Дотрын тасгийн салбар эмнэлэг нээлтээ хийлээ

       Гэр хорооллын иргэдэд эмнэлгийн үйлчилгээг ойртуулах зорилгоор  Дэнж багт БОЭТ-ийн дотрын тасгийн салбар байгуулагдаж нээлтээ хийлээ.  40 ортой энэхүү эмнэлэг ирэх 7 хоногт хэвтэн эмчлүүлэгчдээ хүлээж авах юм байна. БОЭТ-ийн дотрын тасагт 32 жилийн турш хийгдээгүй их засварын ажил хийгдэж, шал хана таазнаас эхлээд цахилгаан сантехникийн засвар, сувилагчийн болон эрчимт эмчилгээний өрөөнүүдэд бүрэн хэмжээний засвар хийгдсэнээр хэвтэн эмчлүүлэгчдийн сэтгэл ханамж сайжирсан байдаг.

     Тэгвэл дотрын тасгийн уламжлалын тасаг иргэддээ хүрч үйлчлэх үүднээс  Дэнж багт шинэ салбар эмнэлгийн нээлтээ өнөөдөр хийлээ. Тус салбар эмнэлэг 40 ортойгоор үйл ажиллагаагаа эхлүүлж хэвтэн эмчлүүлэгчдээ хүлээн авахад бэлэн болсон байна. Уламжлалт эмчилгээний тасаг гэдгээрээ уламжлалт эмчилгээ болон зүү тавих, хануур төөнүүр хийх, шавар эмчилгээний аргуудыг хослуулан эмчлэх юм байна.  3 эмч, 6 сувилагчтай үйл ажиллагаагаа эхлүүлж байгаа тус эмнэлэг тоног төхөөрөмж болон ажиллах боловсон хүчин гээд аль ч талаараа бусад эмнэлгүүдээс илүү давуу хүчин чадалтай гэдгийг их эмч нь онцлон хэлж байсан. Мэргэжлээрээ олон жил ажилласан дадлага туршлагатай чадварлаг эмч, сувилагч нартай эмнэлэг ирэх даваа гарагаас хэвтэн эмчлүүлэгчдээ хүлээн авч эхлэх юм байна. Дотрын тасаг нь БОЭТ-ийн хамгийн том тасаг бөгөөд 64 ор, 20 гаруй эмч сувилагчидтайгаар үйл ажиллагаагаа явуулдаг, жилдээ 2500 орчим иргэдэд үйлчилдэг ихээхэн ачаалалтай тасаг юм. Ор хүрэлцдэггүйн улмаас хэвтэн эмчлүүлэхийг хүссэн өвчтөнүүд дугаарлан хүлээх хэрэгтэй болдог байсан. 40 ортой ийм эмнэлэг нээгдэж байгаа нь хамгийн их ачаалалтай ажилладаг БОЭТ-ийн дотрын тасгийн ачааллыг ч багасгаж өгч байгаа юм байна.
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2013-09-16 1197
Ахмадын амралт ажиллаж эхэлнэ.

Зуны наран зундаа дулаахан. Намрын наран ч бас намартаа дулаахан. Намрын шар наран дор налайн суух настан ...

2013-11-05 1592
Хууль зүйн хэлтсээс мэдээлж байна.

Аймгийн эдийн засаг, нийгмийг 2014 онд хөгжүүлэх үндсэн чиглэлд санал өгөх ажлыг зохион байгуулж саналыг ...

2014-06-27 1183
ХӨРӨНГӨ ОРУУЛАЛТААР ХИЙГДЭЖ БУЙ АЖЛУУД

2014 оны 06-р сарын 16-наас 22-ны хооронд хийгдсэн хөрөнгө оруулалтын санхүүжилт олгосон байдал.

Сурталчилгаа

 

 

 

Веб статистик

Таны IP хаяг: 34.204.178.160
2017-11-30-ний өдрөөс хойш.
  • 19 Онлайн
  • 987 Өнөөдөр
  • 1600 Өчигдөр
  • 6456 Долоо хоногт
  • 2587 Сүүлийн сард
  • 2212216 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  755

Facebook

Цаг агаар