Зуны чийрэгжүүлэлтийн тухай

  Хоол тэжээлийн хурц болон архаг дуталтай, сульдаа, цус багдалттай 2  хүртэлх насны 200 хүүхдийг Аймгийн Засаг даргын А/282 тоот  захирамжийн дагуу  орон нутгаас санхүүжүүлэн зуны чийрэгжүүлэлтэнд  2013 оны 8, 9 саруудад   Жаргалант сум, 9 өрхийн эрүүл мэндийн төвүүд дээр  хамрууллаа. Чийрэгжүүлэлтийн үйл ажиллагаанд  НХХ, ЭМГ  3 удаа зөвлөмж өгч, хяналт хийж мэргэжил арга зүйгээр ханган ажилласан. 

    Зуны чийрэгжүүлэлтэнд хамрагдах зорилтот бүлгийн 2 хүртэл насны  200 хүүхдүүдийг  сонгож, бүртгэн, эрүүл мэндийн үзлэгт хамруулан  биеийн жингийн индексийг үнэлэн чийрэгжүүлэлтийн  эхэн болон дунд, дуусах шатанд үнэлэх үнэлгээ хийж,   нар ус агаараар чийрэгжүүлэх зорилгоор иллэг хийх тавцан, элсэн талбай, зориулалтын сүүдрэвч, аяга, халбага, сав, суулга  зэргийг нөөц бололцоогоо ашиглан бэлтгэн, 10 хоногийн  хоол эмчилгээ, нар ус агаараар  чийрэгжүүлэх төлөвлөгөөний хөтөлбөр болон  эцэг эх, асран хамгаалагчдад ХӨЦМ-н чиглэлээр эрүүл мэндийн боловсрол олгох сургалтын төлөвлөгөө боловсруулсан.

   Чийрэгжүүлэлтийн үйл ажиллагаанд  сум,  9 өрхийн эрүүл мэндийн төвүүдийн эмч, эмнэлгийн мэргэжилтнүүд идэвхтэй, жигд  оролцсон бөгөөд ялангуяа Мөнхийн гэгээ, Шанд баг, Учралт баяр, Эрдэнэ баг, өрхийн эрүүл мэндийн төвүүд суурь өвчтэй хүүхдийн чийрэгжүүлэлтийн хөтөлбөрийг боловсруулан, урьд нь  зөвхөн сүү , тараг нэмэгдлээр  өгдөг байсан 12 төрлийн нэмэгдэл хоол нэмсэнийг    туршлага болгон  бусад ӨЭМТөвүүдэд  нэвтрүүлсэн.  Уураг илчлэгийн дутагдал, сульдаа, цус багадалттай эмзэг бүлгийн хүүхдэд шаардлагатай уураг, нүүрс ус, илчлэг, аминдэм нөхөх зорилгоор 12 төрлийн нэмэгдэл хоол, сүү , тараг зэрэг бүтээгдэхүүнийг  эрүүл ахуйн шаардлага хангасан орчинд эмч, эмнэлгийн мэргэжилтэн  шинээр бэлтгэж, “ Ээжүүдийн клуб”-ын сайн дурын 26  ээж нарыг татан оролцуулсан.  ХӨЦМ-н чиглэлээр тураал, сульдаа, цус багадалт өвчний үед илрэх шинж тэмдэг,  хүүхдэд 12 төрлийн нэмэгдэл хоол  хэрхэн бэлтгэх, баяжуулах, суулгалт өвчний үеийн гэрээр хорсол  найруулж,  шингэн сэлбэх, хүүхдийн аминд аюултай шинж тэмдэг зэрэг сэдвүүдээр сургалт явуулан сургалтын өмнөх болон сургалтын дараахь  мэдлэгийн түвшинг үнэлэх асуумж боловсруулан авч дүгнэсэн. Давхардсан тоогоор 456 эцэг эх асран хамгаалагчдыг сургалтанд хамруулсан .

 Гарсан үр дүн:

1. Аймгийн хэмжээнд зорилтот бүлгийн  уураг илчлэгийн хурц болон архаг дутал, сульдаа, цус багадалттай 200 хүүхдийг сум, 9 ӨЭМТөвүүдээр  нар, ус, агаараар чийрэгжүүлэн хоол, аминдэмжүүлэлтэнд /олон найрлагат бичил тэжээлийн холимог, Д аминдэм  зэрэг /   хамруулан эрүүлжүүллээ. 

2. Зуны чийрэгжүүлэлт өмнө нь  20 –р цэцэрлэгийн гэр цэцэрлэгт хийгдэж,  зорилтот бүлгийн цөөн хүүхэд хамрагдаж, эдгэрэлт бага  байсан бол энэ удаагийн чийрэгжүүлэлт  өрхийн эмчийн хяналтанд зорилтот бүлгийн олон хүүхдийг зэрэг  хамруулсан, эрүүлжилт харьцангуй сайн зэрэг   давуу талтай явагдлаа.

3. Уураг илчлэгийн хурц болон архаг дуталтай 68 хүүхдийн биеийн жин дундажаар 250-400 граммаар нэмэгдэж,  давхардсан тоогоор 174 сульдаа, цус багадалттай  хүүхдүүд  хоол эмчилгээ,  аминдэмжүүлэлтэнд  хамрагдаж эрүүлжсэн байна.

4. Сум, ӨЭМТөвүүд суурь өвчтэй хүүхдийн зуны чийрэгжүүлэлтийг  цогцоор нь хийх  хөтөлбөртэй болсон.

5. Сум, ӨЭМТөвүүдийн  бага насны суурь өвчтэй хүүхдэд үзүүлэх тусламж үйлчилгээ сайжирч, ур чадвар нэмэгдсэн, суурь өвчтэй хүүхдийн эдгэрэлт нэмэгдсэн. 

6. Эцэг эх асран хамгаалагчдын ХӨЦМ-н болон асран хамгаалахуйн эерэг  мэдлэг хандлага нэмэгдсэн. 

                                                                                                           

   
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2016-02-19 1025
2016 оны тодотгосон төсвийг 11.1 тэрбум төгрөгөөр баталлаа

Тодотгосон төсвийн төслийг 11.1 тэрбум төгрөгийн хөрөнгө оруулалт, их засвар, төсөл хөтөлбөрт зарцуулахаар ...

2014-03-07 1054
Орхон аймгийн ЗДТГ мэдээллийн цагтай боллоо

Орхон аймгийн ЗДТГ-ын дарга В.Сумъяасүх өнөөдрөөс эхлэн 7 хоног бүрийн баасан гарагийн 10:30 –аас ...

2014-11-18 1226
Иргэдийн санал хүсэлтийг хүлээн авах 70353511 төвийн 7 хоногийн мэдээлэл /2014.11.10-14/

НИЙТ 62 ӨРГӨДӨЛ ГОМДОЛ ИРСЭН Шийдвэрлэж хариу өгсөн 33 Шийдвэрлэх шатандаа байгаа 29

Сурталчилгаа

 

 

 

Веб статистик

Таны IP хаяг: 18.206.194.161
2017-11-30-ний өдрөөс хойш.
  • 12 Онлайн
  • 1692 Өнөөдөр
  • 2269 Өчигдөр
  • 1692 Долоо хоногт
  • 48111 Сүүлийн сард
  • 2045653 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  748

Facebook

Цаг агаар