Мод булгартал шуураагүй ч Мөчир хугартал цас дарлаа.

    Энэ хаваржин бараг л өдөр алгасалгүй цас орсон. Эхлээд “шар тос, шар тос” гэдэг үгийг ам, амандаа хүлхэж байснаа аажимдаа амаа дор, дороо хамхицгаасан нь урт хаврын зүдэгт урьхан цас ч нэмэр өгдөгөөс үүдэлтэй. Ашгүй зуны сар гарлаа, зулзаган мод нахиаллаа хэмээн баястал “Аан тийм үү” гэж ам асуух шиг ахиад л өчигдөр цасаар дарав. Дарах дарахдаа даацтайхан дарлаа.

    Хот дотроо 31,7 мм, Жаргалантад 23 мм хур тундас буусан нь өдий цагийн дундажаас хавьгүй өндөр үзүүлэлт. Цасны зузаан 13 см байна гэж Орхон аймгийн Ус цаг уур, орчны шинжилгээний албаны инженер У. Чигэстэй мэдээлэв. Өдийд төө цас  гэдэг өвлийн цас уналаа л гэсэн үг. Зуны нойтон цас тулдаа л хайлмагтаад байсан болохоос өвөл байсансан бол өвдөгцөө цас. Өдрийн настай ч өвдөгцөө цас гэдэг бол асуудал. Ногоон байгууламжийг нэмэгдүүлэх сарын ажил ид өрнөж байтал ногоон байгууламж маань хөөрхөн хохирол амслаа. Модны мөчирс цасаа даалгүй их хугарчээ. Ялангуяа Бүсийн Оношилгоо Эмчилгээний Төвийн хашаан доторхи улиаснууд их гэмтсэнээс гадна голоороо хуга, хуга үсэрсэн нь цас гэдэг цагаа болохоор ямар их хүндийг бидэнд сануулав. Ганц өдрийн настай цасыг гамшиг гэж сүржигнэх нь хаашаа юм. Хүний ам хохирч, эд агуурс сүйдсэнгүй. Гэвч цас их хүнд ажээ. Цас хүнддээ бус асуудал хүндэрч болзошгүйдээ асуудал байгаа юм. Өнөөдөр гэхэд л өдөртөө 15 хэм хүртэл дулаарах нь байна. Нар жин үдлэхэд л  шар усны үер буух нь тодорхой. Цаг уурын урьдчилсан мэдээгээр цаашдаа ч ойрын өдрүүдэд  цас, бороо холилдон орох тул ард иргэд, аж ахуйн нэгж, албан газрууд дор бүртээ сэрэмжтэй байвал зохино. 
 

 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-06-23 3695
ҮЙЛДВЭР, ХӨДӨӨ АЖ АХУЙН ГАЗРЫН ДОЛОО ХОНОГИЙН МЭДЭЭ /2014.06.16-20/

Хангайн бүсийн аймгуудын фермерийн аж ахуй, сүү сүүн бүтээгдэхүүн боловсруулах үйлдвэрлэл эрхлэгчдэд ...

2015-12-23 780
Аймгийн Иргэдийн Төлөөлөгчдийн хурлын Ээлжит XXVII хуралдаан хуралдаж байна.

Үндсэн гурван асуудлаар хуралдаж байна. Хурлын зааланд 70350494 утас ажиллаж байна.

2013-12-02 925
Жаргалант сумын Засаг даргын Тамгын газрын хийсэн ажлын мэдээ

Сумын Иргэдийн төлөөлөгчдийн хурлын ажлын алба төсвийн байгууллагуудын үйл ажиллагаатай танилцан ...

Сурталчилгаа

 

 

 

Веб статистик

Таны IP хаяг: 34.229.131.116
2017-11-30-ний өдрөөс хойш.
  • 12 Онлайн
  • 2311 Өнөөдөр
  • 899 Өчигдөр
  • 4625 Долоо хоногт
  • 33450 Сүүлийн сард
  • 1980682 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  742

Facebook

Цаг агаар