Цус, цусан бүтээгдэхүүний хангалтыг нэмэгдүүлэх “Амьдрал бэлэглэе” аян

   

Аймгийн Засаг даргын нэрэмжит “Цусаа бэлэглэж бусдыгаа аваръя” аянг 4 дэхь жилдээ зохин байгуулах гэж байна.
    Энэ аяныг  АЗДТГ,ЭМГ, БОЭТ, МУЗН-ийн Орхон аймаг дахь салбар хороо хамтран зохион байгуулж, “Шилжин явах цом” аялуулан, цус цусан бүтээгдэхүүний аюулгүй байдал, хангамжийг сайжруулах, байнгын цусаа бэлэглэдэг донорын ач холбогдлын талаар мэдлэг олгох, донорын сургалтыг  зохион байгуулж байна.
   2013 онд орон нутгийн төсвөөс 2.8 сая төгрөгөөр санхүүжүүлэн явуулын авлагагүй сайн дурын донорыг элсүүлэх, эргэх холбоог сайжруулах, идэвхтэн донорын тоог нэмэгдүүлэхээр төрийн ба төрийн бус  20 албан байгууллагын 932 хүнд сурталчилгааг хийж , явуулын цус цуглуулалтыг 463 донороос цуглуулж,  цусны сорьцыг 100% шинжилгээнд хамруулан шаардлагад нийцсэн 395 донороос  5 нэр төрлийн 189.8 л ЦЦБ үйлдвэрлэсэн. ЦЦБ сэлбэлттэй холбоотой урвал хүндрэл гараагүй ба өмнөх оны мөн үеийн түвшинөөс үйлдвэрлэлийн  цус цусан бүтээгдэхүүний  нийт хэмжээ 6,6 литрээр, 2 нэр төрлөөр нэмэгдэж , нөөц хангалт 5,5 л, зохистой хэрэглээний хувь 8%-иар дээшилсэн үр дүнд хүрсэн.

 

 

 

 

 

 

 


   
                       АЖ, АХУЙН НЭГЖ, БАЙГУУЛЛАГУУДЫН ДУНД ”ЦУСАА БЭЛЭГЛЭЖ БУСДЫГАА   
                  АВАРЪЯ”  АЙМГИЙН ЗАСАГ ДАРГЫН НЭРЭМЖИТ ЦОМ АЯЛУУЛАХ АЯНЫ УДИРДАМЖ
Нэг: Зорилго
1. Цусны донорын талаарх үнэн зөв мэдээллээр хангах, донор элслүүлэх ажлыг  2014 оны 03 сарын 15 ний өдрөөс эхлэн 12 дугаар сарын 15-ны өдөр хүртэл төрийн болон төрийн өмчит байгууллага, аж ахуйн нэгж байгууллага, их дээд сургуулиудад байнгын идэвхитэй донортой болгох.
2. Донорын цус цусан бүтээгдэхүүний хангамжийг сайжруулах, аюулгүй байдлыг хангах талаар баримтлах бодлогыг  хэрэгжүүлэх зорилгоор сайн  дурын авлагагүй донорын эгнээг өргөжүүлэх, цусны аюулгүй байдлыг сурталчлах ажилд идэвхтэй оролцуулах.
3. Орхон аймгийн Засаг даргын Монгол улсын төрөөс донорын цус цусан бүтээгдэхүүний хангамжийг сайжруулах, аюулгүй байдлыг хангах талаар баримтлах бодлогыг Орхон аймагт 2011-2015 онд хэрэгжүүлэх үйл ажиллагааны төлөвлөгөө биелүүлэх.
4. 2014 оны “ Бүгдээрээ бэлэглэж бусдыгаа аваръя” уриан дор сайн дураараа олон хүнийг тогтмол цусаа өгч бусдын амьдралыг аврагч болохын чухлыг бүх аж ахуйн нэгж, байгууллагуудад сурталчлан цусны донорыг нэмэгдүүлэхэд оршино.
Хоёр: Зохион байгуулалт
Аян зохион байгуулах бүрэлдхүүн:
1.  А.Өнөржаргал- НХХ-ын эрүүл мэндийн асуудал хариуцсан ажилтан,            
ХДХВ/ДОХ-оос сэргийлэх  үйл ажиллагааг зохицуулах     салбар зөвлөлийн    нарийн бичгийн дарга
2. Г.Баясгалан-ЭМГ-ын Эмнэлгийн тусламжийн хэлтсийн дарга
3.  Д.Тунгалаг-Улаан загалмайн хорооны дарга

