В.Сумьяасүх: Төр ард түмэнд үйлчилдэг байгууллага гэдгийг бодит байдлаар харуулна

 

 Орхон аймгийн Засаг даргын Тамгын газар шинэчлэгдэж байна. Үүд хаалга нь шил толь мэт, өгсөх шат нь улаан хүрэн хивсээр бүрэгдсэн, угтах үйлчилгээ нь хүний төлөө гэх сэтгэл гэрэлтсэн, ажилтнууд нь энгэртээ таних тэмдэг зүүсэн гээд энд нэг л өөр, шинэлэг өнгө төрх өдөр бүр нүднээ тусах болов. Энэ бүх шинэчлэлийг санаачлан хэрэгжүүлж эхэлсэн Аймгийн Засаг даргын Тамгын газрын дарга В.Сумьяасүхтэй саяхан уулзаж цөөн хором хуучиллаа. Тэр хийж буй шинэчлэлийнхээ талаар ийнхүү өгүүлж байна.

-Шинэ ажил хүлээн авснаас хойш ямар шинэчлэлүүд хийгээд байна вэ?

-Би энэ ажлыг хүлээж аваад 3 сар болж байна. Аймгийн Засаг дарга үйл ажиллагааныхаа 60 хоногийг хийгээд байх үед би энэ ажилд томилогдсон. Аймгийн Тамгын газрын шинэ баг бүрдэж, шинэ зорилтын төлөө үйл ажиллагаа явуулаад 5 сар болж байна. Энэ хугацаанд шинэ Засаг дарга, түүний Тамгын газар шинэ зорилтуудаа ард иргэдэд ойлгуулан сурталчлах чиглэлийн ажлууд нэлээн хийсэн. Харин аймгийн Засаг даргын үйл ажиллагааны хөтөлбөрийн дагуу 5 сарын 1-нээс бүтээн байгуулалтын ажлаа эхлүүллээ.

Би аймгийн ЗДТГ-ын даргаар томилогдоод хамгийн түрүүн аймгийн Засаг даргын Тамгын газрын байр, үйл ажиллагааг ард иргэдэд нээлттэй болгох зорилго тавьсан. Шинэчлэлийн Засгийн газрын бодлогыг орон нутагт хэрэгжүүлэхэд ЗДТГ үйл ажиллагаа, үүд хаалганаасаа нээлттэй болох ёстой гэж үзсэн. Тамгын газар хэзээ мөдгүй салаад уначихмаар төмөр хаалгатай байсныг өөрчлөөд тунгалаг шилэн хаалга болголоо. Гаднах довжоогоор иргэд орж ирэхдээ өвлийн хүйтэнд хальтирч унаад бэртчихгүй байхыг бодолцон хивсэнцэр дэвслээ. Тэргэнцэртэй иргэд Нутгийн удирдлагын ордноор чөлөөтэй ороод удирдлагуудтай уулзаж асуудлаа шийдүүлээд гарах боломж бүрдүүлэн тэдэнд зориулсан зам бий болголоо.

Өмнө нь ЗДТГ-ын үүдэнд дүрэмт хувцастай, ташаандаа гав зүүсэн хүмүүс хамгаалалт хийдэг, аймгийн Тамгын газарт ороод ирсэн хүнээс “Сайн байна уу” гээд угтахын оронд “Юу гэж явна” гэж байцаадаг, иргэд хэн нэгэнтэй уулзах гэхээр болж өгвөл уулзуулахгүй байх хориг тавиад буцаадаг тийм л дүр төрх байлаа шүү дээ. Төр, иргэн хоёрыг холдуулсан ийм хамгаалалт одоо цагт огт хэрэггүй гэж үзээд тэдний ширээ сандал, утас зэргийг хурааж, ЗДТГ-ын үүдэнд энгийн костюм, цагаан цамц, хар зангиатай залуусыг зогсоож ажиллуулдаг болсон. Тэд гаднаас орж ирсэн иргэдийг угтан авч, уулзах хүн нь аль өрөөнд сууж байгааг зааж чиглүүлж өгдөг энгийн элэгсэг үйлчилгээ үзүүлэх үүрэг зорилготой болсон.

