“Хүүхдийн эрх 2014” уулзалт-зөвлөгөөн болж байна

      “Хүүхдийн эрх гэдэг бол төрөхөөс заяагдсан  үндсэн хэрэгцээ юм” гэж ХАХНХЯ-ны ХГБХХ /Хүүхэд гэр бүлийн хөгжлийн хэлтэс/-ийн дарга Х. Баавгай Олон улсын хүүхдийн эрхийг хамгаалах өдөр Орхон аймагт нээлтээ хийж буй  “Хүүхдийн эрх-2014” уулзалт, зөвлөгөөн дээр  онцлон тэмдэглэв. Чухам уг хэрэгцээг тасралтгүй хангахад төр засаг, нийгмийн анхаарлыг чиглүүлж, тулгамдсан асуудлыг хэлэлцэж, хүүхдүүдийнхээ үгийг  сонсох зорилгоор УИХ-ын даргын ивээл дор Хууль зүйн яам, ХАХНХЯ, Орхон аймгийн ЗДТГ хамтран зохион байгуулж буй уг уулзалт зөвлөгөөнд 13 аймаг, 6 дүүргийн 1000 хүүхэд оролцож  байна.  Хэрвээ  өчигдөр болсон Эрдэнэтийн 1000 хүүхдийн бишгүүрийн үзүүлбэрийг тооцвол уг уулзалт зөвлөгөөнд нийт 2000 хүүхэд оролцож байгаа юм. Хүүхдийн өөрийнх нь оролцоогүйгээр хүүхдийн эрхийг хамгаална гэдэг нь өрөөсгөл. Чухам “Оролцож байж хөгжинө, эрхээ хамгаалуулна”  гэдэг дээр онцгой өргөлт өгч байгаагаар “Хүүхдийн эрх-2014” уулзалт зөвлөгөөний ач холбогдол тодорхойлогдож байна. 
   “Хүүхдийн эрх-2014” уулзалт зөвлөгөөнийг нээж Орхон аймгийн ЗДТГ-ын дарга В. Сумъяасүх хэлсэн үгэндээ  “Орхон аймаг хүүхдийн эрхийг хамгаалах тал дээр онцгой анхаарал тавин ажилласны үр дүнд  тэнэмэл хүүхэдгүй аймаг болсон”-ыг  зарлан бусад аймаг, сумдууд ч Орхон аймгийн туршлагыг ажил хэрэг болгоно гэдэгт итгэж байгаа илэрхийлэв.
   Төрийн сүлд дуулал эгшиглүүлж, УИХ-ын дарга З. Энхболдын уулзалт, зөвлөгөөнд амжилт хүсэн ирүүлсэн мэндчилгээг зөвлөх Ц. Буянцогтоо нь дуулгасны дараа ЦЕГ-ийн дэд хурандаа Ц. Алтанхуяг, Орхон аймгийн ЗДТГ-ын хуулийн хэлтсийн дарга Б. Батхуяг нар төлөөлөгч хүүхдүүдэд баяр хүргэн, илтгэл тавилаа.
“Хүүхэд амьдрах, эрүүл байх, аюулгүй орчинд амьдрах, хамгаалуулах эрхтэй. Хамгаалуулах гэдэг нь хүчирхийлэлд өртөхгүй байх, дарамт шахалтгүй байх, мөлжлөгөөс ангид байх, ялгаварлан гадуурхагдахгүй байх ёстой гэсэн үг “ гэдгийг ХАХНХЯ-ны ХГБХХ-ийн дарга Х. Баавгай хүүхдүүдийн сэтгэлд хоногштол энгийн атлаа ойлгомжтойгоор тайлбарласан төдийгүй Монгол улсын Засгийн газар хүүхдийн эрхийг тунхаг бус бодит ажил хэрэг хэрэг болгохын тулд 2014 оны 06-р сарын 01-нээс буюу өнөөдрөөс 108 гэдэг дугаар ажиллуулж эхэлснийг мэдэгдлээ. Суурин болон хөдөлгөөнт утаснаас ярихад ямар ч  үнэ төлбөргүй энэ дугаар луу хүүхдийн эрх зөрчигдсөн талаарх  алив мэдээллийг 24 цагийн турш авах юм байна.
   Хүүхдийг эрхийг хамгаалах олон улсын өдрийг Орхон аймагт ажил хэрэгч, халуун бүлээн, хөөр баяртай тэмдэглэн өнгөрүүлж байна.
 

 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2016-04-25 971
Стандартчилал хэмжилзүйн хэлтсээс тоолуур баталгаажуулж байна

Аймгийн агаарын бохирдлыг бууруулах төлөвлөлтийн дагуу гэр хорооллын айлуудад эрчим хүчний тооцооны 2 ...

2014-01-27 1376
ЭРҮҮЛ МЭНДИЙН ГАЗРЫН 7 ХОНОГИЙН МЭДЭЭ 2014-1-24

• Эрүүл мэндийн газар дээр Ахмадад хүндэтгэл үзүүлэх үйл ажиллагааг зохион байгуулж нийт 63 ахмад ...

2014-08-28 1786
ОРОН СУУЦ,ТҮЛШНИЙ ХӨНГӨЛӨЛТ

Нийгмийн халамж үйлчилгээний хэлтэс орон сууц түлшний хөнгөлөлтийн материал авч эхэллээ.

Сурталчилгаа

 

 

 

Веб статистик

Таны IP хаяг: 3.234.214.179
2017-11-30-ний өдрөөс хойш.
  • 9 Онлайн
  • 461 Өнөөдөр
  • 1838 Өчигдөр
  • 11769 Долоо хоногт
  • 13805 Сүүлийн сард
  • 1895444 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  736

Facebook

Цаг агаар