Байгаль орчны газрын 7 хоногийн мэдээ 2015.05-18-22

1.Аймгийн хэмжээнд устгах шаардлагатай химийн бодисын бүртгэлд  хамрагдсан 373 нэр төрлийн 6863 кг хуурай бодис, 29 нэр төрлийн 135,64 л шингэн бодис байгаагаас эхний ээлжинд Монгол улсад ашиглахыг хориглосон болон хязгаарласан 5 нэр төрлийн  8 кг 370 гр химийн бодисыг БОНХАЖ-ын яаманд хүлээлгэж өглөө.

2.БОНХАЖЯ-наас зохион байгуулсан “Байгаль хамгаалах нөхөрлөлүүдийн үндэсний чуулган”-ыг угтсан өдөрлөг, “байгаль хамгаалах нөхөрлөлүүдийн үндэсний чуулган”-д Орхон аймгаас ойн санг гэрээгээр эзэмшиж байгаа 9 нөхөрлөл, байгаль орчны салбарын 5 ажилтан албан хаагчид  оролцлоо.

3.БОНХАЖ-ын сайдын 2015 оны 01 албан даалгаварын дагуу байгууллагдсан ажлын хэсэгт ойгоос мод бэлтгэх тогтоол шийдвэр, хууль бус мод бэлтгэлтэй тэмцэх ажлын төлөвлөгөөний  хэрэгжилт, ой хээрийн түймэртэй тэмцэх ажлын төлөвлөгөө, түүний хэрэгжилт зэрэг холбогдох бичиг баримтуудыг шалгууллаа.

4.Сум дундын ойн анги Жаргалант сумын Бааст амны ойн сангийн 20 га талбайд ойжуулалтын ажлыг гүйцэтгэхээр ойн сангийн талбайд цэвэрлэгээний ажлыг зохион байгуулсан байна.

5.Говил багийн нутаг дэвсгэрт хаягдсан барилгын болон химийн бодисын /46 шуудай/хог хаягдлыг  газар дээр нь үзэж танилцсан бөгөөд химийн бодисын нэр төрөл, шинж чанар, эзэн холбогдогчийг нь тогтоохоор холбогдох мэргэжлийн байгууллагуудтай хамтран ажиллаж байна.

6. Голын голдирол дагуу болон Далиу булаг орчимд авто машин угаахыг хориглосон анхааруулга тэмдэгийг байршууллаа.

7.Байгаль хамгаалагчдийн ажлыг шалгах, мэргэжил арга зүйн зөвлөгөө өгөх ажлын хүрээнд батлагдсан удирдамжийн дагуу 2015 оны 05 дугаар сарын 16-17-ний  өдрүүдэд хариуцсан нутаг дэвсгэрээр нь явж заавар зөвлөгөө өгч хамтран ажиллалаа.

 

Ирэх 7 хоногт:

Жаргалант сумын Баастын ойн сангийн 20 га талбайд ойжуулалтын ажлыг гүйцэтгэнэ.