“Хангарьд” дахин “Боргио цом”-ын цомын эзэд боллоо


Нийслэл лигийн долоо, сонирхогчдын 15 багийн өрсөлдсөн “Боргио цом-2013” тэмцээн Монголын хөлбөмбөгийн талбайд 11 хоногийн турш үргэлжилж, өчигдөр  аваргууд тодорлоо.
Өчигдөр тус тэмцээний финалын тоглолтууд болсон юм. Тодруулбал, хүрэл медалийн төлөө “Дельта”, “Хасу мегават” багууд тоглож, “Хасу мегават” багийн хожлоор өндөрлөсөн бөгөөд алтан медаль цомын төлөө “Хоромхон”, “Хангарьд” багууд тоглон 0:1-ээр “Хангарьд” баг ялалт байгууллаа. Сонирхуулахад, Эрдэнэтийн “Хангарьд” клубын М.Отгонбаяр дасгалжуулагчтай “Хангарьд” баг  анхны “Боргио цом”-д түрүүлж байсан бөгөөд өмнө нь хоёр удаа мөнгөн медаль хүртэж байсан юм.

“Эрдэнэт” үйлдвэрийн үйлдвэр эрхэлсэн орлогч захирал, “Хангарьд” багийн эзэн Д.Даваасамбуутай уулзлаа.

-Танай баг ялалт байгуулж, цомын эзэд боллоо. Баяр хүргэе.

-Миний хувь сэтгэл их хангалуун байна. Би “Эрдэнэт” үйлдвэрийн орлогч захирлын ажлыг хүлээж аваад хоёр сар гаруй хугацаа өнгөрч байна. Ээлжит тэмцээндээ оролцоод түрүүллээ. “Боргио цом”-ын эзэн болсонд баяртай, сэтгэл хангалуун байна. Тамирчид, бидний ард хүлээж байгаа манай үйлдвэрийн ажилчид, “Хангарьд” клубынхээ бүх хүмүүст баяр хүргэе.

-Тун удахгүй лиг эхлэх нь?

-Лигийн аварга шалгаруулах тэмцээний өмөн манай багийнхан том амжилт үзүүллээ. Энэ бол нэг ёсондоо тэдэнд том амжилт, өөртөө итгэх итгэлийг өглөө. Бид ч бас өөртөө итглэтэй болж байна. Энэ хүчээрээ үзнэ гэж бодоод байгаа шүү. Лигийн долоон тоглолтын дөрөв нь манай Эрдэнэтэд болно. Тур утгаараа энэ амжилтаа илүү батгана гэж найдаж байна. Баг хамт олонтойгоо лигийн тоглолтын талаар ярилцаад явж байна даа.
“Боргио цом 2013” тэмцээний цомын эзэд болсон “Хангарьд” багийн ахлагч С.Баярзаяатай уулзлаа.

-“Боргио” цомын анхны эзэд энэ удаад амжилтаа хадгалан дахин цомын эзэд боллоо. Баяр хүргэе.


-Манай баг анхны “Боргио цом” тэмцээний аварга болж байсан. Дахин түрүүлсэндээ баяртай байна. Бид хоёр ч удаа аваргын төлөө тоглоод хожигдож байсан. “Хангарьд” спорт клуб болон “Эрдэнэт” үйлдвэрийн удирдлагууддаа баярласнаа илэрхийлье.

-Энэ удаагийн тоглолтууд хэр ширүүн байв?


-Багууд бүгд бэлтгэл сайтай, жигд хүчтэй байлаа. Манай багийн хувьд бэлтгэл арай илүү байсан болов уу, тиймээс энэ амжилтад хүрсэн гэж бодож байна.

-Хамгийн хүчтэй өрсөлдөгч?

-Хамгийн гол өрсөлдөгч “Эрчим” багийг хагас шигшээд “хожсондоо” маш их баяртай байна.

-Лигийн тэмцээн удахгүй эхэлнэ. Бэлтгэл хэр байна вэ?


-Манай багийн бэлтгэл хангагдсан байгаа. Лигийн дөрвөн тоглолтыг Эрдэнэт хотынхоо талбайд хийх болохоор мэдээж шөвгийн дөрөвт үлдэхийн төлөө тоглоно доо.
“Боргио цом 2013”-ын шүүгчээр ажилласан Монголын хөлбөмбөгийн холбооны шүүгч Э.Ариунболдтой цөөн хором ярилцлаа.

-Энэ удаагийн”Боргио цом”-ын тэмцээн таны хувьд ямар болж өнгөрөв өө?

-“Боргио цом”-ын тэмцээн маш амжилттай болж өндөрлөлөө. Аваргын төлөө лигийн хоёр баг өрсөлдөж, Эрдэнэтийн “Хангарьд” клубын баг түрүүллээ. Тоглолтууд маргаан будлиангүй маш сайхан болж өнгөрлөө.

-Хамгийн сонирхолтой, ширүүн тоглолт аль багуудын хооронд явагдсан бэ?

-Мэдээж лигийн багуудын хооронд өрнөсөн. Ялангуяа хэсгээс гарах хариуцлагатай тоглолтууд болон хагас шигшээ, медалийн төлөөх тоглолтууд нэлээд өрсөлдөөнтэй болж өндөрлөлөө.

