Нийгмийн хөгжлийн хэлтсийн ажлын мэдээ /2015.06.15-19/

Боловсрол, соёлын талаар:
 
Улсын хэмжээнд  зохион байгуулагдаж буй Элсэлтийн ерөнхий шалгалт 2015 оны 06 сарын 18-ны өдөр эхэлж байгаатай холбогдуулан  бэлтгэл ажлыг ханган ажиллалаа. Элсэлтийн  ерөнхий шалгалт  Баян-Өндөр цогцолбор сургуулийн хичээлийн байранд явагдаж байна.  Улаанбаатар хотоос  ШУТИС-ийн багш Ц.Эрдэнэчимэг, 114 дүгээр сургуулийн багш Д.Сэцэнчимэг нар хариуцан ажиллаж байгаа ба тус газраас БСГ-ын дарга О.Ариунгэрэлт, мэргэжилтэн Ү.Энхням, Л.Очирсүрэн, А.Төгсжаргал, сүлжээний инженер Б.Мөнхзул, ЕБС-иас 52 багш хянагч багшаар ажиллаж байна.   
ДЗОУБ-ын санхүүгийн  ажлын төлөвлөгөөнд тусгуулахаар  СӨБ, ЕБС-ийн хүүхдийн ундны усыг цэвэршүүлэх төхөөрөмж, туршлагын талбайн хүлэмж, сургалтын төвүүдэд шаардлагатай сэдэвт тоглоом, физик, биологи, газарзүйн нэн шаардлагатай байгаа 266 896 000 төгрөгийн сургалтын хэрэглэгдэхүүний саналыг   нэгтгэж  хүргүүллээ.
БМДИ-ээс  2015 оны 06 сарын 15-ны өдрөөс эхлэн  зохион байгуулж буй  сургалтад эхний жилдээ ажиллаж буй багш нар  хамрагдаж байна.  Тус  аймгаас бага ангийн багш 6, биеийн тамирын багш  3, газарзүйн багш 1, математикийн багш  3,  монгол хэл, уран зохиолын багш 2 мэдээлэл зүйн багш  1,  Физикийн багш  1,  түүх нийгмийн ухааны багш 5  цэцэрлэгийн багш  22, технологийн багш 1, англи хэлний багш 4,  нийт 49 багш хамрагдлаа. 
Улсын хэмжээнд  2015 оны үл хөдлөх  түүх, соёл,  дурсгалын тооллогын ажил явагдаж байгаатай холбогдуулан  манай аймгийн тооллогын ажил 2015 оны  06 сарын 16-ны өдрөөс эхлэн явагдаж  байна. 
 