4.Б.Батбаяр-БОЭТ-ийн эмчилгээ эрхэлсэн орлогч дарга, цус сэлбэлтийг  зохицуулах салбар зөвлөлийн дарга
5.Ч.Лхамжав-Онцгой байдлын газрын сургалт сурталталчилгаа, мэдээлэл холбоо хариуцсан мэргэжилтэн
Ажлын албаны  үүргийг  БОЭТ-ын  Цусны салбар банк, Улаан загалмайн хороо гүйцэтгэнэ.              
 Гурав: Цом аялах хугацаа
Цомыг хуваарийн дагуу байгууллага бүр тодорхой заасан хугацаанд аялуулна. Аяны хугацаанд өрнүүлсэн хийсэн ажлынхаа тайланг байгууллагууд цом аялах хугацааны эцсийн өдөр цомтойгоо хамт ажлын албанд  гардуулж өгнө.
Дөрөв: Аяныг дүгнэх
1.    Байгууллагынхаа нийт ажилчдын 70 аас доошгүй хувийг цус цусан бүтээгдэхүүний болон донорын талаарх сургалтанд хамруулсан байх.
2.    Байгууллага дээрээ 3-аас доошгүй байнгын донортой болж донороо хадгалах тодорхой ажлыг зохион байгуулахаар төлөвлөгөө гаргаж тушаалаар баталгаажуулсан байх. 
3.    Байгууллага дээрээ эрүүл мэндийн самбартай болж, шинэ доноруудыг хадгалах улмаар байнгын донортой болох зорилгоор тухайн байгууллагын 1 ажилтан донорын сайн дурын  сургагч багшаар бэлтгэгдэнэ.
4.    Байгууллага бүр сургагч багшаараа дамжуулан цусан бүтээгдэхүүний нөөцийг нэмэгдүүлэхэд идвэх санаачлагатай ажиллаж хийсэн ажлын тайлангаа  коммист ирүүлнэ.
5.    Их дээд сургууль дээр аянг өрнүүлэхдээ дээрх үзүүлэлтүүдээс гадна сургууль бүр залуу донор 25 клубыг байгуулж байнгын ажиллагаатай болгох.
Тав. Аяны болзол
Донор сурталчлах, донорын эгнээг өргөжүүлэх үйл ажиллагаанд бусдыгаа хошуучлан идэвхтэй оролцсон байгууллагыг алдаршуулан байр эзлүүлэн дүгнэнэ. Аян бүтэн жилээр үргэлжлэх ба  12  дугаар сарын 25 нд дүгнэж дүнг гаргана.
 




 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-11-03 843
Аврагч-гал сөнөөгч Абу Дабигийн жү-до бөхийн "Их дуулга" тэмцээний -90 кг жинд зодоглон түрүүллээ

Тус аймгийн Онцгой байдлын газрын Гал унтраах, аврах 56 дугаар ангийн аврагч-гал сөнөөгч Лхагвасүрэнгийн ...

2018-02-04 14456
ОРХОН АЙМАГТ ТӨРИЙН БАЙГУУЛЛАГААС ОЛГОГДОЖ БУЙ ХӨНГӨЛӨЛТТЭЙ ЗЭЭЛ, САНХҮҮГИЙН ДЭМЖЛЭГҮҮД

ОРХОН АЙМАГТ ТӨРИЙН БАЙГУУЛЛАГААС ОЛГОГДОЖ БУЙ ХӨНГӨЛӨЛТТЭЙ ЗЭЭЛ, САНХҮҮГИЙН ДЭМЖЛЭГҮҮД

Сурталчилгаа

 

 

 

Веб статистик

Таны IP хаяг: 35.173.57.84
2017-11-30-ний өдрөөс хойш.
  • 78 Онлайн
  • 6833 Өнөөдөр
  • 2824 Өчигдөр
  • 13379 Долоо хоногт
  • 59798 Сүүлийн сард
  • 2057340 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  748

Facebook

Цаг агаар