Ер нь аймгийн төр, захиргааны байгууллага руу орж ирсэн иргэдэд ямар нэг төвөг саадгүй байх бүх нөхцлийг хангах зорилготой ажиллаж байна. Иргэд гаднаас орж ирээд мөртэй өлгүүрт хувцасаа өлгөдөг, хувцас нь тоос болсон бол тоосоо соруулчихдаг, товч нь унасан бол хадуулаад гардаг үйлчилгээтэй хувцасны өлгүүр бий болголоо. Энэ өлгүүрийн дэргэд иргэдийн санал хүсэлтийг 24 цагийн турш хүлээн авдаг утас ажиллуулж эхэллээ. Энэ үйлчилгээний ажилтнууд өдөр бүр 8.00-20.00 цаг хүртэл ажиллаж, иргэд санал хүсэлтээ хэлж хариугаа авдаг, хариулт нь хангалттай биш санагдвал тэр даруйдаа холбогдох хүмүүс рүү ороод асуудаг нөхцлийг бид бүрдүүлээд байна. Мөн аймгийн захиргааны барилгын хоёр талын шатыг хаагаад хонгил агуулах болгочихсон байсныг нээж одоо захиргааны баруун, зүүн жигүүр, голын гээд гурван шатаар иргэд өгсөж урууддаг болголоо. Аймгийн захиргааны бүх давхрын коридорт төрийн хүндэтгэлийн хүрэн өнгийн хивс дэвсээд хэн ч орж ирээд харахад сэтгэл хангалуун байхаар болгосон. Энэ бүхэнд иргэд ам сайтай байна.

Үүнээс гадна захиргааны ажилласдын зан харьцааг өөрчлөх нь хоёр дахь том өөрчлөлт гэж үзсэн. Төрийн байгууллагад олон жил ажилласан хүмүүс өөрсдийгөө төр гээд ойлгочихсон байдаг. Зарим нь “Би төрийн нэрийн өмнөөс ажил гүйцэтгэж буй дарга” гээд өөрийгөө ихэд өргөмжилсөн харагддаг. Ийм бодолтой төрийн ажилтан өөртэй нь уулзах гээд зорьж ирсэн иргэнд “Би завгүй, хоол цайны цаг болчихлоо, маргааш ир, гадуур ажилтай, дотоод ажилтай” гэх мэтээр дандаа хориг тавьсан үг хэлдэг шүү дээ. Одоо тийм хандлага байхгүй болсон. Аймгийн ЗДТГ-ын бүх ажилтны үүд хаалга нээлттэй, иргэдийг угтаж үйлчилдэг хандлага бий болгож байна. Төр бол ард түмэнд үйлчилдэг байгууллага гэдгийг бодит байдлаар бий болгохын тулд бид энэ өөрчлөлтийг хийж байгаа юм. Захиргааны ажилтан бүр ард түмэнд хүргэх төрийн үйлчилгээ надаар дамжин хэрэгждэг, би төрийн нэрийн өмнөөс иргэн бүрт зөв үйлчлэх учиртай гэдгийг ажилтнууддаа ойлгуулах, хэвшүүлэхийн төлөө ажиллаж байна.

Түүнчлэн төрийн үйлчилгээний ажилтны ёс зүйг баримтлах талаар ажилтнууд нэлээн өөрчлөгдөж байгаа. Хамгийн гол нь иргэдийн санал хүсэлтийг анхааралтай сонсож, болж өгвөл асуудлыг тэр даруйд нь шийдвэрлээд, эсвэл үнэн зөв мэдээлэл өгөөд, зөвлөөд гаргах ёстой.

-Аймгийн ЗДТГ-т хийсэн дээрх өөрчлөлтүүд иргэдэд таатай сэтгэгдэл төрүүлж буй гэдэгт эргэлзэхгүй байна. Иргэд бага ярьж, их хийхийг төрийн байгууллагаас хүсдэг. Иргэдийн тулгамдсан асуудал, тавьсан санал хүсэлтийг хэрэгжүүлэх тал руу хэр анхаарч байна вэ?