Эрүүл мэнд
1. Аймгийн хэмжээнд 2015 оны 06 сарын 18-ны өдрийн байдлаар халууралт тууралттай халдвартай 194 тохиолдол бүртгэгдэн, Халдвартын тасагт 17 улаан бурхан өвчтэй хүн эмчлэгдэж байгаа бөгөөд улаан бурханы өвчлөлд 16-42 насны залуучууд 57.1 хувь, 0-1 насны хүүхэд 23.8 хувь, 26-42 насны иргэн  17.1 хувь, 2-8 насны хүүхэд 1.9 хувь бүртгэгдсэн  байна. Тухайлбал оюутан 27.2 хувь,  гэртээ байдаг бага  насны хүүхэд 26.2 хувь, ажилтай  иргэн  21.9 хувийг эзэлж байна. Улаанбурханы өвчлөл тохиолдлын  хувьд 16-25 насны залуучууд болон вакцин тарих нас хүрээгүй бага сартай хүүхдүүд өвчлөх эрсдэл өндөр байна. Улаанбурхан өвчнөөр өвчилсөн оюутнуудын 96.3 хувь нь Улаанбаатар хотод сурдаг оюутнууд байна.  
2015-06-15-ны байдлаар улаанбурхан өвчнөөр 8-15 насны хүүхдүүдийн  өвчлөл бүртгэгдээгүй байгаа  тул  хүүхдийн зуслангийн үйл ажиллагааг 2015 оны 06 дугаар сарын 20-ны өдрөөс эхлүүлэх бэлтгэл ажлыг хангах, мэргэжлийн байгууллагын өгсөн зөвлөмжийн дагуу дараах арга хэмжээ авч ажиллахыг Янзага, Найрамдлын Эрдэнэс зуслангийн захиргаанд үүрэг өглөө.  Хэвлэлийн бага хурал хийж нийтэд мэдээлсэн.
Мөн Аймгийн Мэргэжлийн хяналтын газар, Эрүүл мэндийн газраас хүүхдийн зуслангийн үйл ажиллагаанд хяналт тавьж,  мэргэжил арга зүй, заавар, зөвлөмжөөр ханган  ажиллах үүрэг өглөө. Янзага зусланд ажиллах эмч, ажилтан нарт халдвар хамгаалал, улаан бурхан өвчины талаар авах арга хэмжээний талаар ЭМГ-аас сургал зохион байгуулсан.
2.Орон нутгийн төсвийн тодотголоор батлагдсан БОЭТ-ын хагалгааны тасагт ариутгалын автоклав/иж бүрдэл/, Гэмтлийн тасагт хэрэглэгдэх түгжээст хадаас, ЭХО аппарат, БОЭТ-ын хэвлийн хөндийн дурангийн мэс засалд шаардлагатай төхөөрөмжийн техникийн тодорхойлолт, тавих шаардлага, үнийн судалгааг гарган Худалдан авах ажиллагааны албанд хүргүүлэв.
 
Хүүхэд, гэр бүлийн хөгжил, биеийн тамир, спортын талаар:
1. Залуучуудын хөгжлийн төвийн  Залуучуудын зөвлөлийн хурлыг хийж, зохион байгуулалт үйл ажиллагааны явц, цаашид хийх ажлуудын талаар санал солилцож, “Гэмт хэргээс урьдчилан сэргийлэх” сургалтыг зохион байгууллаа. 
Хүүхдийн хөдөлмөрийн эсрэг дэлхийн өдөрт зориулан хөдөлмөр эрхлэгч хүүхдүүдэд “Хүүхдэд аюултай ажил”  сургалт, шатар даам, гүйлт, дууны тэмцээн зохион байгуулж, давхардсан тоогоор  76 хүүхэд, Зорилтот бүлгийн иргэдэд эерэг хандлага бий болгох, харилцах ур чадварт суралцах сургалт зохион байгуулж, 32 хүн хамрагдлаа.
Жаргалант сумын хурдан морь уяaч иргэд, уралдаанч хүүхдүүдэд "Уралдаанч хүүхдийн аюулгүй байдалд уяaчид, эцэг эх, асран хамгаалагчдын үүрэг хариуцлага" сэдэвт сургалт ярилцлагыг хйиж  63 хүн оролцлоо.
Аймгийн хэмжээнд үйл ажиллагаа явуулж буй цахим тоглоомын 18 газарт МХГ, ЦГ, ОБГ-тай хамтран хяналт шалгалт хийлээ. 
2. Хөгжлийн бэрхшээлтэй иргэдийн дунд зохион явуулсан волейболын аймгийн аварга шалгаруулах тэмцээн болж
БТСГ-ын “А” зааланд зохиогдон 8 багийн 64 тамирчин оролцлоо.
     
  
3. Шагайн харвааны насанд хүрэгчдийн улсын аварга шалгаруулах тэмцээн 06 дугаар сарын 12-14-нд Улаанбаатар хотод зохиогдон 71 багийн 690 гаран харваачид оролцлоо. Л.Анхбат тэргүүнтэй харваачид оролцож УБҮ-ийн ажилтан А.Отгон-Эрдэнийн баг 3-р байр эзэлж “Монгол улсын гарамгай мэргэн” цол хүртсэн.
4. Үндэсний сурын эрэгтэй багийн Улсын аварга шалгаруулах тэмцээн 06 дугаар сарын 13-14-нд Улаанбаатар хотод зохиогдон Ш.Даваахүү тэргүүнтэй 3 багийн 36 тамирчин оролцож багийн дүнгээр Хангарьд спорт клубын баг тамирчид түрүүлж тэмцээний аварга боллоо.
 
