Төрийн үйлчилгээг нээлттэй ил тод болгох чиглэлээр олон шинэлэг ажлууд зохион байгуулагдлаа

 

Бид иргэдийнхээ санал бодлыг сонсох, иргэдийн өмнө тулгамдаж байгаа асуудлыг шуурхай шийдвэрлэх зорилгоор 2013 оны 03-р сараас эхлэн аймгийн Засаг даргын Тамгын газарт “Иргэдийн санал хүсэлтийг хүлээн авах төв” байгуулж иргэдийн саналыг бичгээр болон цахим хэлбэрээр авч байна. Мөн биечлэн ирж санал бодлоо илэрхийлэх боломжоор бүрэн хангаж ажиллаж байна.

 Иргэдийн санал, хүсэлтийг авах 70353511 дугаарын шууд утсыг өргөжүүлэн албан ёсны  дуудлага хүлээн авагч 2 ажилтантайгаар ажиллуулж,өглөөний 8.00-20.0 цагт 70353511 дугаарын, оройны 20.00-оос өглөөний 8.00 цагийн хооронд 70351109 дугаарын шууд утсаар шуурхай хүлээн авч байна. Ийнхүү иргэд 24 цагийн турш санал хүсэлтээ илэрхийлэх боломжоор хангаж өгнө. Тус төв байгуулагдсанаас хойш 3 сарын хугацаанд 1911 иргэний 2181 гаруй санал, хүсэлтийг хүлээн авч шийдвэрлэлээ. Одоогийн байдлаар 1680 иргэнд санал хүсэлтийг нь шийдвэрлэж хариу өгч, 231 иргэний санал хүсэлт  шийдвэрлэх шатандаа явна.

Иргэдийн өргөдөл гомдлын шийдвэрлэлтийн болон лавлагааны программыг орон нутгийнхаа мэргэжлийн хүмүүсийн дэмжлэгтэйгээр хийж дуусч байна. Эдгээр программуудыг ЗДТГ-т ашиглаж эхэлснээр иргэд гаргасан өргөдлөө ямар байгууллага, хэн гэдэг төрийн албан хаагч дээр очсон, яаж шийдвэрлэгдэж байгааг өөрсдөө хянах боломжтой болно. 

Нутгийн удирдлагын ордонд иргэд хөдөлмөрчид ирж төрийн үйлчилгээ авах, үйлчлүүлэх нөхцөл боломжоор бүрэн хангаж нээлттэй болголоо. Нутгийн удирдлагын ордонд болон Ерөнхий боловсролын сургуулиудад утасгүй интернетийн сүлжээ ашиглах боломжтой болсон.

Мөн аймгийн Мэдээлэл холбооны сүлжээ төрийн өмчит компани дээр утасгүй интернетийн тоног төхөөрөмжийг суурилуулж дууслаа. Энэхүү төхөөрөмж суурилуулсан цэгээс 500 метрийн радиуст иргэд гар утас болон нөүтбүүкээсинтернетэд орох боломж нээгдлээ.

Аймгийн www.erdenet.or.gov.mn цахим хуудсанд төрийн байгууллагуудын үйл ажиллагааны, хүний нөөцийн, төсвийн, худалдан авах ажиллагааны, мөрдөгдөж байгаа хууль тогтоомжийн талаарх мэдээллийг ил тод тогтмол шуурхай байрлуулдаг боллоо. 

Мөн  аймгийн  газар олголт, төлөвлөлтийн талаарх мэдээллийг ил тод болгох үүднээс Эрдэнэт хотын 11-р хороололд амины орон сууцны газар олгох мэдээллийг www.erdenet.or.gov.mn  сайтад байршуулсан нь олны талархал хүлээж байна. 

 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-03-17 1390
Баян-Өндөр сумын долоо хоногийн мэдээ /2015.03.09-13/

- Засаг даргын тамгын газарт 1 дүгээр улирлын байдлаар 148 өргөдөл, гомдол ирснээс бичгээр 148, гомдол ...

2017-03-31 2029
ӨРХИЙН АМЖИРГААНЫ ТҮВШИН ТОГТООХ СУДАЛГАА ЭХЭЛЛЭЭ

Орлого орлуулан тооцох аргаар Өрхийн амьжиргааны түвшинг тооцох судалгаа өнөөдрөөс эхлэж дөрөвдүгээр ...

2014-09-23 1095
Согтуугаар тээврийн хэрэгсэл жолоодох явдал ихэсжээ

Зөвхөн өнгөрсөн долоо хоногт согтуугаар тээврийн хэрэгсэл жолоодож явсан 49 тохиолдлыг илрүүлжээ. ...

Сурталчилгаа

 

 

 

Веб статистик

Таны IP хаяг: 34.238.190.122
2017-11-30-ний өдрөөс хойш.
  • 12 Онлайн
  • 768 Өнөөдөр
  • 2455 Өчигдөр
  • 12882 Долоо хоногт
  • 72889 Сүүлийн сард
  • 2356957 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  768

Facebook

Цаг агаар