-Үерээс урьдчилан сэргийлэх зорилгоор гэр хорооллын айлуудын үерийн усны сувгийг засах ажлын зураг хийгдээд хөрөнгө нь батлагдсан, ажил нь хийгдэж эхлэх гэж байна. Мөн 7-р хорооллын цаана “Эко хороолол” барих зураг төсөл хийгдээд инженерийн шугам сүлжээ татах ажил эхлэх гэж байна. Инженерийн шугам сүлжээний ажил 7-р сарын 1-нд дуусна. Харин тэнд барих барилга байгууламжийн ажлын тендер 6-р сарын эхээр зарлагдаад 7-р сарын 1-нээс барилга байгууламжийнх нь ажил эхэлнэ. Энэ шинэ хорооллыг ирэх намар барьж дуусах юм. Богино хугацаанд хаус байр бүхий хорооллыг олноор нь барьж байгуулж болох юм байна гэдгийг энэ бүтээн байгуулалтаар жишиг болгож харуулах зорилготой ажиллаж эхэлсэн.

-“Эко” хорооллын захиалгыг хэзээ, хаана авч эхлэх бол?

-Захиалга авч эхлээгүй байна. Эхлээд тэдгээр барилгыг барих гүйцэтгэгчийг шалгаруулах тендер зарлана. Ингээд гүйцэтгэгчийг шалгаруулсны дараа хуулийн хүрээнд захиалга авна. Захиалгыг гүйцэтгэгч компани авч, иргэ.дтэй гэрээ хийж төлбөр тооцоогоо хийнэ. Төрийн байгууллага “Эко” хорооллын инженерийн шугам сүлжээний хөрөнгийг л орон нутгийн төсвөөс гаргах үүрэг хүлээх юм.

-Энэ зун Эрдэнэтэд орон сууцны нэлээн хэдэн барилга баригдана гэх чимээ дуулдлаа?

-Эрдэнэт хотод орон сууц олон баригдана. Ирэх намар 700-аад айлын байр ашиглалтанд орно. Ирэх жилээс эхлэн жил бүр 1500-аад айлын байр ашиглалтанд орох тооцоо гарсан. Ингээд бодохоор орон сууцны нийлүүлэлт хангалттай бий болно. Тухайлбал, Христийн сүмийн цаад талд “Евро эко хороолол” ирэх сараас суурь тавих гэж байна. Энэ хорооллын инженерийн шугам сүлжээнд улсын төсвөөс 10 гаруй тэрбум төгрөг олгогдохоор батлагдсан. Энэ жил 3 тэрбум төгрөгийн тендер зарлаад улсын төсвөөс гаргана. Харин тус хорооллын барилга байгууламжийг Чехийн хөрөнгө оруулалтаар, Хятад улсын гүйцэтгэгч нар ажиллах юм. Энд 9-12 давхар 20-иод байшин баригдана. Энэ иж бүрэн барилга байгууламжийн эхний 5 байшингийн ажил ирэх сард эхэлнэ. Энэ барилга байгууламж ирэх жил наадмын өмнө ашиглалтанд орох юм. Үүнээс 450 айлын байрыг “Эрдэнэт” үйлдвэр авахаар Чех улсын хөрөнгө оруулагч нартай урьдчилсан гэрээ хийсэн. Ийм байдлаар орон сууцны хангалт Эрдэнэт хотод нэлээн эрчимтэй хийгдэнэ.

-Та саяхан төрийн жинхэнэ албан хаагчийн сонгон шалгаруулалтанд оролцоод ирлээ гэж дуулдсан. Амжилттай юу?