Нийгмийн хамгаалал, хөдөлмөрийн чиглэлээр:
Хүн амын хөгжил, нийгмийн хамгааллын төсвийн ерөнхийлөн захирагч болон Орхон аймгийн Засаг даргын хооронд хөтөлбөрийн хэрэгжүүлэлт санхүүжилтийн талаар 2015 оны байгуулсан гэрээний эхний хагас жилийн тайланг гаргаж Хүн амын хөгжил, нийгмийн хамгааллын яаманд  хүргүүллээ.
Нийгмийн халамужийн тухай хуульд заасны дагуу зорилтот 8 бүлгийн төсөлд 9950,0 мян/төгрөгийг нийгмийн халамжийн сангаас дэмжсэн. 8 бүлэгт ахмад настан 7, хөгжлийн бэрхшээлтэй иргэн 9,  нийт 16 иргэн хамрагдсан байна. 
“Зөв харилцаа-Амжилтын үндэс” сургалтыг НХҮХ-ийн мэргэжилтнүүдэд доктор н.Алтанцоож  хийсэн.
Хөгжлийн бэрхшээлтэй хүмүүсийн “MONGOLIA TRY-2015” аялалыг Орхон аймагт явуулах бэлтгэл ажлын төлөвлөгөө, хөтөлбөрийг батлуулан бэлтгэлийг хангаж байна. “MONGOLIA TRY-2015 “ аялалын товч танилцуулахад 1970-аад оноос дэлхийн улс орнуудад эхэлсэн хөгжлийн бэрхшээлтэй хүмүүсийн эрхийн төлөөх хөдөлгөөн маш олон арга хэлбэрээр явагдаж, тэр хирээрээ өөрчлөлтийг бий болгосоор ирсэн. Үүний нэг нь 1986 онд Японд эхэлсэн “TRY”  хэмээн нэрлэх хүнд хэлбэрийн хөгжлийн бэрхшээлтэй хүмүүсийн оролцоотой аяллын хэлбэрээр зохион байгуулагдах нөлөөллийн үйл ажиллагаа юм. Тус үйл ажиллагаа нь 2007 оноос эхлэн Азийн орнуудыг ч хамарч 2 жил тутамд аль нэг улсыг сонгон тогтмол давтамжтай явуулах болсон. Тухайлбал 2001 онд “ASIA TRY” Япон, Солонгосд хамтран хийгдэж, 2007 онд “ASIA TRY in Кorea”, 2009 онд  “ASIA TRY in Taiwan”, 2011 онд “ASIA TRY in Моngolia 2011” үйл ажиллагааны эрхийг авч амжилттай зохион байгуулсан.
Уг үйл ажиллагаа нь маш том эерэг өөрчлөлтийг дагуулсан томоохон арга хэмжээ болдог.Энэ удаа хөгжлийн бэрхшээлтэй хүмүүсийн бие даан амьдрах үзэл санааг төр, нийгэмд таниулах, хэрэгжүүлэх түүнд хөгжлийн бэрхшээлтэй хүмүүсийн оролцоог хангах, хөгжлийн бэрхшээлтэй залуус өөрсдийн чадвар боломжийг харуулах зорилгоор “Монгол TRY -2015” нөлөөллийн аялалыг зохион байгуулахаар төлөвлөсөн юм байна. 2011 оны аялалаар Азийн 6 орны төлөөлөл 30 гаруй залуус манай аймагт ирж 2 өдрийн арга хэмжээ зохион байгуулсан. Энэ удаагийн аялал нь Улаанбаатар-Дархан-Эрдэнэт-Сэлэнгэ-Улаанбаатар гэсэн маршрутаар явагдах юм байна.
Хөдөлмөрийн хэлтсээс Хүүхдийн хөдөлмөрийн эсрэг Дэлхийн өдрийг тохиолдуулан дээрх Говил багт байрлах хогийн цэг дээр амьдрах өрхүүдийн хүүхдүүдэд очиж сургалт, сурталчилгаа, тэмцээн, хүүхдийн хөдөлмөрийн эсрэг нөлөөллийн ажлуудыг хийлээ.  Хогийн цэг дээр байгаа хүүхдүүдийг бүртгэж авсанаас нийт 2 сартайгаас 17 насны 30 хүүхэд Үүнээс: Сургуулийн насны 18 хүүхэд,  сургууль завсардсан 2 хүүхэд байна.
 
