Цэнгэлдэх хүрээлэнгийн засварын ажилд 171 сая төгрөг шаардлагатай.

  

Эрдэнэт хот шинэ цэнгэлдэх хүрээлэнтэй болоод 2 жил болж байна. Хоёр удаа наадмаа хийснээс өөр зориулалтаар ашиглах боломж нэг л гарч өгөхгүй байгаа тул уг цэнгэлдэх хүрээлэн өөрийнхөө өртөгийг нөхөх найдвар тун бага. Өөрийн өртөг нь маш өндөр. Хэдийгээр нийтдээ 4,8 тэрбум төгрөгийн дийлэнхи хэсгийг нь “Эрдэнэт үйлдвэр” ХХК гаргасан гэгдэж буй ч дам утгаараа энэ хөрөнгө татвар төлөгчдийн л мөнгө. Үйл ажиллагааныхаа үр шимээр эргэн төлөгдөх ёстой. Энэхүү хөрөнгө оруулалт тухайн үедээ зөндөө л хэл ам дагуулсан боловч бас ч гэж гялайх гялтайх нэг юм баригдлаа хэмээн үзэгсдийн өөдрөг сэтгэлийн дэмээр тэгэсхийгээд намжсан.Гэвч энэ цэнгэлдэх хүрээлэнг тойрсон хэл ам ахиад л сэдрэв. Суулт өгсөн, даацын хананд цууралт гарсан зэрэг элдэв шалтгаанаас үүдэн энэ жил наадмаа хаана хийхээ ч товлож амжилгүй сууж байна. Хэдийгээр ноднин зуны гамшиг тарьсан аадар бороог бүхэнд буруутгаж байгаа ч ажил гүйцэтгэгч нар цэнгэлдэх хүрээлэнд цэвдэг хандсан байхыг хэн ч үгүйсгэхгүй байна. Орхон аймгийн ЗДТГ цэнгэлдэх хүрээлэнгийн барилгад улсын дүгнэлт гаргуулахаар саналаа зохих газарт нь нэгэнт гаргахын сацуу одоо нүдэнд илтэд харагдаж буй эвдрэл хэмхрэл, эргэн тойрных нь суулт цөмөрхийг додомдоход хичнээн хэмжээний хөрөнгө шаардлагатай тодруулах комисс байгуулж ажиллуулсан юм. Уг комиссын ахлагч, хотын захирагчийн албаны дарга Б. Батжаргалын хэлж буйгаар даруй 171 сая төгрөг лавтайяа засварт зарцуулах юм байна. “Муу хүнийг зар, зарсан хойноо өр” гэдэг үг үнэн эсэхийг цэнгэлдэх хүрээлэнгийн барилгад дүгнэлт хийх улсын комисс шийднэ.

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2013-11-05 1629
Эрүүл мэндийн газраас мэдээлж байна.

Өнгөрсөн долоо хоногт Эрүүл мэндийн газрын удирдлагын зөвлөлийн хурал хуралдаж доорхи асуудлыг хэлэлцлээ. ...

2014-11-11 1016
Багшаар ажиллах эрх олгох 3 дахь удаагийн шалгалт 11 сарын 8-нд орон даяар онлайн хэлбэрээр явагдлаа

Тус шалгалтад анай аймгаас 87 шалгуулагч бүртгүүлснээс 83 шалгуулагч шалгалтад орж 59 нь тестийн шалгалтад ...

2014-03-18 1095
2а хорооллын хөрөнгө оруулагч нарыг хүлээн авч уулзлаа

Өнөөдөр АЗДТГ-ын дарга В.Сумъяасүх, Хотын захирагчийн албаны дарга Б.Батжаргал, Хот байгуулалт, Барилга ...

Сурталчилгаа

 

 

 

Веб статистик

Таны IP хаяг: 35.175.113.29
2017-11-30-ний өдрөөс хойш.
  • 16 Онлайн
  • 734 Өнөөдөр
  • 1940 Өчигдөр
  • 9659 Долоо хоногт
  • 41125 Сүүлийн сард
  • 2038667 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  748

Facebook

Цаг агаар