-Саяхан аймгуудын Засаг даргын Тамгын газрын дарга нарын ажлын байрны сонгон шалгаруулалт Улаанбаатар хотноо зарлагдаж, тэнд Төрийн албаны зөвлөлийн шалгалтанд ороод ирлээ. Би өмнө нь ЗДТГ-ын даргын түр орлон гүйцэтгэгчээр ажиллаж байсан бол энэ шалгалтанд тэнцсэнээр аймгийн ЗДТГ-ын албан ёсны дарга болсон. Мөн Төрийн албаны зөвлөлийн салбар зөвлөлийн даргын ажлыг давхар хашна. Энэ зөвлөлийг удирдаж одоогоор төрийн зарим албан тушаалд түр томилогдоод байгаа орлон гүйцэтгэгч нарын ажлын байрны сонгон шалгаруулалтыг нийтэд зарлах, сонгон шалгаруулалт хийх, нөөц боловсон хүчнээ бүртгэж авах ажлаа эхлүүлж байна. Энэ сарын 21-нээс ажлын байруудаа зарлаж эхэлсэн. Хуулийн дагуу 21 хоногийн дараа ажлын байруудын сонгон шалгаруулалт явагдана.

-Цаг зав гаргаж ярилцсан танд баярлалаа. Та бүхний шинэ ажил үйлст амжилт хүсье.

 

   Ж.ОЮУН

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2016-04-07 985
ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ АХУЙН САРЫН АЯН-2016 НЭЭЛТИЙГ ХЭВЛЭЛИЙН БАГА ХУРЛААР ЭХЭЛЛЭЭ

Хэвлэлийн бага хурлын үеэр Хөдөлмөрийн аюулгүй байдал эрүүл ахуйн салбар хорооны дарга, Аймгийн Засаг ...

2017-07-07 1279
СОНГУУЛИЙН ХОРООНЫ НЭР БАРЬЖ ЦАГААН ХУУДАС УНШУУЛАХЫГ УРИАЛЖЭЭ

Сонгуулийн хорооноос аймгийн хэмжээнд саналаа өгсөн сонгогчдын ирцийн мэдээллийг 12 цагийн байдлаар ...

Сурталчилгаа

 

 

 