-Энэ удаа “Боргио цом 2013”-д оролцсон багууд гадны легионер тоглогчдоор багаа бүрдүүлж, нэлээд цус сэлбэсэн харагдлаа?

-Тийм. Гадны тамирчид сүүлийн үед  лиг гэлтгүй сонирхогчдын багуудад хүртэл нэлээд ихээр тоглодог болсон. Үүний жишээ нь сая “Дельта” клуб шөвгийн дөрөвт гадны легионертой үлдэж байна. Мөн шинэ залуу тамирчдаар хүчээ сэлбэсэн “Хасу мегават” клуб хүрэл медаль хүртлээ. Лигийн багуудтай өрсөлдөх чанараараа сонирхогчийн багийн үзүүлэлт хавьгүй дээшилсэн байна.
 
Эх сурвалжийг” NEWS.MN” сайтаас.
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-03-25 1437
Э.Бөхтулга Жаргалант сумын Засаг даргаар томилогдлоо

Монгол улсын Засаг захиргаа, нутаг дэвсгэрийн нэгж, түүний удирдлагын тухай хуулийн 26.2, 26.3-т заасны ...

2020-04-09 227
ЗАСАГ ДАРГА Д.БАТЛУТ ЖАРГАЛАНТ СУМАНД АЖИЛЛАЛАА

Аймгийн Засаг дарга Д.Батлут өчигдөр Жаргалант суманд ажиллалаа.

2018-05-30 5310
ӨСВӨР НАСНЫ ХҮҮХДҮҮДЭД ҮНЭ ТӨЛБӨРГҮЙ ҮЙЛЧЛЭХ “СЭТГЭЛ ЗҮЙН ЗӨВЛӨГӨӨ ӨГӨХ ТӨВ” –ИЙГ НЭЭЛЭЭ

Өнөөдөр Орхон аймагт “Нийгмийн Эрүүл мэндийн төв”-д “Сэтгэл зүйн зөвлөгөө өгөх” төвийг нээлээ. Уг төвд ...

Сурталчилгаа

 

 

 

 

“БОДЛОГЫН ИННОВАЦИ-2020” ТӨСЛИЙН СОНГОН ШАЛГАРУУЛАЛТ ОРХОН АЙМГИЙН НИЙГМИЙН ДААТГАЛЫН ХЭЛТЭС ТҮРҮҮЛЖЭЭ

2020-08-04 64

ХЭЛТСҮҮДИЙН 2020 ОНЫ 08 ДУГААР САРЫН 03-07-НЫ ӨДРҮҮДЭД ХИЙХ АЖЛЫН ТӨЛӨВЛӨГӨӨ

2020-08-03 23

АЙМГИЙН ЗАСАГ ДАРГЫН ШУУРХАЙ ЗӨВЛӨГӨӨНИЙ ҮҮРЭГ ДААЛГАВРЫН БИЕЛЭЛТ

2020-08-03 23

39 ОЮУТАН ЗАСАГ ДАРГЫН НЭРЭМЖИТ ТЭТГЭЛЭГТ ХАМРАГДЛАА

2020-08-03 707

ИРГЭДИЙН САНАЛ ХҮСЭЛТ ХҮЛЭЭН АВАХ “70353511 УТАС”-ААР ИРСЭН 7 ХОНОГИЙН МЭДЭЭЛЭЛ

2020-08-03 18

КАРАОКЕ, БАР, PC ТОГЛООМЫН ҮЙЛ АЖИЛЛАГААГ ТҮР ЗОГСООХ ХУГАЦААГ СУНГАЛАА

2020-08-03 253

ТӨРИЙН БАЙГУУЛЛАГУУДАД ШААРДЛАГАТАЙ ТОНОГ ТӨХӨӨРӨМЖ ГАРДУУЛАВ

2020-07-21 376

ЗАСАГ ДАРГЫН ОРЛОГЧ С.БАТЖАРГАЛ ӨВӨЛЖИЛТИЙН БЭЛТГЭЛ АЖЛЫН ХҮРЭЭНД ЖАРГАЛАНТ СУМАНД АЖИЛЛАВ

2020-07-17 432

АЙМГИЙН ЗАСАГ ДАРГЫН ШУУРХАЙ ЗӨВЛӨГӨӨНИЙ ҮҮРЭГ ДААЛГАВРЫН БИЕЛЭЛТ

2020-07-17 88

ИРГЭДИЙН САНАЛ ХҮСЭЛТ ХҮЛЭЭН АВАХ “70353511 УТАС”-ААР ИРСЭН 7 ХОНОГИЙН МЭДЭЭЛЭЛ

2020-07-17 84

Веб статистик

Таны IP хаяг: 35.172.233.215
2017-11-30-ний өдрөөс хойш.
  • 25 Онлайн
  • 2856 Өнөөдөр
  • 2676 Өчигдөр
  • 5532 Долоо хоногт
  • 9581 Сүүлийн сард
  • 2561609 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  774

Facebook

Цаг агаар