Өргөдөл, гомдлын программ ашиглалтанд орлоо.

  Иргэн хүн төр засагтаа хандан өргөдөл гаргадаг. Төр засаг гэдэг нь аймгийн түвшинд бол Засаг дарга, түүний бодлого, үйл ажиллагааг удирдлага зохион байгуулалтаар хангадаг ЗДТГ. Иргэн хүн гэр өгөөч, дээвэр засаад өгөөч, орцных нь үүдэнд шахуу ажилладаг архины дэлгүүрийн асуудлыг нэг тийш нь шийдээд өгөөч гэх мэтчилэн өргөдөл гаргадаг. Дандаа л “өгөөч” гэсэн агуулгатай өргөдөл зонхилно. Нэгэнт “өгөөч” гэсэн агуулгатай аваас өргөдөл гаргагчид хүлээлт үүсдэг. Хэзээ асуудлыг нь шийдэх юм бол гэсэн хүлээлт. Энэ хүлээлтийн хугацаа ямар байгаагаар тэд төр засгийнхаа ажлыг дүгнэдэг.Учир нь хүн өөрийнхөө амьдралд тулсан асуудлаар л өрөөлийг буюу өөрийнх нь төлөө ажиллах ёстой төрийн байгууллагын үйл ажиллагааг үнэлдэг. Өөр арга ч байхгүй.  Өргөдөлд дурдсан асуудал дарга нарын гар дамжаад удаан шийдэгдэх  аваас хүнд сурталтай байна, дарга нар юм хийхгүй байна л гэнэ. Хурдан бол овоо доо л гэнэ. Тэгэхээр иргэдийнхээ өргөдөл, гомдлыг шийдэх, хариу өгөх явдал бол бүх шатны төрийн байгууллагын хамгийн гол ажил, амьдралын лугшилт, ард түмнийхээ санаа сэтгэгдэлийг мэдрэх хамгийн ойр дөт зам юм.
   Орхон аймаг энэ талаар олон ажил хийж байна. 24 цагаар иргэдээ сонсдог 70353511 утастай болоод чамгүй удчихлаа. Эхнээсээ үр дүн нь ч гарч байна. Дарга нарын чих чамгүй зөөлөрснийг зарим нэг нь мэдэрч байгаа болов уу.
    Тэгвэл энэ ажлаа улам боловсронгуй болгохын тулд өнөөдрөөс эхлэн Орхон аймаг өргөдөл, гомдлын шинэ программтай болж байна. Энэ программ ашиглалтанд орсноор хэн гэдэг иргэний ямар өргөдөл хэдэн сарын хэдний өдөр ямар дарга дээр очоод хэрхэн шийдэгдэж байгааг хянах боломжтой болж байна. Өргөдөл гаргасан иргэн төдийгүй  иргэд, ажил хариуцсан дарга нар бүгд хянах боломжтой болж байна. Өргөдөл шийдэх явц ил тод болохоос гадна иргэдийн өргөдөл, гомдолд дүн шинжилгээ хийх ажил улам боловсронгуй болно. Энэ нь төрийн байгууллагын үйл ажиллагаа, бодлого чиглэлд иргэдийн санаа бодол илүүтэй тусна гэсэн үг.
    Орон нутгийн түвшинд буюу аймгуудаас хамгийн түрүүн Орхон аймаг өргөдөл, гомдлын программтай боллоо. Улаанбаатар хотод ийм программ ажиллуулж байгаа бөгөөд хамгийн сонирхолтой нь нийслэлийн өргөдөл гомдлын программыг 55.0 сая төгрөгөөр хийлгүүлсэн бол энэ программаас юугаараа ч дутахгүй программыг Орхон аймгийн мэдээллийн технологийн инженер залуус 9.0-хон сая төгрөгөөр хийж өгчээ. “Бид нар иргэдийнхээ бүтээлч хүчийг зөв залж, санал санаачлагыг нь дэмжвэл хөгжлийн ямар их нөөц, боломж байгааг уг программыг бүтээгчид харууллаа” гэж Орхон аймгийн ЗДТГ-ын дарга В. Сумьяасүх хэвлэлийн бага хурал дээр сэтгүүлчдэд мэдээллээ.
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-05-29 1845
Өнөөдөр Монгол улсад банкны тогтолцоо үүсч бэхэжсэний 90 жилийн ой тохиож байна

Банкны салбарт ажил үйлсээрээ бусдыгаа тэргүүлсэн хүмүүсийг шагнаж урамшууллаа. Орхон аймгийн “Хүндэт ...

2013-05-20 3769
Ногоон байгууламж нэмэгдэж байна.

Монгол улсын ерөнхийлөгчийн бүх нийтээр мод тарих зарлигийг хэрэгжүүлэх, ногоон байгууламжийг нэмэгдүүлэх ...

Сурталчилгаа

 

 

 

 

Веб статистик

Таны IP хаяг: 35.172.233.2
2017-11-30-ний өдрөөс хойш.
  • 25 Онлайн
  • 360 Өнөөдөр
  • 3076 Өчигдөр
  • 360 Долоо хоногт
  • 25875 Сүүлийн сард
  • 2577903 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  774

Facebook

Цаг агаар