Хөгжлийн бодлогын хэлтсээс мэдээлж байна.

Стандартчилалын чиглэлээр: Жргалант суманд ажиллаж байгаа аж ахуйн нэгж, байгууллагуудын хөдөлмөрийн харилцаа, хөдөлмөрийн аюулгүй байдал эрүүл ахуйн хуулийн  үзлэг шалгалтын бүрэлдэхүүнд оролцож ажиллаа. Хүнсний үйлдвэрлэл эрхлэх гэж байгаа 3 аж ахуйн нэгж, хөнгөн үйлдвэрийн 1 аж ахуйн нэгжид холбогдох  стандартын талаар зөвлөгөө өгч, мэдээллээр ханган ажиллаа. Нийт 2 аж ахуйн нэгжид  3 стандартын хангалт хийсэн.

  Жил бүр 10-р сарын 14-нд тэмдэглэн өнгөрүүлдэг “Дэлхийн стандартын өдөр”-ийг угтсан ажлын хүрээнд Орхон аймгийн хэмжээнд чанар, стандартчилал, хэмжилзүйн ажлыг үр бүтээлтэй  явуулж,  Олон улсын чанарын удирдлагын тогтолцооны ISO-9001 стандартыг амжилттай нэвтрүүлж, үр дүнд хүрч байгаа аж ахуйн нэгж, байгууллагуудын чанарын болон хэмжилзүйн  алба, хэсгүүдийн  дунд уламжлал болгон явуулдаг спортын нөхөрсөг  тэмцээнийг зохион байгуулж, чанарын тогтолцоотой байгууллагуудыг сурталчилахаар бэлтгэл ажлуудыг хангалаа.

  “Эрдэнэт-Үйлдвэр” ХХК-аас гаргасан санаачлагыг дэмжин “Дэлхийн стандартын өдөр” явуулах сургалт, семинарын бэлтгэл ажыг ханган, Орхон аймагт үйл ажиллагаа явуулж байгаа аж ахуйн нэгжүүдэд албан бичгээр зар хүргэж, хамтран ажиллах бэлтгэл ажилдаа ороод байна.

  Булаг, Цагаан чулуут багийн айл өрх, аж ахуйн нэгжийн 135ш тоолуур шалгаж баталгаажуулсан, ээлжит баталгаажуулалтын ажил үргэлжлэн хийгдэж байна. “Эрдэнэт-Ус Дулаан Түгээх Сүлжээ” ОНӨХК, “Эрдэнэт-Амьдрал” ОНӨХК-иуд нэгдэж байгаатай холбогдуулан Стандартчилал хэмжилзүйн газраас ирсэн комисстой хамтран, ус ба цахилгааны лабораторийн тусгай зөвшөөрлийн эрхийг шилжүүлэх ажлыг хийж байна. “Эрдэнэт-Ус Дулаан Түгээх Сүлжээ” ОНӨХК-ний харъяа айл өрхийн 12ш цахилгаан хэмжүүр, 180ш усны тоолуурыг тус тус шалгаж, улсын баталгаажуулалтад хамруулав. Мөн Орхон аймгийн хэмжээнд ашиглагдаж байгаа ШТС-уудын ээлжит баталгаажуулалтын ажил эхэлсэн бөгөөд “Петровис” ХХК-ний 6 ШТС-ын 32ш түгээгүүр, “Шунхлай” ХХК-ний 3 ШТС-ын 11ш түгээгүүрийг тус тус улсын баталгаажуулалтад хамрууллаа. “Эрдэнэт-Ус” Дулаан Түгээх Сүлжээ” ОНӨХК-д ашиглагдаж байгаа 8ш даралтын манометр, механикийн төрлөөр 4ш жин тус тус баталгаажуулалтад хамруулж, нийт 382ш хэмжих хэрэгслийг улсын баталгаажуулалтад хамруулаад байна.

Байгаль орчны чиглэлээр: 1.Монгол улсын Ерөнхийлөгчийн 2010 оны 63-р зарлигийн дагуу Аймгийн Засаг даргын 2013 оны А/425 дугаар захирамж, Баян-Өндөр сумын Засаг даргын 647 дугаар захирамж, Жаргалант сумын  Засаг даргын А/166 дугаар захирамжаар байгуулагдсан ажлын хэсгүүд бүх нийтээр мод тарих намрын ажлын бэлтгэлийг хангаж мод тарих ажлыг амжилттай зохион байгууллаа.

2.Байгаль орчин, ногоон хөгжлийн яамнаас төвийн бүсийн 5 аймгуудын дунд зохион байгуулж байгаа “Уур амьсгалын өөрчлөлтийн бодлого, хариу арга хэмжээ” сэдэвт сургалтанд аймгийг төлөөлж 5 хүний бүрэлдэхүүнтэй оролцож байна.

 Байгаль орчны боловсролыг дэмжих жилийн хүрээнд байгаль хамгаалах намрын сарын ажлыг  “Ногоон хөгжил-Бидний ирээдүй” уриан дор зохион байгуулахаар төлөвлөж, аймгийн хэмжээнд хэрэгжүүлэх ажлын төлөвлөгөөг боловсруулан ажиллаж байна.

Хүнс хөдөө аж ахуйн чиглэлээр: 1.“Гурилын үнийг тогтворжуулах” дэд хөтөлбөр 2014 онд үргэлжлэн хэрэгжихээр болсон тул орон нутгийн гурил үйлдвэрлэгчдийг хамруулахаар холбогдох мэдээллүүдийг өгч ажиллав.            

