БАЙГАЛЬ ОРЧНЫ ЧИГЛЭЛЭЭР ӨНГӨРСӨН ДОЛОО ХОНОГТ /2014.06.16-20/

  1.Эрдэнэт хотын орчимд хуримтлагдсан эзэнгүй хог хаягдлын цэвэрлэгээний явцтай холбогдох багийн Засаг дарга нарыг байлцуулан газар дээр нь танилцаж, ажлын үр дүнг шалгалаа. Судалгаагаар тогтоогдсон хог хаягдал хуримтлагдсан 35 цэгээс Шанд, Яргуйт, Даваат, Булаг, Оюут, Дэнж, Эрдэнэ багийн нутаг дэвсгэрт бүртгэгдсэн хог хаягдлыг бүрэн цэвэрлэж, багийн засаг дарга нарт хүлээлгэж өгөөд байна.

 2.Эрдэнэт хотын агаарын чанарыг сайжруулах хязгаарлалтын бүс, бүсэд мөрдөх журмын төслийг аймгийн ИТХ-ын нэгдсэн хуралдаанаар хэлэлцүүлэхээр ИТХ-ын ажлын албанд хүргүүллээ.
 3.Аймгийн ГХБХБГ-аас шарил чандарлах байгууламж, авто сервис, хүүхдийн цэцэрлэг байгуулахаар зарлаж буй төсөл сонгон шалгаруулалтын төлөвлөсөн газрын байршилд мэргэжлийн байгууллагын санал гаргаж хүргүүллээ.
 4.Аймгийн Засаг даргын 2014 оны А/244 дугаар захирамжаар тогтоосон цэгт нийт 5040м3 барилгын суурь шороо асгаж, нөхөн сэргээх ажлыг гэрээний дагуу 4 аж ахуйн нэгж, 1 иргэнээр гүйцэтгүүлж, хяналт тавин ажиллаж байна.

5.Аймгийн эдийн засаг,нийгмийг хөгжүүлэх үндсэн чиглэл, Засаг даргын үйл ажиллагааны хөтөлбөрийг хэрэгжүүлэх  арга хэмжээний төлөвлөгөөний 2014 оны эхний хагас жилийн  биелэлтийн тайланг гаргаж  ХБХэлтэст хүргүүллээ.