ХАНГАЙН БҮСИЙН БАГШ НАРЫН УР ЧАДВАРЫН УРАЛДААН БОЛЛОО

   

  Хангайн бүсийн Мэргэжлийн сургуулиудын багш нарын дунд хэрэгжүүлж буй “БАГШ” хөтөлбөрийн хүрээнд Харилцааны чиглэлийн хичээл зааж буй багш нарын дунд  “Заах аргын ур чадварын уралдаан” 11 дүгээр сарын 27-28-ны өдрүүдэд Архангай аймагт зохион байгуулагдлаа.
   Тус ур чадварын уралдаанд Архангай, Өвөрхангай, Хөвсгөл, Булган, Орхон аймгуудад үйл ажиллагаа явуулдаг МСҮТ-ийн багш нарын төлөөлөл оролцсон. Архангай аймгийн “Тамир” телевиз  хичээл зааж буй багш бүрийн үйл ажиллагааг шууд нэвтрүүлэн, бичлэгийг DVD-д буулгаж хамтран ажилласан нь онцлогтой байсан. Заах аргын ур чадварын уралдаанд МУБИС-ийн Архангай аймаг дахь Багшийн сургуулийн Сурган, заах аргазүйн тэнхимийн докторант  Ц.Баярчулуун, Б.Гэсэрмаа, БАЗТ-ийн аргазүйч Б.Мядагбадам нар шүүн явууллаа.
     Багш нарын заах аргын уралдаанд Орхон ХАА-н МСҮТ-ийн багш Намуунцэцэг тэргүүн байр, Архангай аймаг дах МСҮТ-ийн багш Тунгалагтамир 2-р байр, Хөвсгөл аймаг дахь МСҮТ-ийн багш Ганцэцэг 3-р байрыг тус тус эзэллээ.
    Түүнчлэн энэ үеэр зохион байгуулагдсан нэг сонирхолтой уралдаан бол “Багш” хөтөлбөрийн хүрээнд Авто засвар мэргэжлийн багш нарын дунд ажил мэргэжлийн ур чадварын уралдааныг зохион байгууллаа. Хангайн бүсийн арга зүйн төв болон Архангай аймаг дахь  МСҮТ-өөс хамтран зохион байгуулсан “Автомашины засварчин” мэргэжлийн багш нарын дунд явуулсан мэргэжлийн ур чадварын уралдаан Архангай аймгийн “Мастер сүлжээ” автозасварын газарт зохион байгуулагдсан.


    Багш нарын дундах тэмцээнийг мэргэжлийн онолын мэдлэг тестээр 20 оноо, жолоодлогын ур чадварыг Авто дромын 4 үйлдэл хийлгэж 20 оноо, мэргэжлийн ур чадварыг  автомашины цахилгаан тоноглолын  эд ангиудын ажиллагааг шалгах, оношлох ажилбар хийлгэж 60 оноогоор буюу нийт 100 оноогоор дүнгэнэлээ. Тэмцээний нийлбэр дүнгээр Архангай аймаг дахь МСҮТ-ийн багш А.Ариунбаяр тэргүүн байр, Орхон аймаг дахь “Эрдэнэт” МСҮТ-ийн багш Б.Батболд 2-р байр, Хөвсгөл аймаг дах МСҮТ-ийн багш Н.Энхболд 3-р байр тус тус эзэллээ.
    Түүнчлэн “Зөв хүн ” суралцагч хөтөлбөрийн хүрээнд 2014-2015 оны хичээлийн жилд Хангайн бүсийн МСҮТ-ийн суралцагчдын дунд зохион явуулсан шатар, 100 буудалт даамны анхдугаар тэмцээнзохион байгуулагдсан. Тэмцээнд эрэгтэй шатар, эмэгтэй даамын төрлөөр тойргийн журмаар явагдсан.
      Ерөнхий шүүгч шатарын спортын мастер Б.Ганбаатар, шүүгч багш О.Сайхан, Б.Баттулга нар ажиллаа.
    Шатарын төрөлд Булган аймаг дахь МСҮТ-ийн Компьютер мэргэжлийн оюутан Г.Одонгарав нэгдүгээр байр, Архангай аймаг дах МСҮТ-ийн Гагнуурчин мэргэжлийн оюутан Б.Дорждэрэм 2-р байр, Хөвсгөл аймаг дах МСҮТ-ийн оюутан Э.Амарбаяр 3-р байрыг тус тус эзэлсэн.
    Зуун буудалт даамны төрөлд Архангай аймаг дахь МСҮТ-ийн Тогооч мэргэжлийн оюутан Р.Мөнхжаргал тэргүүн байр, Булган аймаг дахь МСҮТ-ийн Гоо засалч мэргэжлийн оюутан Х.Мөнхгэрэл хоёр дугаар байр, Архангай аймаг дахь “Дэдбүтэц” МСҮТ-ийн Барилгын засал чимэглэлчин мэргэжлийн оюутан С.Атарцэцэг нар гуравдугаар байрт тус тус шалгарлаа.
   Авто засварчин мэргэжлээр суралцаж буй оюутнуудын дунд “Миний мэргэжил сайхан” ур чадварын уралдаан мөн зохион байгуулагдсан бөгөөд мэргэжлийн онолын мэдлэг тестээр 40 оноо, мэргэжлийн ур чадварыг 20 минутын дотор автомашины явах эд ангиудыг задлах, шалгах, эргүүлэн угсрах ажилбар хийлгэж 60 оноогоор буюу дүгнэлээ. Энэхүү ур чадварын уралдаанд Өвөрхангай аймаг дахь МСҮТ-ийн оюутан Л.Дорждэрэм 93 оноогоор тэргүүн байр, Хөвсгөл аймаг дахь  МСҮТ-ийн оюутан Э.Төмөрчөдөр 92 оноогоор хоёр дугаар байр, Архангай аймаг дахь МСҮТ-ийн оюутан Б.Алтан-Эрдэнэ 91 оноогоор гуравдугаар байр эзэлсэн амжилт гаргалаа.



     



 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2013-06-11 1143
Төрийн үйлчилгээг нээлттэй ил тод болгох чиглэлээр олон шинэлэг ажлууд зохион байгуулагдлаа

Бид иргэдийнхээ санал бодлыг сонсох, иргэдийн өмнө тулгамдаж байгаа асуудлыг шуурхай шийдвэрлэх зорилгоор ...

2018-10-02 1920
ХУДАЛДАН АВАХ АЖИЛЛАГААГААР МЭРГЭШҮҮЛЭХ СУРГАЛТАД УРЬЖ БАЙНА

Орхон аймгийн Орон нутгийн өмчийн газар нь 2018 оны 10 дугаар сарын 6-7-ний өдрүүдэд Худалдан авах ... ...

2015-09-09 1002
ХЭЛМЭГДЭГСДИЙН ДУРСГАЛЫГ МАРГААШ ХҮНДЭТГЭНЭ

Улс төрийн талаар хэлмэгдэгсдийн дурсгалыг хүндэтгэх өдөр болох гэж байгаатай холбогдуулан Аймгийн

Цахим төрийн үйлчилгээ


Сурталчилгаа

 

 

 

 

Веб статистик

Таны IP хаяг: 3.237.254.197
2017-11-30-ний өдрөөс хойш.
  • 18 Онлайн
  • 758 Өнөөдөр
  • 2150 Өчигдөр
  • 758 Долоо хоногт
  • 82350 Сүүлийн сард
  • 2833248 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  790

Facebook

Цаг агаар