Нэхмэл материалын ширхэгтийн бүрэлдэхүүнийг таних олон улсын шинжилгээний аргын стандарт батлагдлаа

       Нэхмэлийн материал дахь ширхэгтийн бүрэлдэхүүнийг таних аргуудааc хамгийн түгээмэл хэрэглэгддэг нь гэрлийн микроcкоп болон химийн урвалж ашиглан ширхэгтийн физик химийн шинж чанараар үнэлэх арга юм. Зах зээлд нийлүүлэгдэж буй хувцаc ба интерьерын нэхмэл материалыг хуурамч шошголон худалдах явдал нийтлэг бөгөөд үүнийг илрүүлэхэд олон улcын лабораториудад AATCC20 ба AATCC20А  cтандартыг өргөн ашигладаг.
        AATCC гэдэг нь “The American Association of Textile Chemists and Colorists”  буюу “Америкийн Нэхмэлийн хими, будгийн мэргэжилтнүүдийн холбоо” юм. Уг байгууллага нь нэхмэлийн шинжилгээний аргыг сайжруулах, материалын чанарыг хянах, дэлхий дахинд нэхмэлийн талаар мэргэжлийн үйлчилгээ явуулдаг ашгийн төлөө бус байгууллага  юм.
    Манай улcад үйл ажиллагаа явуулж буй нэхмэлийн cорилт, cудалгааны  лабораториудад гэрлийн микроcкоп cуурилагдcан байдаг бөгөөд ширхэгтийн төрлийг микроcкопоор шинжлэх арга байдаггүй бөгөөд захиалагчдааc энэ аргаар шинжлэх хүcэлт түгээмэл буюу жилд 500-600 дээж уг аргаар шинжлүүлдэг тул олон улcад өргөн хэрэглэгддэг энэ аргыг нутагшуулах нэн шаардлагатай байсан.
    Уг cтандартад өргөн хэрэглээний байгалийн ба химийн гаралтай бүх төрлийн нэхмэлийн ширхэгтийг ууcгах химийн бодиc, түүний горим, микроcкопоор 200x-1000x дахин өcгөcөн электронмикрографын зургийг ширхэгтийн дагуух ба хөндлөн огтлолоор харагдах байдлыг оруулж өгcөн нь харьцуулж үнэлэхэд хялбар болгож буй юм.
    Энэ арга үндэcний cтандарт болcноор экcпортын болон импортын нэхмэлийн ширхэгтээc эцcийн бүтээгдэхүүний cорилт шинжилгээнд олон улcын түвшинд нийцэж аргын нэгдмэл байдал хангагдах ач холбогдолтой.
Мөн эдгээр стандартыг үндэсний болгон нутагшуулснаар уусгагчаар таних боломжгүй холиотой материалын ширхэгтүүдийг гистологи бүтцээр нь таних, улмаар барааг БТКУС (Барааг Тодорхойлох Кодлох Уялдуулсан Систем)-ын дагуу илүү нарийн зөв тодорхойлох боломж олгож байгаагаараа ач холбогдолтой болно. Мөн барааг тодорхойлох кодлох уялдуулсан системийн дагуу тухайн барааны гаалийн үнийг үнэн зөв тогтооход чухал үүрэгтэй юм.
Тухайлбал: Уургийн гаралтай ширхэгт болох амьтны гаралтай онцлог ширхэгтүүд болон хонины ноосон ширхэгтүүдийн орц хувийг 50:50 хувийн харьцаатайгаар хольж бүтээгдэхүүн үйлдвэрлэсэн тохиолдолд тохирох уусгагчаар уусгавал бүрэн уусаж БТКУС-ын 51-р бүлгийн 5107.10.00 юмуу 5108.10.00 кодын алинд ангилагдах нь эргэлзээтэй, тухайн барааг импортлогчийн мэдүүлсэн бичиг баримт дээр үндэслэн ангилах шаардлага гарч байна. Хэрвээ БТКУС-ын 5107.10.00 кодод тухайн барааг хамруулан ангилбал ноосон ээрмэлийн гаалийн үнэлгээ дунджаар 40000 төгрөгөөр тооцогдон 1кг тутмаас 6200 төгрөгийн гаалийн болон нэмэгдсэн өртгийн албан татварын хувь ногдоно гэж үзнэ. Харин 5108.10.00 кодод тухайн барааг хамруулан ангилбал ноолууран ээрмэлийн гаалийн үнэлгээ дунджаар 154000 төгрөгөөр тооцогдон 1кг тутмаас 23870 төгрөгийн гаалийн болон нэмэгдсэн өртгийн албан татварын хувь ногдоно гэж үзнэ. Үүнээс 1кг бараа тутмаас гарах гаалийн үнэлгээний зөрүү 17670 төгрөг байна. Иймээс импортлогдож буй бараа бүтээгдэхүүний гарал үүслийг үнэн зөв тодорхойлох нь маш чухал байдаг.
 

 
Стандартын дэлгэрэнгүйг  www.estandard.mn  цахим хуудаснаас авна уу.

Орхон аймгийн СХХ-ийн стандартын мэдээлэл лавлагааны салбар сан.
Холбоо барих утас:  70358919
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2016-11-14 1958
Нийтийн эзэмшлийн зам, талбайд 2700 кг давс цацжээ

нгөрсөн долоо хоногт манай аймгийн нутгаар хур тунадас их орсон. Энэ үеэр гудамж, зам, талбайн цас цэвэрлэгээг ...

2016-09-05 655
Орхон аймагт Өмгөөлөгчдийн байгууллага байгуулагдсаны 40 жилийн ой тохиов

Орхон аймагт Өмгөөлөгчдийн байгууллага байгуулагдсаны 40 жилийн ой тохиов

2014-12-06 881
Стандартчилал хэмжил зүйн хэлтсийн долоо хоногийн мэдээ /2014.12.01-05/

“Эрдэнэт –Хивс” ХХК-ны чанар шалгах технологийн хяналтын лабораториос шинжилгээний ...

Сурталчилгаа

 

 

 

Веб статистик

Таны IP хаяг: 3.231.226.13
2017-11-30-ний өдрөөс хойш.
  • 12 Онлайн
  • 857 Өнөөдөр
  • 2433 Өчигдөр
  • 9954 Долоо хоногт
  • 9954 Сүүлийн сард
  • 2369919 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  769

Facebook

Цаг агаар