АЙМГИЙН ИТХ-ЫН ЭЭЛЖИТ XXIII ХУРАЛДААН БОЛЛОО

Аймгийн ИТХ-ын ээлжит XXIII хуралдаан өнөөдөр хуралдаж 4 асуудал хэлэлцлээ.

2015 оныг үйлдвэрлэл, үйлчилгээг дэмжих жил болгон зарлалаа

Аймгийн ИТХ-ын ээлжит XXIII хуралдаанаар 2015 оныг Орхон аймгийн хэмжээнд “Үйлдвэрлэл, үйлчилгээг дэмжих жил” болгох зорилт дэвшүүллээ. Уг асуудлыг аймгийн засаг дарга С.Дангаасүрэн танилцуулж хэлэлцүүлэв. Мөн  “Үйлдвэрлэл, үйлчилгээг дэмжих жил” болгох зорилтын хүрээнд  хэрэгжүүлэх арга хэмжээний төлөвлөгөөг баталж хэрэгжилтийг Аймгийн Иргэдийн Төлөөлөгчдийн хурлын Тэргүүлэгчдэд тайлагнахыг аймгийн Засаг дарга С. Дангаасүрэнд даалгалаа. 

 Аймгийн Нутгийн удирдлагын шалгуур үзүүлэлтийг дүгнэлээ

Орхон аймгийн Нутгийн удирдлагын үйл ажиллагааны үр дүнгийн шалгуур үзүүлэлтүүдийг нэгтгэн дүгнэх тухай Аймгийн ИТХ-ын дарга Б.Мягмарсүрэн танилцуулж хэлэлцүүлээ. Нутгийн удирдлагын үйл ажиллагааг Нутаг дэвсгэр, байгаль орчны үзүүлэлт,  Санхүү, эдийн засгийн үзүүлэлтүүд, Дэд бүтцийн үзүүлэлт, Нийгэм, хүн амзүйн үзүүлэлт, Удирдлага зохион байгуулалт, эрх зүйн үзүүлэлт гэсэн үндсэн 5 үзүүлэлтээр дүгнэж хэлэлцлээ. Аймгийнм ИТХ-ын 2014 оны ээлжит XVIII хуралдаанаар баталсан энэхүү үйл ажиллагааны шалгуур үзүүлэлт нь 5 бүлэг 65 үзүүлэлтээс бүрдэж байгаа юм. Ийнхүү нийт 65 шалгуур үзүүлэлтийн 40 нь буюу 61.7 хувь нь эерэг, 18 нь буюу 27.6 хувь нь сөрөг үзүүлэлттэйгээр дүгнэгдэж 7 нь буюу 10.7 хувь нь цаг хугацааны болон бусад хүчин зүйлтэй холбоотойгоор энэ удаа дүгнэгдээгүй байна.  

                                    Журам батлахыг хойшлууллаа

Барилга угсралтын үйл ажиллагаанд хөдөлмөрийн аюулгүй байдал, эрүүл ахуйн шаардлага хангах асуудлуудыг зохицуулах нийтлэг журам батлах тухай асуудлыг Газрын харилцаа, Барилга, Хот байгуулалтын газраас оруулж хэлэлцүүллээ. Хуралдаанаар асуудлыг хэлэлцээд уг журмыг дахин боловсруулах шаардлагатай гэж төлөөлөгчдийн олонхи нь үзсэнээр энэ асуудлыг буцаалаа.

Байгаль хамгаалах, нөхөн сэргээх арга хэмжээний 2015 оны төсөл  хөтөлбөрийг баталлаа.

Байгаль хамгаалах, нөхөн сэргээх арга хэмжээний 2015 оны төсөл  хөтөлбөр, үйл ажиллагааны зардлын төсөв батлах тухай  асуудлыг хэлэлцлээ. Аймгийн ЗДТГ-ын Хөгжлийн бодлогын хэлтсийн дарга Г.Батдэлгэр асуудлыг хуралдаанд танилцуулж хэлэлцүүлсэн бөгөөд энэ асуудалтай холбогдуулан Байгаль орчин, Аялал жуулчлалын газрын дарга Х.Машбат болон бусад албаны хүмүүс хуралдаанд оролцож төлөөлөгчдийн асуултанд хариулт өглөө.  Байгаль хамгаалах, нөхөн сэргээх арга хэмжээний 2015 оны төсөл хөтөлбөр, үйл ажиллагааны жагсаалт, зардлын төсвийг хуралдаанаар баталж төсөл хөтөлбөр, үйл ажиллагааны зардлын зарцуулалтанд хяналт тавьж ажиллахыг Аймгийн Засаг дарга С.Дангаасүрэнд үүрэг болголоо.

 

 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2018-04-02 1374
2014-2017 ОНД ҮЙЛДВЭРЛЭЛИЙН 63 ОСОЛ БҮРТГЭГДЖЭЭ

2014-2017 оны хооронд аймгийн хэмжээнд үйлдвэрлэлийн осол 63, мэргэжлээс шалтгаалах өвчний тохиолдол ...

2014-09-08 2645
Өнөөдөр номин “NB” TY-HD телевизийн хамт олон Гандан Шаддүвлин хийдэд Ганжуур ном хурууллаа.

Өнөөдөр номин “NB” TY-HD телевизийн хамт олон 10-н жилийн ойгоо тохиолдуулан Орхон аймгийн ...

2016-11-30 4065
Ц.ДАВААЦЭРЭН ЕРӨНХИЙ ЗАХИРЛЫН ТАМГАА ХҮЛЭЭЛГЭН ӨГЛӨӨ

Сүүлийн дөрвөн жилийн хугацаанд “Эрдэнэт үйлдвэр” ХХК-ийн Ерөнхий захирлын албыг хашсан Ц.Даваацэрэн ...

Сурталчилгаа

 

 

 

Веб статистик

Таны IP хаяг: 35.173.57.84
2017-11-30-ний өдрөөс хойш.
  • 29 Онлайн
  • 2320 Өнөөдөр
  • 5721 Өчигдөр
  • 22103 Долоо хоногт
  • 68522 Сүүлийн сард
  • 2066064 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  749

Facebook

Цаг агаар