Ирэх 7 хоногт хийгдэх ажил
 

Хариуцах агентлаг

Хийгдэх ажил

Хийгдэх газар, хугацаа

1

НХҮХ

Вэбд суурилсан Онлайн систем ашиглах сургалт

НХҮХ-ийн сургалтын танхим

YI/24,25,26

2

НХХ

Хөгжлийн бэрхшээлтэй хүмүүсийн “MONGOLIA TRY-2015” аялалын үйл ажиллагааны нээлт

Амарын талбайд

YI/25

10.00 цагт

3

НХҮХ

Булаг, Баянбулаг багийн хүнс тэжээлийн үйлчилгээнд хамрагддаг иргэдэд сургалт зохион байгуулах

НХҮХ-ийн сургалтын танхим

YI/19

 

4

Хөдөлмөрийн хэлтэс

Нээлттэй өдөрлөг зохион байгуулагдана.

Амарын хөшөөний урд

06 сарын 23

10:00-15:00

5

ЭМГ

- Хүүхдийн зусланд ажиллах ажилтануудыг эрүүл мэндийн үзлэгт хамруулах, халдварт өвчнөөс сэргийлэх, халдвар хамгааллын сургалт зохион байгуулах

- Янзага зуслангийн үйл ажиллагаанд   хяналт хийх

Долоо хоногтоо

6

БСГ

Суурь боловсролын  шинэчилсэн хөтөлбөрийг хэрэгжүүлэх, бэлтгэлийг хангах ажлын хүрээнд БМДИ-ээс зохион байгуулагдах сургалтанд   хамрагдана. 

2015 оны 06 сарын 22-25-ны өдрүүдэд

7

БТСГ

Уулын дугуй сонирхогчдын аймгийн аварга шалгаруулах тэмцээн Спорт амралтын хүрээлэнгийн гадна талбайд зохиогдоно. 

06 сарын 21-нд

8

БТСГ

Үндэсний сурын улсын аварга шалгаруулах тэмцээн Спорт амралтын хүрээлэнгийн сурын талбайд болно.

06 сарын 20-21-нд

9

БТСГ

Дархан-Уул, Сэлэнгэ, Булган, Хөвсгөл, Орхон зэрэг аймгийг хамарсан Гал унтраах техникийн олон төрөлт спортын бүсийн аварга шалгаруулах тэмцээн зохион байгуулагдана.

06 сарын 19-20-нд

10

ХГБХХ

Оюутны дэмжих бүлгийнхэнд зориулсан “Гэр бүл төлөвлөлтийн тухай” сургалт, “Хүчирхийллийн эсрэг кино хэлэлцүүлэг зохион байгуулах

6-р сарын 25

11

ХГБХХ

Залуучуудын хөгжлийн төвийн ээжүүдийн дэмжих бүлгийнхэнд “Сонингоор сагс сүлжих” сургалт,  хөгжлийн бэрхшээлтэй болон ажил эрхэлдэггүй залуучуудын дэмжих бүлгийн уулзалт

6-р сарын 22-24

12

ХГБХХ

“Миний гэр бүл” хөгжил, дэвшил хөтөлбөрийн ажлын албаны гишүүдийн төлөвлөлтийн хурал хийх бэлтгэл хангах