2.Улсын Их Хурлаас баталсан Төрөөс малчдын талаар баримтлах бодлого, “Монгол мал” үндэсний хөтөлбөр, Засгийн газрын тогтоолоор батлагдсан “Хүнсний аюулгүй байдал” үндэсний болон дэд хөтөлбөрийг хэрэгжүүлэх зорилгоор жил бүр “Намрын ногоон өдрүүд” арга хэмжээг зохион байгуулдаг бөгөөд 8 дахь жилдээ энэхүү арга хэмжээг аймгийн Засаг даргын А/468 дугаар захирамжаар 2013 оны 10 дугаар сарын 3 ны өдрөөс 10 дугаар сарын 06 ны өдрийг дуустал “Найрамдал” талбай дээр зохион байгууллаа. Тус үзэсгэлэнд 2 сумдын 6 аж ахуйн нэгж, 70 гаруй ногоочид 13 төрлийн төмс, хүнсний ногоо, 7 төрлийн байгалийн жимс жимсгэнэ, 6 төрлийн модны суулгац, нөөшилсөн хүнсний ногоо зэрэг нийт 160 тонн орчим бүтээгдэхүүнээр оролцов. Мөн зэргэлдээх аймаг, сумдын хамтын ажиллагааны гэрээний дагуу Сэлэнгэ аймгийн Баруунбүрэн сумаас 4 ногоочин оролцсон. Үзэсгэлэнгийн нээлтийн арга хэмжээнд аймгийн ЗДТГазрын холбогдох удирдлага, Сумдын удирдлага, ХХААЖДҮГазрын дарга, мэргэжилтнүүд оролцож үзэсгэлэнтэй танилцан үзэсгэлэнд оролцож буй ногоочидтой уулзаж тэдэнд тулгамдаж буй санал хүсэлтийг нь сонсож харилцан ярилцав. Үзэсгэлэнгийн хугацаанд нийт 30 орчим сая төгрөгийн борлуулалтыг ногоочид хийж, өрхийн орлогоо нэмэгдүүлэв. Тус арга хэмжээний хүрээнд аймгаас ногоочдын борлуулалтыг дэмжих зорилгоор орон нутгийн төсвийн хөрөнгөөр 20 ширхэг иж бүрэн асрыг шийдвэрлэж өгсөн нь ногоочдын талархлыг хүлээсэн үр дүнтэй ажил боллоо. 

3.Архаг халдварт лейкоз, сүрьеэ өвчний шинжилгээг саалийн фермерүүд болон 2 сумын иргэдийн нийт 654 үхэрт хийж лейкоз өвчнөөр эерэг урвал үзүүлсэн 18 дээжийг онош баталгаажуулахаар Улсын мал эмнэлэг ариун цэврийн төв лабораторид явууллаа.

  Аймгийн мал аж ахуйн өвөлжилт, хаваржилтын 2013-2014 оны бэлтгэл хангах ажлын хүрээнд нийт 9500 тн хадлан бэлтгэхээс 9460 тн-ыг бэлтгэн гүйцэтгэл 98%-тай байна. Мөн аймгйин аюулгүй нөөцөд 66 тн,  сумдын аюулгүй нөөцөд 155 тн хадлан бэлтгэхээр төлөвлөснөөс 10 дугаар сарын 9-ны байдлаар аймгийн нөөцөд 45 тн буюу 68,1%-тай сумын нөөцөд 110 тн буюу 71,0%-тай байна. 

  2013 онд аймгийн хэмжээнд 2 сумын 44 аж ахуйн нэгж, байгууллага 1200 орчим айл өрх газар тариалангийн үйлдвэрлэл эрхэлж,  нийт 4892 га-д тариалалт хийхээс 4770,1 га-д тариалж, тариалалт 97.5 хувьтай байна. Үр тариа 3582 га-д, тэжээлийн ургамал 203.5 га-д, тосны ургамал рапс 415 га-д,  төмс 331.1 га-д, хүнсний ногоо 229.5 га-д, жимсний суулгац 9 га-д тус тус тариалж, 3918 га талбайд уринш хийгдсэн байна. Өнөөдрийн байдлаар ургац хураалт улаан буудай 3440 га-аас 6378.8 тонн, тосны ургамал 190 га-аас 168 тонн, тэжээл 133 га-аас 215,5 тонн, төмс 320 га-аас 2814 тонн, хүнсний ногоо 210.883 га-аас 2287.1 тонныг хураан авч, үр тарианы хураалт 96 хувьтай, төмс, хүнсний ногооны хураалт 95 хувьтай байна. 

               

 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-02-12 1323
2015 оны багшлах эрх олгох шалгалтын бүртгэл явагдаж байна

2014 оноос багшийн мэргэжлээр төгсөгчдөөс багшлах эрхийн шалгалтыг авч эхэлсэн. Тодруулбал багш мэргэжлээр ...

2014-07-18 1123
ГЕРМАНЫ ГЕОТЕК КОМПАНИЙН ТӨЛӨӨЛЛИЙГ ХҮЛЭЭН АВЧ УУЛЗЛАА

Байгалийн нөхөн сэргээлтийн чиглэлээр үйл ажиллагаа явуулдаг Германы Геотек компанийн төслийн менежер ...

2014-01-10 1281
Та орон сууцны барилга захиалахаар төлөвлөж байгаа бол...

2010.02.01-ний өдрөөс эхлэн мөрдөж байгаа MNS 6058:2009 "Орон сууцны барилгын доторх сууцны талбай ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 18.215.185.97
2017-11-30-ний өдрөөс хойш.
  • 34 Онлайн
  • 1038 Өнөөдөр
  • 6074 Өчигдөр
  • 30495 Долоо хоногт
  • 88972 Сүүлийн сард
  • 3208109 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  823

Facebook

Цаг агаар