МАНЖУУР ХОТТОЙ НӨХӨРСӨГ ХАРИЛЦАА ТОГТООЛОО

  

    БНХАУ-ын Өвөр Монголын өөртөө засах орны Манжуур хот болон Орхон аймаг, Эрдэнэт хотын хооронд нөхөрсөг хотуудын харилцааг байгуулах Санамж бичигт гарын  үсэг зурах албан ёсны арга хэмжээ 4-р сарын 2-нд Манжуур хотод боллоо. Хоёр хотын хооронд нөхөрсөг харилцаа тогтоох албан айлчлалаар манай талаас Аймгийн ИТХ-ын дарга Б.Мягмарсүрэн, Аймгийн Засаг даргын орлогч Д.Энхбат, Аймгийн ИТХ-ын тэргүүлэгч, Хот тохижуулах газрын дарга Р.Рагчаа, Аймгийн ИТХ-ын тэргүүлэгч Д.Баярмагнай, төлөөлөгч Т.Оюунцэцэг, Аймгийн ЗДТГ-ын Гадаад харилцааны бодлого, зохицуулалт хариуцсан мэргэжилтэн Ц.Ганбаяр  нарын албаны хүмүүс Манжуур хотод ажилласан бөгөөд энэ үеэр хамтран ажиллах Санамж бичигт гарын үсэг зурсан нь албан айлчлалын гол үр дүн байлаа.

 


     Санамж бичигт Орхон аймгийг төлөөлж Аймгийн ИТХ-ын дарга Б.Мягмарсүрэн, Манжуур хотыг төлөөлж тус хотын намын хорооны дарга Хан Шанжүнь нар гарын үсэг зурсан бөгөөд энэ арга хэмжээнд зохион байгуулагч талаас Манжуур хотын Ардын хурлын орлогч дарга Жао Чиншань, хотын дарга Ян Бө, хотын гадаад харилцааны газрын дарга Цүй Янь Хуа болон тус хотын Хот бүтээн байгуулалтын газрын дарга , Соёл, радио телевизийн газрын дарга, Биеийн тамир, спортын газрын дарга зэрэг албаны хүмүүс оролцлоо.
    Монгол улс, БНХАУ-ын хооронд 1994 онд байгуулсан “Найрсаг харилцаа, хамтын ажиллагааны тухай гэрээ”, 2013 онд үзэглэсэн “Монгол Хятадын стратегийн түншлэлийн харилцааг хөгжүүлэх дунд, урт хугацааны хөтөлбөр”-ийг тус тус үндэслэн Эрдэнэт хот болон Манжуур хотын хооронд найрсаг харилцаа, хамтын ажиллагааг тогтоон, өргөжүүлэн хөгжүүлэх зорилгоор энэхүү Санамж бичгийг үйлдсэн бөгөөд уг санамж бичигт:
1. Талуудын албан ёсны төлөөлөгчдийг тогтмол солилцох, нутгийн удирдлага, захиргааны байгууллагуудын харилцан туршлага судлахад дэмжлэг үзүүлэх
2. Эдийн засаг, худалдааны хамтын ажиллагааг бүх талаар хөгжүүлэх, хамтын хөрөнгө оруулалт хийх аж ахуйн нэгж байгууллагыг дэмжих
3. Талуудын харилцан тохиролцсоны үндсэн дээр хот байгуулалт, хот тохижилт, цэцэрлэгжүүлэлт, ногоон байгууламжийн талаар хамтарч ажиллах
4. Хоёр хотын хооронд соёл урлаг, боловсрол, эрүүл мэнд, аялал жуулчлалын салбарт хамтын ажиллагааг тогтоох үүднээс байгууллага, иргэдийн хооронд хамтын ажиллагааг бүхий л талаар дэмжлэг үзүүлэх гэсэн гэсэн асуудлуудыг тусгажээ.
     Санамж бичигт туссан эдгээр чиглэлүүдийн дагуу хамтран ажиллах гэрээ байгуулах албан уулзалтыг энэ онд Орхон аймагт зохион байгуулахаар болсон бөгөөд хоёр хотын хамтын ажиллагааны гэрээг Орхон аймгийн засаг дарга, Манжуур хотын дарга нар үзэглэнэ.

    Манжуур хот нь БНХАУ-ын ӨМӨЗО-ны зүүн хойд хэсэгт байрладаг бөгөөд Монгол, Орос, Хятад 3 улсын хиллэсэн хуурай газрын хамгийн том боомт хот юм. Нийт 732 км² нутаг дэвсгэртэй, 300-аад мянган хүн амтай Манжуур хотын төмөр замын ачаа эргэлт жилдээ 70 сая тонн, авто замын ачаа эргэлт 6 сая тонн. 2010 онд Манжуур хотыг БНХАУ-аас тусгайлан дэмжиж хөгжүүлэх 4 хотын нэгээр тодруулан төрийн бодлогоор дэмжиж, аялал жуулчлал, хилийн худалдааны боомт хотын чиглэлээр хөгжүүлж байгаа бөгөөд манай улсын Улаанбаатар хот, Хэнтий,Дорнод, Сүхбаатар аймгуудтай харилцаа, хамтын ажиллагаатай хот юм.

     Орхон аймаг, Эрдэнэт хот БНХАУ-ын ӨМӨЗО-ны Ордос, Бугат, Эрээн гэсэн 3 хоттой нөхөрсөг харилцаатай байсан бол 4 дэх хот нь Манжуур болж байна.

 

 

 

Эх сурвалж: ith-orhon.mn

 

 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-12-29 1492
Дайчдад лекц уншлаа

Монгол улс Үндэсний тусгаар тогтнолоо сэргээн мандуулсны 103 жилийн ойд зориулж аймгийн ЗДТГ-ын дарга ...

2014-04-12 1123
ЮниГаз хийн түлшний шинэ станц Орхон аймагт нээлтээ хийнэ

2014 оны 4 дүгээр сарын 11-ний өдрийн 12:00 цагт Эрдэнэт хотын Хивсний үйлдвэрийн баруун талд “ЮниГаз” ...

Сурталчилгаа

 

 

 

Веб статистик

Таны IP хаяг: 34.229.131.116
2017-11-30-ний өдрөөс хойш.
  • 13 Онлайн
  • 776 Өнөөдөр
  • 899 Өчигдөр
  • 3090 Долоо хоногт
  • 31915 Сүүлийн сард
  • 1979147 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  742

Facebook

Цаг агаар