УИХ-ЫН ГИШҮҮН ДАМБЫН БАТЛУТ ОРХОН АЙМГИЙН ЗАСАГ ДАРГЫН ТАМГЫГ ХҮЛЭЭЛГЭН ӨГЛӨӨ

2020-07-04 484

ӨРХИЙН БОЛОН БИЧИЛ БИЗНЕСИЙГ ДЭМЖИХ ХҮҮГҮЙ БАРЬЦААГҮЙ ЗЭЭЛИЙН ТӨСЛИЙН ШАЛГАРУУЛАЛТ БОЛЖ БАЙНА

2020-07-04 78

МОНГОЛЫН ТУЛГАР ТӨРИЙН 2229, ИХ МОНГОЛ УЛСЫН 814, АРДЫН ХУВЬСГАЛЫН 99 ЖИЛИЙН ОЙ, ОРХОН АЙМГИЙН БАЯР НААДМЫН ХӨТӨЛБӨР

2020-07-03 227

ЗАСАГ ДАРГЫН БҮРЭН ЭРХИЙГ СЭМЖИДИЙН БАТЖАРГАЛ ХЭРЭГЖҮҮЛЖ АЖИЛЛАНА

2020-07-02 1889

БАЯР НААДМЫН ҮЕЭР НИЙТИЙН ХООЛ ҮЙЛДВЭРЛЭЛ, ХУДАЛДАА ҮЙЛЧИЛГЭЭ ЭРХЛЭХ СОНИРХОЛТОЙ АЖ АХУЙН НЭГЖҮҮДИЙН АНХААРАЛД

2020-07-02 1115

БАЯР НААДМЫН ҮЕЭР НИЙТИЙН ТЭЭВРИЙН ҮЙЛЧЛЭХ ТҮР МАРШРУТ

2020-07-02 279

ГАМШГААС ХАМГААЛАХ ӨНДӨРЖҮҮЛСЭН БЭЛЭН БАЙДЛЫН ХУГАЦААГ 7 ДУГААР САРЫН 15-НЫ ӨДӨР ХҮРТЭЛ СУНГАЛАА

2020-07-01 672

ЦЭВЭР, БОХИР УСНЫ ТАРИФ ШИНЭЧЛЭГДЭН БАТЛАГДЛАА

2020-07-01 672

ОРХОН АЙМАГТ БАЯР НААДМЫГ НЭЭЛТТЭЙ ТЭМДЭГЛЭХЭЭР БОЛЛОО

2020-07-01 4851

МОНГОЛ УЛСЫН ТӨРИЙН АЛБАНЫ ЗӨВЛӨЛИЙН АЖЛЫН ХЭСЭГ СУРГАЛТ, ХЭЛЭЛЦҮҮЛЭГ ЗОХИОН БАЙГУУЛЛАА

2020-07-01 320

ОРХОН АЙМАГТ БАЯР НААДМЫГ НЭЭЛТТЭЙ ТЭМДЭГЛЭХЭЭР БОЛЛОО

2020-07-01 4851

ЗАСАГ ДАРГЫН БҮРЭН ЭРХИЙГ СЭМЖИДИЙН БАТЖАРГАЛ ХЭРЭГЖҮҮЛЖ АЖИЛЛАНА

2020-07-02 1889

МОНГОЛ УЛСЫН ИХ ХУРЛЫН 2020 ОНЫ ЭЭЛЖИТ СОНГУУЛИЙН /ОРХОН АЙМАГ/ 20 ДУГААР ТОЙРГИЙН ХЭСГИЙН ХОРООДЫН САНАЛ АВАХ БАЙРУУДЫН БАЙРШИЛ

2020-06-22 1290

БАЯР НААДМЫН ҮЕЭР НИЙТИЙН ХООЛ ҮЙЛДВЭРЛЭЛ, ХУДАЛДАА ҮЙЛЧИЛГЭЭ ЭРХЛЭХ СОНИРХОЛТОЙ АЖ АХУЙН НЭГЖҮҮДИЙН АНХААРАЛД

2020-07-02 1115

УИХ-ЫН СОНГУУЛИЙГ ЗОХИОН БАЙГУУЛАХАД ОРХОН АЙМАГТ НИЙТ 500 ГАРУЙ ТӨРИЙН АЛБАН ХААГЧ АЖИЛЛАНА

2020-06-21 773

ЦЭВЭР, БОХИР УСНЫ ТАРИФ ШИНЭЧЛЭГДЭН БАТЛАГДЛАА

2020-07-01 672

ГАМШГААС ХАМГААЛАХ ӨНДӨРЖҮҮЛСЭН БЭЛЭН БАЙДЛЫН ХУГАЦААГ 7 ДУГААР САРЫН 15-НЫ ӨДӨР ХҮРТЭЛ СУНГАЛАА

2020-07-01 672

БАЯР НААДМЫГ ХӨЛ ХӨДӨЛГӨӨН, БӨӨГНӨРӨЛ ҮҮСГЭХГҮЙГЭЭР ТЭМДЭГЛЭНЭ

2020-06-25 498

МОНГОЛ УЛСЫН ТӨРИЙН АЛБАНЫ ЗӨВЛӨЛИЙН АЖЛЫН ХЭСЭГ ЭРДЭНЭТ ХОТОД АЖИЛЛАЖ БАЙНА

2020-06-30 487

УИХ-ЫН ГИШҮҮН ДАМБЫН БАТЛУТ ОРХОН АЙМГИЙН ЗАСАГ ДАРГЫН ТАМГЫГ ХҮЛЭЭЛГЭН ӨГЛӨӨ

2020-07-04 484

Веб статистик

Таны IP хаяг: 3.233.229.90
2017-11-30-ний өдрөөс хойш.
  • 21 Онлайн
  • 790 Өнөөдөр
  • 4263 Өчигдөр
  • 30692 Долоо хоногт
  • 24276 Сүүлийн сард
  • 2470987 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  771

Facebook

Цаг агаар