Нөөцийн мах 7 сарын 5 нд дуусна.

“Махны нөөцийн менежерт хөнгөлөлттэй зээл олгож, нийлүүлэлтийн тогтвортой байдлыг хангах замаар махны жижиглэнгийн худалдааны үнийг тогтворжуулах нөхцөлийг тогтмол хангах зорилго бүхий “Махны нөөц бүрдүүлэх, үнийг тогтворжуулах” хөтөлбөрт “Эрдмийт” махны үйлдвэр “Махны нөөцийн менежер”-ээр шалгаран 2013 оны аймгийн хаврын махны нөөцийг бэлтгэн, худалдаанд нийлүүлэн ажиллаж байна. Тус үйлдвэр 1016,6 тн үхэр, хонь, ямааны махыг өөрийн үйлдвэрийн агуулах болон “Эрдэнэт мах маркет” ХХК-ий агуулахад /гэрээгээр/ нөөцлөн хадгалж, махны нөөц бүрдүүлэлт 101,6 хувьтай биелж, хаврын улирлын хэрэгцээт махны 77.0 хувийг нөөцийн мах хэлбэрээр ханган, нийт бэлтгэгдсэн махны 57.3 хувийг үхрийн, 29.3 хувийг хонины, 16.9 хувийг ямааны мах тус тус эзэлж байна. Нөөцийн махыг 2013 оны 01 дүгээр сарын 28-ны өдрөөс эхлэн худалдаанд гаргаж эхэлсэн.
Нөөцийн махыг нийт 20 цэгээр өдөрт дунджаар 9 тонн махыг худалдаанд гаргаж, бөөний 2 цэгийг Баасан, Бямба гаригуудад, тус үйлдвэрийн дэргэдэх нэрийн барааны цэгийг цагийн хязгаартайгаар нээн ажиллуулж байна. Нөөцийн махны жижиглэнгийн үхрийн мах-5950 төг, хонины мах-5850, ямааны мах-4750 төгрөг, гулуузаар үхрийн мах-5800, хонины мах-5500, ямааны мах-4600 төгрөгөөр буюу зах зээлийн жижиглэнгийн махны үнээс 1700-3000 төгрөгийн хямдаар худалдаанд нийлүүлж байна.
Нөөцийн махны бэлтгэл, хадгалалт, борлуулалтын явц байдалд хяналт тавих ажлын хэсгийг аймгийн Засаг Даргын захирамжаар байгуулж, тус тусын чиг үүргийн дагуу хэрэгжилтийг ханган ажиллаж, хэрэгжилтийн байдалд аймгийн Аудитын газраас хяналт шалгалт хийж ажилласан. Энэ хугацаанд орон нутгийн телевизүүдтэй хамтран нөөцийн махны хадгалалт, борлуулалт, үнэ, чанар, зарагдаж буй цэг, дэлгүүрүүдийн талаар хэрэглэгчдэд тогтмол мэдээлэл хүргэж байлаа.
Одоо “Эрдмийт”ХХК-ний агуулахад 27.6 тн нөөцийн махны үлдэгдэлтэй байна. Нөөцийн мах 2013 оны 07 дугаар сарын 05-ны өдөр хүртэл борлуулагдаж дуусна.
  Нөөцийн мах аль өвөл худалдаанд гарч өнөөдрийг хүртэл зарагдан иргэд их худалдан авч байгаа ч нийт махны борлуулалт, үнэ буурахад төдийлөн нөлөөлөхгүй байна гэж  муу хэлэгдэж, энэ жилийн нөөцийн махны амт чанар сайн, дээр нь өргөнөөр худалдаж байгаа нь хүртээмжтэй байна гэж сайшаагдсаар өдийг хүрлээ.Ямартаа ч сайн муугаараа бишгүйдээ дуудуулсан нөөцийн мах дуусч байна...
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-08-04 1179
МЭРГЭЖЛИЙН ХЯНАЛТЫН ГАЗАР

МЭРГЭЖЛИЙН ХЯНАЛТЫН ГАЗРААС. Орчны эрүүл ахуй: 1 байгууллага,1 иргэний ундны усны дээж шинжилгээнд хамрууллаа. ...

2014-10-29 888
Нээлттэй хаалганы өдөр болж байна

Орхон аймгийн Хүүхэд залуучуудын театр, Номын төв, Музей хамтран нээлттэй хаалганы өдрөө 2014-10-29 өдрийн ...

2014-12-03 1064
Монголчууд түүхий резин, резинэн бүтээгдэхүүн үйлдвэрлэж эхэллээ

Өнгөрөгч амралтын өдрүүд манай аймгийн хөгжил цэцэглэлтийг харуулсан хөгжлийн түүхэнд шинэ хуудас нэмсэн ...

Сурталчилгаа

 

 

 

Веб статистик

Таны IP хаяг: 35.175.191.168
2017-11-30-ний өдрөөс хойш.
  • 8 Онлайн
  • 252 Өнөөдөр
  • 2260 Өчигдөр
  • 4080 Долоо хоногт
  • 16768 Сүүлийн сард
  • 1796961 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  727

Facebook

Цаг агаар