6-р сарын 23

13

Хэлтсийн ажилтнууд

Хагас жилийн тайлан мэдээгээ гаргах

Долоо хоногийн турш


Хэлтсийн мэдээлэл
Элсэлтийн ерөнхий шалгалт 6-р сарын 18, 20, 21-ны өдрүүдэд Баян-Өндөр цогцолбор сургуулийн хичээлийн 1-р байранд явагдлаа. Улаанбаатар хотоос ШУТИС-ийн багш Ц.Эрдэнэчимэг, 114 дүгээр сургуулийн багш Д.Сэцэнчимэг нарын бүрэлдэхүүнтэй комисс ирж, хариуцан ажиллаж, БСГ болон ерөнхий боловсролын сургуулиудаас 52 багш хянагч багшаар ажилласан.    
Хөгжлийн бэрхшээлтэй иргэдийн дунд волейболын улсын аварга шалгаруулах тэмцээн болж 6-р сарын 19-20-ны өдрүүдэд болж, нийт 10 аймгийн баг тамирчин оролцсон. 
Шагайн харвааны насанд хүрэгчдийн улсын аварга шалгаруулах тэмцээн 6-р сарын 12-14-нд Улаанбаатар хотод зохиогдон, 71 багийн 690 гаран харваачид оролцсоноос УБЭҮ-ийн ажилтан А.Отгон-Эрдэнэ “Монгол улсын гарамгай мэргэн” цол хүртсэн.
Хөгжлийн бэрхшээлтэй хүмүүсийн “MONGOLIA TRY-2015” аялалыг Орхон аймагт явуулах бэлтгэл ажлын төлөвлөгөө, хөтөлбөрийг батлуулан бэлтгэлийг хангаж байна. 1986 онд Японд эхэлсэн TRY хэмээх хүнд хэлбэрийн хөгжлийн бэрхшээлтэй хүмүүсийн оролцоотой аялал юм. 2011 оны аялалаар Азийн 6 орны төлөөлөл 30 гаруй залуус манай аймагт ирж, 2 өдрийн арга хэмжээ зохион байгуулж байсан. Энэ удаагийн аялал нь Улаанбаатар-Дархан-Эрдэнэт-Сэлэнгэ-Улаанбаатар гэсэн маршрутаар явагдах юм байна.
Хэлтсийн ажилтнууд хагас жилийн тайлан мэдээ гаргах, орон нутгийн төсөвт батлагдсан хөрөнгө оруулалтын ажлуудын техникийн тодорхойлолтыг гаргах ажлууд хийж байна.
 

 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-02-01 1340
Тээвэр, авто замын чиглэлээр: 2015 оны 01 сарын 26-наас 30

Нутгийн захиргааны байгууллагуудаас иргэдэд үзүүлэх төрийн үйлчилгээг түргэн шуурхай болгох талаар ...

2013-12-25 2115
Шинэ жилийн баяр, Цагаан сарын баяраар хүнс үйлдвэрлэгч, худалдан борлуулагч аж ахуйн нэгж иргэдэд өгөх зөвлөмж

1. Эрүүл мэндийн үзлэгт бүрэн хамрагдсан шинжилгээний хавсралттай дэвтэртэй байх 2. Хүнсний бүтээгдэхүүнийг ...

2014-11-04 1512
“Нийгмийн Түншлэлийн Сүлжээ” ТББ-ын Орхон аймгийн салбарын тухай

Орхон аймагт 1999 оноос үйл ажиллагаа нь эхэлж, Нийгмийн ажилтан бэлтгэх 2 жилийн сургалтад Д.Сайнбилэг, ...

Сурталчилгаа

 

 

 

Веб статистик

Таны IP хаяг: 35.175.113.29
2017-11-30-ний өдрөөс хойш.
  • 8 Онлайн
  • 841 Өнөөдөр
  • 1940 Өчигдөр
  • 9766 Долоо хоногт
  • 41232 Сүүлийн сард
  • 2038774 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  748

Facebook

Цаг агаар