“ФОРУМ” НЭЭЛТТЭЙ ХЭЛЭЛЦҮҮЛЭГ БОЛЛОО

 ИРГЭДИЙН ХЯНАЛТ ЧУХАЛ   Аймгийн ИТХ-аас бүх багийн иргэдийн дунд зохион байгуулдаг “Форум” нээлттэй хэлэлцүүлэг  2 газар зохион байгуулагдлаа. Өглөө 9 цагаас Баянцагаан, Малчин багийн иргэдийг хамруулсан хэлэлцүүлэг Баянцагаан багийн Соёлын төвд боллоо. Хэлэлцүүлэгт Аймгийн ИТХ-ын дарга Б.Мягмарсүрэн, Аймгийн ИТХ-ын тэргүүлэгч, Хот тохижуулах газрын дарга Р.Рагчаа болон Аймгийн ЗДТГ-ын хэлтэс, газруудын мэргэжилтнүүд оролцлоо. Баянцагаан, Малчин багийн иргэд хог ачилт, авто зам, нийтийн тээвэр, орон сууцны дээврийн засвар, малын хулгай зэрэг олон асуудлаар саналаа хэлж холбогдох албаны хүмүүсээс хариулт авлаа. Иргэдийн ярьсан онцлох нэг асуудал нь 1А хорооллын орон сууцны барилгын ажлыг хийхээр ирсэн хятад иргэдтэй холбоотой байлаа. Баянцагаан багийн иргэд, ялангуяа хүүхдүүд хотын төв рүү алхаж орох, буцаж харих тохиолдол их байдаг. Яг замд нь 1А хорооллын ажил эхэлж байгаа бөгөөд уг барилга дээр ажиллахаар ирсэн хятад иргэдээс үдэш оройн цагаар болгоомжилж, хүүхдүүддээ санаа зовох болсон талаар эцэг эхчүүд нь ярьж байна. Боломжтой бол энэ хэсэгт эргүүл хамгаалалтыг сайжруулж өгөхийг хүсч байлаа. Энэ асуудлыг багийн засаг дарга нь анхаарч хууль хяналтын болон бусад байгууллагатай хамтран ажиллах чиглэлийг Аймгийн ИТХ-ын дарга өглөө. 


     Энэ жил сум хөгжүүлэх сангийн хөрөнгө оруулалтаар Баянцагаан багт тодорхой бүтээн байгуулалтын ажил хийгдэнэ гэдгийг Хотын захирагчийн албаны мэргэжилтэн мэдэгдсэн. Тухайлбал, 145.9 сая төгрөгийн өртөгтэй гудамжны гэрэлтүүлгийн ажил Баянцагаан багт хийгдэнэ. Дулааны цахилгаан станцын шугамаас халаалтаа авдаг айлуудын халаалтын доголдлыг арилгах үүднээс дулаан дамжуулах төв байгуулахаар болсон зэрэг мэдээллүүдийг өглөө. Улсын болон орон нутгийн хөрөнгө оруулалтаар хийгдэж байгаа гудамжны гэрэлтүүлэг, орон сууцны дээврийн засвар зэрэг бүтээн байгуулалт, засвар үйлчилгээний ажлуудын гүйцэтгэлд иргэдийн зүгээс анхаарлаа хандуулж хяналт тавьж байх нь зүйтэй гэдгийг Аймгийн ИТХ-ын дарга Б.Мягмарсүрэн энэ үеэр онцоллоо.

     Дараагийн хэлэлцүүлэг Аймгийн ИТХ-ын дэргэдэх Иргэний танхимд болсон бөгөөд Зэст, Оюут, Уурхайчин, Хүрэнбулаг, Бүрэнбүст, Согоот зэрэг орон сууцны хорооллын багуудын иргэд оролцлоо. Хэлэлцүүлэгт дээрх албаны хүмүүсээс гадна Аймгийн ИТХ-ын тэргүүлэгч Д.Баярмагнай, Д.Доржпүрэв, Т.Соёл-Эрдэнэ нар оролцож иргэдийн санал хүсэлтийг сонслоо. Энэ үеэр орон сууцны дээврийн засвар, замын өргөтгөл, засвар шинэчлэлийн ажил, автомашины зогсоол, СӨХ-дын үйл ажиллагаа зэрэг олон асуудал хөндөгдсөн.

     Тендерээр ажил авсан компанийн гүйцэтгэл чанарын шаардлага хангахгүй байгаа асуудал ч энд яригдсан. Нэг талаас мэргэжлийн байгууллагууд хяналтаа сайн тавьж ажиллах ёстой. Нөгөө талаас иргэдийн анхаарал, хяналт бас чухал байгааг хурлын дарга сануулж хэллээ. Иргэд өөрсдийн юмаа хийлгэж байгаа сэтгэлээр хандаж, ажлын гүйцэтгэлд алдаа дутагдал байвал холбогдох байгууллагад мэдэгдэж засч залруулах арга хэмжээ авахуулах хэрэгтэй. Мэргэжлийн байгууллагын хяналтаас гадна иргэдийн хяналт чанга байвал чанаргүй гүйцэтгэл үгүй болно гэдгийг онцоллоо.



  Эх сурвалж: ith-orhon.mn

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-04-30 1145
АЙМГИЙН ИТХ-ЫН ЭЭЛЖИТ XXIII ХУРАЛДААН БОЛЛОО

Аймгийн ИТХ-ын ээлжит XXIII хуралдаан өнөөдөр хуралдаж 4 асуудал хэлэлцлээ.

2016-11-22 1480
Орхон аймагт цагаанаар зудархуу байдал үүсэхэд ойрхон байна

Орхон аймгийн Ус цаг уур, орчны шинжилгээний албаны дарга С.Отгонбаатар цаг үеийн асуудлаар мэдээлэл ...

Цахим төрийн үйлчилгээ


Сурталчилгаа

 

 

 

 

Веб статистик

Таны IP хаяг: 3.237.254.197
2017-11-30-ний өдрөөс хойш.
  • 29 Онлайн
  • 741 Өнөөдөр
  • 2150 Өчигдөр
  • 741 Долоо хоногт
  • 82333 Сүүлийн сард
  • 2833231 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  790

Facebook

Цаг агаар