиралаар төлөвлөгөө гарган батлуулж, тайлагнаж хэвших.

4. Байгууллагын веб сайтад худалдан авалт, тендер шалгаруулалтын талаархи материалыг  байршуулж  хэвших.

                                                                                Шалгалтын дүгнэлт

       Тус байгууллагын санхүү аж ахуйн үйл ажиллагааны санхүүжилт, үндсэн үйл ажиллагааны орлогын бүрдүүлэлт, зарцуулалтын ажил гүйлгээг “СТS-5.0” программ ашиглан нягтлан бодох бүртгэлийн заавар журмын дагуу ерөнхий, туслах журнал хөтлөн,  анхан шатны баримтыг бүрдүүлэн, санхүүгийн тайланг үнэн зөв гаргаж, тайлагнан  ажилласан байна.